Shahitlardin Biri Ghulja Shehiridiki “Terbiyilesh Lagérliri” ning Orni We Sani Heqqide Melumat Berdi

2018-04-20

Ikki neper xitay saqchisining "Terbiyelesh merkizi" ning aldida turghan körünüshi. 2017-Yili 2-noyabir, korla.

Ikki neper xitay saqchisining “Terbiyelesh merkizi” ning aldida turghan körünüshi. 2017-Yili 2-noyabir, korla.

 AP Photo/Ng Han Guan

Nöwette chet’elde yashawatqan, ötken yilning axiri bir saqchi dostining hemrahliqida “Yépiq terbiyilesh lagérliri” ni körüsh pursitige ige bolghan bireylen ghulja shehiridiki “Yépiq lagér” larning orni heqqide toxtilip, lagérdikilerning ehwali heqqide bir qisim melumatlar bilen teminlidi. U, “Terbiyilesh merkizi” dep atalghan 5 orundiki lagérning emeliyette bir türme ikenlikini, lagérdikilerning mehbus kiyimi kiyidighanliqini bayan qildi.

Melum bolushiche, ghulja shehiride yamachang, partiye mektipi, maliye mektipi, su derwaza doxturxanisi we qaradöng 7‏-xang qatarliq az dégende 5 orunda “Yépiq terbiyilesh lagéri” tesis qilin’ghan. Bir dostining himayisi bilen bu lagéridin birini körüsh pursitige ige bolghan bir muhajirning bayan qilishiche, nöwette ghulja shehiridiki bu lagérlarda oqutquchilar, dölet xizmetchiliri, diniy zatlar, déhqanlar, fabrika ishchiliri qatarliq hersahe kishiliri “Terbiye” lenmektiken.

Download (10)

Bultur küz mezgilide ghuljida bolghan we nöwette chet’elde yashawatqan bu kishi mezkur “Terbiyilesh merkizi” dégen isimning pütünley saxta isim ikenlikini, mezkur orunning bir jaza lagéri, yeni türmidin héch perqi yoqluqini ilgiri sürdi. U lagérdiki tutqunlarning mehbus kiyimi kiyidighanliqi, u yerde oqutush emes, peqet jaza ijra qilinidighanliqini bayan qildi. U yene lagér qorusida özi körgen kishilerning salametlikide éghir mesile barliqini, hetta ularning es-hushiningmu jayida emeslikige a’it chiray ipadisi we körünüshlerge shahit bolghanliqini bayan qildi.

 Shöhret Hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: