Gérman Wetendishi Osman Tursun: “Xitay Saqchiliri Méni Ündekke Keltürüsh Üchün Kichik Oghlumni Dubeyge Ewetken”

2018-05-31
Gérmaniye ahalisi osman tursunning ikkinchi oghli memtimin osman a'ilisi bilen. (Osman tursun özi teminligen)

Gérmaniye ahalisi osman tursunning ikkinchi oghli memtimin osman a’ilisi bilen. (Osman tursun özi teminligen)

 RFA/Shöhret Hoshur

Gérmaniye ahalisi osman tursunning bayan qilishiche, xitay saqchiliri uni ündekke keltürüsh üchün kichik oghli memettursunni bu yil 1‏-ayning 26-küni dubeyge yolgha salghan.

Memettursun dubeyge chiqiwalghandin kéyin xitay saqchiliridin yüz örüp dadisining körsetmisi boyiche yol tutqan. Osman tursun oghli memettursunni u dubeyge kélip 3‏-küni üchinchi bir döletke yolgha salghan. Dubeyge chiqishtin awwal xitay saqchilirining 6 ay qattiq-yumshaq telim-terbiyesidin ötken memettursun dubeydin chiqip kétish üchünmu belgilik tedbir qollan’ghan we tewekkülchilik qilghan.

Gérmaniyede yashawatqan osman tursun xotenning guma nahiyesidiki “Yighiwélish lagéri” da yétiwatqan özining 3 oghli, bir tughqan qérindashliri we qérindashlirining oghulliri bolup, a’ile tawabatidin 24 kishining ehwalidin endishe qilip yashawatqan künliride kichik oghli memettursundin téléfon tapshuruwalghan. Tapshuriwalghandimu xotendin emes, belki ereb birleshme xelipilikidiki dubeydin tapshuruwalghan. Kichik oghli memettursun uninggha xitay da’irilirining özini lagérdin chiqirip gérmaniyediki dadisi bilen yüzturane körüshüshke we dadisigha xizmet ishlep xitay üchün jasusluq qilishqa maqul keltürüshke ewetkenlikini yetküzgen.

Osman tursun oghligha dubeydin derhal üchinchi bir döletke kétishni éytqan. Emma memettursun üchinchi bir döletke kétip bolghandin kéyinmu xitay saqchiliri uning péshini qoyuwetmigen. Dubeyde dadisi bilen uchrishishni telep qilghan xitay saqchiliri emdilikte uning dadisi bilen körüshüshini pütün küchi bilen tosighan.

Osman tursunning bayan qilishiche, oghli memettursun 3 qétim téléfon almashturghandin kéyin axirqi qétimda, yeni 1‏-may küüidin étibaren xitay saqchilirining iz qoghlishidin qutulghan. shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: