Anqarada Diniy Alim Muhemmed Salih Hajimning Ghayibane Jinaza Namizi Chüshürüldi

Merhum muhemmed salih damollam hajim.

Merhum muhemmed salih damollam hajim.

Social Media

Xitayning atalmish terbiyilesh merkezliridin biride hayatidin ayrilghanliqi ilgiri sürülüwatqan diniy alim muhemmed salih hajim üchün türkiyening paytexti enqerediki eng chong we tarixiy jamelerdin biri bolghan haji bayram jameside 2-féwral jüme namizidin kéyin ghayibane jinaza namizi oquldi.

Bu jinaza namizi enqerede pa’aliyet élip bériwatqan étiqad munbiri teripidin uyushturulghan bolup, pa’aliyetke mezkur teshkilatqa eza her qaysi ammiwi teshkilatlarning mes’ulliri, ezaliri, jüme namizigha kelgen jama’et we enqerediki uyghurlardin bolup minglighan kishi ishtirak qildi.

Jinaza namizini enqere haji bayram jamesining imami exmet qarali ependi oqudi.

Arqidin bu pa’aliyetni uyushturghan étiqad erkinliki munbiri mes’uli zeynel abidin özqan ependi muxbirlargha bayanat berdi.

Bayanatta munular déyilgen: “muhemmed salih hajim 1936-yili xitayning ishghali astidiki sherqiy türkistanning atush dégen yéride dunyagha kelgen. Uning a’ilisi 1949-yili kommunist xitay sherqiy türkistanni bésiwalghandin kéyin bashqa meripetperwer uyghur a’ililirige oxshashla xitayning ziyankeshlikige uchrighan. U, béyjing islam institutini püttürgendin kéyin ürümchidiki uyghur akadémiyeside ishleshke bashlighan. Muhemmed salih hajim ‘qur’ani kerim’ ni hazirqi zaman uyghur tiligha terjime qilghan, ‘erebche-uyghurche lughet’ tüzgendin sirt. Köp sanda ilmiy maqale élan qilghan. Muhemmed salih hajim uyghurlarning diniy ilimlerni öginishige, islam tetqiqatigha muhim töhpilerni qoshqan shexs.”

Metbu’at bayanatini oqush jeryanida jama’et “shéhit muhemmed salih séning izinggha warisliq qilimiz”, “zalimlar üchün dozax yashisun” dégendek sho’arlarni towlashti.

Enqere étiqad munbiri mes’uli oqughan metbu’at bayanatining axirida, xitay hökümitini hazir uyghur we qazaqlargha élip bériwatqan bésim siyasitini derhal toxtitishqa, atalmish “terbiyilesh merkizi” nami astidiki lagérlarni derhal taqashqa chaqirdi.

Biz bügünki ghayibane jinaza namizi we pa’aliyet toghrisida pikir-qarashlirini igilesh üchün bu pa’aliyetke qatnashqan dunya uyghur qurultiyi mu’awin re’isi doktor erkin ekrem we enqerediki uyghur pa’aliyetchiler bilen söhbet ötküzduq.

Türkiyede doktorluqta oquwatqan wahit ependi özining bundaq bir pa’aliyetke tunji qétim ishtirak qilghanliqini we buning seweblirini bayan qildi.

Mirkamil qeshqerli ependi bügünki namayishqa köp sanda uyghurning qatnishishidiki sewebler heqqide toxtaldi.

“xitayning awazi bolup kelgen muhemmed salih damollamning lagérgha élip kétilgenliki u yerde wapat bolghanliqi ilgiri sürülüp bu yerde ghayibane namizi chüshürüldi. Doktor erkin ekrem ependi bundaq bir ziyaliyning xitay teripidin bundaq mu’amilige duchar bolushini qandaq chüshinishimiz kérek?” dégen so’alimizgha jawab berdi.

Xewerlerge asaslan’ghanda xitay hökümiti bu qétim köp sanda uyghur ziyaliysini terbiyilesh merkizi nami astidiki lagérlargha yighiwalghan.erkin tarim

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: