Bayanday Kent mudiri: “Henipe Kérimni Terbiyilesh Merkizige Bérip Yoqliduq, Hal Ehwali Yaxshiken”

2018-05-11
Download (10)

Ikki neper xitay saqchisining “Terbiyelesh merkizi” ning aldida turghan körünüshi. 2017-Yili 2-noyabir, korla.

 AP Photo/Ng Han Guan

Biz aldinqi ayda ghulja shehirining bayanday yézisidiki zéhni ajiz ayal henipe kérimningmu atalmish “Terbiyilesh merkizi” ge ekétilgenliki heqqide xewer bergen iduq. Muxbirimizning bu hepte yene ilgirilep ehwal éniqlishi dawamida, bayandaydiki kent kadirlirining henipe kérimning a’ilisi bilen birlikte, uni yéqinda yamachangdiki terbiyelesh merkizige bérip yoqlap kelgenliki ashkarilandi. Henipe kérimni kök forma kiyim bilen ékrandin körgenlikini bayan qilghan kent ayallar mudiri, uning hal ehwalining yaxshiliqini tilgha aldi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Biz ghulja yamachangdiki “Terbiyilesh lagéri” da tutup turuluwatqan zéhni ajiz ayal henipe kérimning nöwettiki ehwalini bilip béqish üchün, bayanday yézisidiki alaqidar kent kadirlirigha qaytidin téléfon qilduq. Bayandaydiki bir ayallar mudiri kent kadirliri we henipe kérim a’ile-tawabi’atining yéqinda henipe kérimni yoqlap kelgenlikini bayan qildi. U sözliride, bu yoqlashning a’ile yaki kentning telipi bilen emes, belki lagér bashqurghuchilarning yeni siyasiy-qanun tarmaqlirining orunlashturush bilen bolghanliqini tilgha aldi. Melum bolushiche, 5 aydin béri lagérda turuwatqan henipe kérim ékranda kök renglik forma bilen, yeni mehbus kiyimi bilen körün’gen. Ayallar mudirining bayan qilishiche, henipe kérim ékranda özining hal-ehwalining yaxshiliqini bayan qilghan. Henipening xitay tili we qanun bilimlirini öginiwatqanliqini bayan qilghan mudir, uning ehwalida bek endishe qilip ketküdek weziyetning yoqluqini eskertti. Emma muhajirettiki Uyghur pa’aliyetchiler, herqandaq bir mehbusning öz weziyiti heqqidiki ijabiy teripleshlerge ishinishke bolmaydighanliqini, chünki ularning, shundaq déyishke mejbur ehwalda ikenlikini ilgiri sürüshmekte.

Muhajirettiki bezi Uyghur közetküchiler nöwette Uyghur rayonida tesis qilin’ghan “Terbiyilesh lagérliri” ni, 2 ‏-dunya urushi mezgilide qurulghan natsistche yighiwélish lagérlirigha oxshatmaqta. Bezi tarixiy matériyallarda körsitilishiche, natsistche lagérlardiki tutqunlarmu lagér bashqurghuchilirining mejburlishi bilen sirttiki uruq-tughqanlirigha öz ehwalining yaxshiliqi heqqide mektuplar yazghan yeni a’ile-tawabatigha öz ehwali heqqide yalghan melumat bergen. Biz ötken yili loptiki bir saqchi xadimini ziyaret qilghan waqtimizda, “Terbiyilesh lagéri” da yétiwatqan gülnar emet isimlik bir qizning dadisigha yazghan xétini oqup bergen؛ xette partiye we hökümetke minnetdarliq bildürülgen idi. shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: