Yawropa Parlaménti Aldida Muhajirettiki Uyghurlarning Zor Namayishi Ötküzüldi

2018-04-27
Bélgiye paytexti biryussélda ötküzülgen zor kölemlik namayishtin bir körünüsh. 2018-Yil 27-aprél. Biryussél, bélgiye.

Bélgiye paytexti biryussélda ötküzülgen zor kölemlik namayishtin bir körünüsh. 2018-Yil 27-aprél. Biryussél, bélgiye.

 RFA/Ekrem

Bügün, yeni 4-ayning 27-küni dunyaning jay-jayliridin kelgen minglighan Uyghurlar bélgiye paytexti biryussélgha jem bolup, Uyghurlarning muhajiret tarixidiki kölimi eng zor bolghan namayishlarning birini ötküzdi.

Bu qétimliq zor namayish biryussél waqti etigen sa’et 10:00 da “Sherqiy türkistan istiqlal marshi” bilen bashlandi.

Namayishning bashlinish murasimigha dunya Uyghur qurultiyi ijra’iye komitétining re’isi ömer qanat ependi riyasetchilik qildi. U, bu qétimliq namayishning bir tarix yaratqanliqini, uning muhajirettiki Uyghurlarning milliy dawa tarixidiki eng chong namayishlarning biri ikenlikini tekitlep ötti.

Bashlinish murasimida tunji bolup d u q ning aliy rehbiri rabiye qadir xanim söz aldi. U, bu qétimliq namayishni chet’eldiki Uyghurlar élip barghan bolsimu, emma ularni qozghatquchi piltining del Uyghurlar wetinide xitayning teqipi astigha élin’ghan milyonlarche Uyghurning échinishliq ré’alliqi bolghanliqini eskertip ötti.

Rabiye qadir xanimdin kéyin d u q ning re’isi dolqun eysa ependi söz qildi. U, bu qétimliq namayishning xitayning “Yighiwélish lagérliri” gha soliwélin’ghan bir milyondek Uyghurgha medet bérish, ularning yalghuz emeslikini, dunyaning ularni tashlap qoymaydighanliqini bildürüp qoyush üchün uyushturulghanliqini alahide tekitlidi.

Neq meydandin namayish heqqide uchur bériwatqan gérmaniyediki ixtiyariy muxbirimiz ekrem bu qétimliq namayishning bashlinish murasimida dunyaning jay-jayliridiki 30 gha yéqin Uyghur teshkilatliri we jama’et wekillirining qisqiche söz qilghanliqini bildürdi.

Ulardin qazaqistandin kelgen Uyghur jama’et wekili dinare xanim, qirghizistandin kelgen Uyghur jama’et wekili rozi hajim, gollandiye sherqiy türkistan ma’arip jem’iyitining re’isi eysa qarim, norwégiye Uyghur komitétining re’isi bextiyar ependi, amérikidin bérip namayishqa qatnashqan roshen abbas xanim, shiwétsiye Uyghur ma’arip uyushmisining re’isi abdulla kökyar ependi we kanadadin kelgen Uyghur jama’iti wekili bextiyar shemshidin qatarliqlar tesirlik nutuqlar sözlep, namayish meydanini lerzige salghan.

Neq meydandin xewer bériwatqan ixtiyariy muxbirimiz ekrem, bügünki namayishqa dunyaning herqaysi elliridin okyan atlap kelgen minglighan Uyghurlarning ishtirak qilghanliqini, hetta bezi a’ililerning bowaq balilirini harwigha sélip namayish meydanigha yétip kelgenlikini bildürdi.

Muxbirimiz ekremning bildürüshiche, Uyghur namayishchilar biryussél kochilirida ajayip daghdughiliq menzire hasil qilghan. Namayishchilar sépi nechche ming métirgha sozulup, ay-yultuzluq kök bayraqlar yawropa parlaménti aldidiki meydanni köp-kök adem déngizigha aylandurghan.

Diqqet qozghaydighan bir nuqta shuki, biryusséldiki bu zor namayish xitayning chet’ellerdiki jasusluq torining diqqet nuqtisida turghanliqidur.

Muxbirimiz ekremning neq meydandin igilishiche, bir jüp xitay qiz-yigit gumandar namayish bashlinishi bilen namayishchilarning arqidin songdiship méngip toxtimastin resimge tartqan we namayishchilarni filimge alghan. Namayish sépini qoghdap mangghan bélgiye saqchiliri ehwalni bayqap, bu bir jüp xitay qiz-yigit gumandarni neq meydanda tutup élip ketken. Neq meydandin süretke élin’ghan bu heqtiki körünüshler féysbuk qatarliq ijtima’iy taratqularda tarqitilghan.

Etigen sa’et 10:00 bashlan’ghan bu zor namayish 4 sa’et dawamliship, chüshtin kéyin sa’et 2:00 din ashqanda axirlashqan.ekrem

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: