Yawropa Parlaménti Xitay Hökümitige Türme we Yighiwélish Lagérlirid Bihude Jazaliniwatan Insanlarini Qoyuwétishni Telep Qildi

Europa

Wakaletsiz milletler teshkilatining tor bétidiki uchurlargha qarighanda 18-yanwar küni yawropa parlaménti mexsus qarar élip, xitay hökümitini qolgha alghan kishilik hoquq pa’aliyetchilirini derhal we shertsiz qoyup bérishke chaqirghan.

Qararnamide bu shexslerning söz erkinliki, diniy étiqad erkinliki hemde bashqa eqelliy kishilik hoquqliri mesilisini teshebbus qilghanliqi üchün ularning xitay türmisige mehkum bolghanliqi alahide tekitlen’gen. Shuning bilen birge bu insanlarning qolgha élinishi yalghuz xelq’ara qanunlarghila xilap bolup qalmastin, xitayning öz qanunlirighimu xilap ikenliki körsitilgen.

Qararnamide körsitilishiche, xitay hökümiti “térrorluqqa qarshi turush” heqqidiki qanun we nizamlarni maqullighandin kéyin, öktichi pikirdikiler bu qanunlardiki alaqidar maddilargha baghlinip köplep jazalan’ghan. Bolupmu uyghur we tibet qatarliq xitay bolmighan milletlerning heq we hoquqliri bu qanunlar sewebidin téximu éghir buzghunchiliqqa uchrighan. Buning bilen kishilik hoquq sahesidiki depsendichilik biraqla éghirlap ketken.

Melum bolushiche, yawropa parlaménti mezkur qararnamini chiqirishtin ilgiri bir meydan munazire we muhakime bolup ötken. Muzakiride yawropa parlaméntini mushu mesililer heqqide xitay hökümitige bésim ishlitishke dewet qilish, shuning bilen birge xitay hökümitining qanunsiz qilmishlirini qattiq eyiblesh muhim nuqtilardin bolghan.

MpPoWtFTQqfbPlo-800x450-noPad

Muzakire ishtirakchiliri, jümlidin yawropa parlaméntini mu’awin re’isi fabyo kastaldo söz qilip, “xitay hökümiti insanlarning ghururini payxan qilishni toxtitishi lazim” dep körsetken. Yawropa parlaméntining ezaliridin ilxan küchük muzakire jeryanida uyghur ziyaliysi ilham toxtining ehwalini mexsus tonushturghan.

Wakaletsiz milletler teshkilati bu qararnamini qizghin qarshi alidighanliqini bildürgen. Shundaqla yawropa parlaménti bilen birge nöwette xitay türmiliride yétiwatqan kishilik hoquq pa’aliyetchilirining shertsiz qoyup bérilishini telep qilidighanliqini bildürgen.eziz

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: