Gülchéhre Abduqeyyum Xoja:Xitay Hökümitige Ochuq Xet!

14681860_10211045618802046_1544805486718781582_n

Men gülchéhre abduqeyyum xoja . Amérika erkin asiya rad’iosining uyghur muxbiri. Men amérikigha kelgen 17 yildin buyan, xitay hökümiti pasport ishlep bérishni ret qilip kelgenliki üchün .ürümchidiki ata – anam we qérindishim bilen körüshelmey keldim . Ular méning xizmitim seweblik yeni heqiqetni anglitiwatqinim seweblik, yillardin buyan so’al- soraqqa, tehditlerge uchrap keldi.
9- ayning axiri inim qeyserning men seweblik da’iriler teripidin terbiyileshke élip kétilgenliki heqqide xewirini aldim . Apam bilen axirqi qétim -1 féwral küni télifon arqiliq sözleshkende, özining putini opératsiye qildurup yéngi doxturdin chiqqanliqini, emma ikki yildin buyan méngige qan chüshkenlik sewebidin yérim paralich bolghan dadamning ürümchi sheherlik dostluq doxturxanisida dawaliniwatqanliqini éytqan idi . -3 féwral küni ata- anam, kichik apam, newre ini – singillirim bolup, a’ilemdin jem’iy 20 dek insanning, bir künde ürümchi we ghuljida da’iriler teripidin sewebsiz tutup kétilgenliki heqqide uchur aldim. Shu kündin étibaren, a’ilemdikilerning téléfoni qayta ulanmidi . Belkim méning télifonimni chekligen bolsa kérek dégen gumanda bashqa döletlerdiki dostlirimgha a’ilem bilen alaqiliship körüshni hawale qildim . Héch bir télifon ulanmidi . Dimek bu shum xewerning rast bolushi éhtimalgha yéqin. Méningla emes putun uyghur xelqining oxshash qismette ikenliki hemmige ayan .

14681654_1172178696172432_1354469261931034398_n
Men xelqarada étrap qilin’ghan axbarat orgini bolghan erkin asiya radi’osining muxbiri bolush süpitim bilen shuni xitap qilimenki:
Xitay hökümitining a’ilemning men bilen bolghan normal alaqisige tosqunluq qilip, ular heqqidiki uchurlarni qamal qilishi, xitayning uyghurlargha qaratqan chektin ashqan adaletsiz zulum siyasetlirini ashkarlaydighan yene bir ispat,insanliqqa qarshi hujum,amérika puqrasi we xelq’araliq erkin axbarat ornining muxbirigha qilin’ghan bu zulum emeliyette axbarat erkinlikige, amérikigha qaritilghan hujum .
Men bir amérika puqrasi, xitay hökümiti ishxaliyitidiki sherqiy türkstandin kelgen uyghur bolush süpitim bilen,xitay hökümitining a’ilemning hazirqi ehwalini ashkarilashni, bigunah tutqun’gha uchrighan, salametlikidin ayrilghan özige tayiniish iqtidarimu bolmighan dadam abduqeyyum xojini, apam chimen’gül zikrini, inim qeyser qéyumni we bashqa uruq tuqqanlirimni shertsiz qoyup bérishini telep qilimen .

28277104_10215692234404532_3247382283137163649_n
Bir xelq’araliq muxbir bolush, zulumgha uchrighan, awazsiz qalghan uyghurlarning awazi bolush süpitim bilen xitay hökümitini,« terbiyilesh merkizi» namida pütün sherqiy türkistan miqyasida achqan, milyonlarche insanning qamalghanliqi mölcherliniwatqan, insanliqqa xilap, qanunsiz, gheyri resmiy türmilerni derhal taqashni, bigunah tutqun qilin’ghan uyghurlar we din’gha étiqad qilidighan bashqa qérindash milletlerni qoyup bérishke chaqirimen .
Uyghur jem’iyiti omumyüzlük teqib astigha élin’ghan, onminglighan uyghurlar yépiq terbiyilesh merkezlirige solinip, uyghurlarning medeniyiti, tili, ma’aripi, diniy étiqadi, tili, iqtisadi, örp-adet we kündilik turmushi éghir buzghunchiliqqa, hayati tehditke duch kéliwatqan mezgilde bir insan bolush süpitim bilen,özini 5 ming yilliq medeniyetke ige, qanunluq küchlük dölet sanawatqan xitay hökümitini sherqiy türkistandiki insanliqqa qarshi, xelq’araliq qanun we özining qanunlirigha xilap zulumini toxtitishqa, rayondiki xelqlerning ortaq yashash, sözlesh, uchur alaqe we sayahet erkinlige yol qoyushning tinch we muqim tereqqiyat üchün zörürlükini tekitlesh bilen teng,insan heqlirige xilap halda shiddet bilen ijra qiliwatqan her qandaq shekildiki basturush siyasetlirini ashqun tedbirlirini bikar qilishni telep qilimen.
Uyghurlarning weziyiti aptonom rayonluq partkom sékrétari chén chüen’go 2016‏-yili 8‏-ayda uyghur iligha yötkep kélin’gendin kéyin téximu keskinleshti . Uyghurlarning nöwettiki weziyiti xelq’ara axbarat wasitiliri, xelq’ara kishilik hoquq teshkilatliri, amérika dölet mejlisi, yawropa parlaméntning bir qisim ezalirining endishisini qozghimaqta. Men xitay hökümitini xelq’araliq orun we muxbirlarni uyghur élide tekshürüsh élip bérishke qoyup bérishke chaqirimen.
Ishinimenki !ushbu bayanat, peqet men bir shexsningla xitay hökümitige naraziliq bayanati emes . Bu awazini anglitish imkaniyiti bolmighan uyghurlarning oxshash sadasi . Sherqiy türkistan xelqining tartiwatqan zulumi oxshash bolghandek, muhajirettiki uyghurlarning we kishilik hoquq, insanperwerlikni terghip qilidighan barche hökümet, teshkilat we insanlarning endishisi, telep-isteklirimu bir.
Xitay hökümitini agahlandurumenki men yalghuz emes, uyghurlar yalghuz emes. Chünki adaletni yaqlash parche insanlarning ortaq peziliti. Zulumgha qarshi uyghurla emes, pütün insan birlisheleydu .men adaletning haman zulum üstidin ghalip kélidighanliqigha ishinimen.

Hürmet Bilen: Gülchéhre Abduqeyyum Xoja

23.Fewral 2018 Amérika/Washington

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: