Awstraliyede Xitayning Teqiblesh Siyasitige Qarshi Naraziliq Namayishi Ötküzüldi

2018-04-27
27-Aprél awstraliyening adlayit shehiride ötküzülgen namayishtin bir körünüsh. 2018-Yil 27-aprél. Adlayit, awstraliye.

27-Aprél awstraliyening adlayit shehiride ötküzülgen namayishtin bir körünüsh. 2018-Yil 27-aprél. Adlayit, awstraliye.

 Social Media

27-Aprél küni bélgiye paytexti biryusséldiki yawropa parlaméntining aldida ötküzülgen “5000 Kishilik namayish” pa’aliyitini qollash shundaqla xitayning nöwette Uyghurlargha élip bériwatqan éghir bésim siyasitige naraziliq bildürüsh meqsiti bilen awstraliyening adlayit shehirining merkizidiki wiktoriye meydanida namayish ötküzülgen. Awstraliye sherqiy türkistan jem’iyiti uyushturghan namayishqa 400din artuq kishi ishtirak qilghan. Biz neq meydan’gha téléfon qilip, namayish heqqide melumat igiliduq. Uyghur pa’aliyetchi perizat gheyret xanim neq meydandin bu namayishning 27-aprél küni chüshtin kéyin adlayit shehirining merkizide ötküzülüwatqanliqini, namayishqa Uyghurlardin sirt, tatar, özbék we qazaqqa oxshash qérindash milletlerdin bolup, 400 etrapida kishining ishtirak qiliwatqanliqini bayan qildi.

Awstraliye uzun yillardin béri Uyghurlar izchil halda xitaygha qarshi naraziliq namayishi ötküzüp kéliwatqan döletlerdin biri hésablinidu. Undaqta bu qétimqi namayishning burunqi namayishqa oxshimaydighan teripi néme? perizat gheyret xanim bu qétimqi namayishqa burun namayishlargha qatniship baqmighan köp sanda Uyghurningmu ishtirak qilghanliqini bayan qildi.

Adlayitta élip bérilghan namayishqa awstraliyede ziyaret élip bériwatqan türkiyediki sherqiy türkistan ma’arip we hemkarliq jem’iyiti re’isi hidayet oghuzxan ependimu qatnashqan. U, namayishning nahayiti yaxshi ötüwatqanliqini, biryusséldiki “5000 Kishilik namayish” pa’aliyitini qollash meqsitide ötküzülgen namayishning zor ehmiyetke ige ikenlikini tekitlidi.
Uyghurlar jenubiy awstraliyening merkizi adlayitta ötküzülgen namayish jeryanida Uyghurlarning nöwettiki éghir weziyiti tonushturulghan köp sandiki waraqchilarni tarqatqan bolup, neq meydandin radiyomizgha melumat bergen perizat gheyret xanim namayishning sheherning eng awat rayonida ötküzülgenlikini, namayish ehlining Uyghurlarning éghir weziyitini kishilerge bir tereptin aghzaki anglatsa, yene bir tereptin waraqche tarqitish arqiliq anglitiwatqanliqini, awstraliyeliklerning Uyghurlargha bolghan hésdashliqlirini ipadileshkenlikini bayan qildi.

Biz namayish axirida namayishni uyushturghan awstraliye sherqiy türkistan jem’iyiti re’isi nurmemet ependi bilen téléfon söhbiti élip barduq. U, namayishning közligen meqsitige yetkenlikini, bu namayish arqiliq nurghun kishining hésdashliqini qolgha keltürgenlikini bayan qildi.

27-Aprél küni yawropa ittipaqining merkizi biryussélda ötküzülgen namayishni qollash üchün awstraliyedin sirt yaponiyening paytexti tokyodiki xitay elchixanisining aldidimu namayish ötküzülgen.erkin tarim

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: