Putbol Cholpani Irpan Hézimjanning Dörbiljindiki “Türgün Terbiyelesh Merkizi” de Ikenliki Éniqlandi

2018-04-16
"Terbiyelesh lagéri" gha élip kétilgen, jyangsu "Suning putbol komandisi" ning hujumchisi, putbol cholpini irpan hézimjan(solda) argéntinaliq putbol cholpini messi bilen.

“Terbiyelesh lagéri” gha élip kétilgen, jyangsu “Suning putbol komandisi” ning hujumchisi, putbol cholpini irpan hézimjan(solda) argéntinaliq putbol cholpini messi bilen.

 Social Media

Bu yil 2‏-ayda “Terbiyelesh lagéri” gha élip kétilgen putbol cholpani irpan hézimjan heqqidiki ilgirilep ehwal éniqlishimiz dawamida uning dörbiljin nahiyesining jyawchü (sheher etrapi) yéza türgün kentige tesis qilghan “Terbiyelesh lagéri” da ikenliki, apisi perghane xanimning bu heqsizliqni qobul qilalmay es-hoshini yoqitip qoyghanliqi éniqlandi.

Biz xitay döletlik putbol kulubining ezasi, jyangsu suning putbol kulubining hujumchisi irpan hézimjanning qaysi “Terbiyelesh lagéri” da ikenlikini we uning salametlik ehwalini éniqlash üchün chöchek we dörbiljindiki alaqidar organlargha téléfon qilduq. Éniqlishimiz dawamida irpan hézimjanning dadisining qassapliq qilidighanliqi, dörbiljin bazirining chöchek kochisida olturidighanliqi éniqlandi.

Dörbiljindiki bir saqchi xadimi, irpan hézimjanning dörbiljinning jyawchü (sheher etrapi) yézisining türgün kentidiki “Terbiyelesh lagéri” da ikenlikini ashkarilidi. Biz yene türgündiki bu lagérning ehwali heqqidimu melumat soriduq. Saqchi xadimlirining bayan qilishiche, dörbiljin nahiye baziridin 10 kilométir uzaqliqtiki türgün kentide qazaqlar köp sanliqni igileydiken. Bu xadim yene irpan hézimjan turuwatqan mezkur lagérgha 1000 din artuq kishining solan’ghanliqini, bularning köpinchisining Uyghur, qalghanlirining qazaq ikenlikini ashkarilidi.

Ahalilerdin biri, irpan hézimjanning a’ilide yalghuz bala ikenlikini, u tutulghandin bügün’ge qeder a’ilisining uning bilen bir qétimmu körüshüp baqmighanliqini, bu ehwal uning apisi perghane xanimning salametlikige éghir tesir qilghanliqini bayan qildi. U yene oghlining béshigha kelgen bu ushtumtut weqeni we éghir heqsizliqni qobul qilalmay perghane xanimning nöwette es-hoshini yoqitip qoyghanliqini tilgha aldi.

Aldinqi künidiki programmimizda alaqidar xadimlar putbol cholpani irpan hézimjanning putbol komandisi bilen birlikte chet’elge chiqqanliqi üchün tutulghanliqini bayan qilghan idi. Tordiki alaqidar uchurlardin uning bu yil 1‏- we 2‏-ayda ispaniye we ereb birleshme xelipilikide bolghanliqi ashkarilandi. “Yépiq lagérlar” heqqide ilgiri igiligen uchurlirimizda xitayning türkiye, misir we ereb birleshme xelipiliki qatarliq 10 nechche döletni ziyaret qilghan Uyghurlarni omumyüzlük tutup solawatqanliqi ashkarilan’ghan idi.shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: