Yaponiyediki Uyghur Pa’aliyetchi Turmemet Hashim Xitaygha Qarshi Tokyoda Achliq Élan Qildi

2018-06-01
Uyghur pa'aliyetchi turmemet hashim ependi xitayning Uyghurlar ustidin yürgüzüwatqan wehshiy siyasitige qarshi tokyoning shibuya rayonida 48 sa'etlik achliq élan qilip, waraqchilarni tarqatmaqta. 2018-Yili 31-may, tokyo.

Uyghur pa’aliyetchi turmemet hashim ependi xitayning Uyghurlar ustidin yürgüzüwatqan wehshiy siyasitige qarshi tokyoning shibuya rayonida 48 sa’etlik achliq élan qilip, waraqchilarni tarqatmaqta. 2018-Yili 31-may, tokyo.

 Social Media

Xitayning ötken yilidin bashlap “Qayta terbiyilesh” namida jaza lagérlirini kéngeytip qurup Uyghurlarni türkümlep bu jaylargha qanunsiz solap ménge yuyush herikitini élip bériwatqanliqidek bir qatar zulum siyasetliri nöwette hemme Uyghurlarni öz tesirige almaqta. Chet’el axbaratlirida közetküchiler “Yépiq terbiyilesh merkizi” ni natsist gérmaniyesining jaza lagérlirigha oxshatqan bolsa, Uyghurlar buni xitayning Uyghur milliti üstidin élip bériwatqan sistémiliq irqiy we medeniyet qirghinchiliqi dep eyiblimekte.

Chet’ellerdiki Uyghurlar wetinide xitay teripidin sewebsiz tutulup lagérlargha élip kétilip iz déreksiz ghayib boluwatqan qérindashliri we uruq-tughqanliri üchün chet’ellerde turup qilalaydighinining peqet zulumgha qarshi naraziliqini bildürüsh, adaletsizliklerni pash qilish, xitay hökümiti üstidin kishilik hoquq teshkilatlirigha erz qilish we her türlük naraziliq namayishliri élip bérish ikenlikini tonup yetken. Bu munasiwet bilen Uyghur ayallirining “Bir qedem, bir awaz” namidiki zenjirsiman namayishi, yawropa parlaménti aldidiki 5 ming kishilik namayish heriketliri Uyghurlarning chet’ellerde élip bériwatqan xitaygha qarshi naraziliq pa’aliyitini yenimu yuqiri pellige kötürgen idi.

Yaponiyediki aktip Uyghur pa’aliyetchilerdin turmemet hashim ependining jüme künidin bashlap tokyodiki xitay elchixanisi aldida 48 sa’etlik achliq élan qilish herikitini bashlighanliqi melum bolghandin kéyin chet’ellerdiki Uyghurlarning qolliniwatqan ijtima’iy taratqularda qiziq nuqta bolup qaldi. Uyghurlar buni “Xitay zulumining söngekke yetkenlikning bir ipadisi” dep teriplimekte shundaqla ijtima’iy taratqular arqiliq turmemet ependining bu pidakarliqigha medetler tileshmekte. Achliq namayishini dawam qiliwatqan turmemet ependini bügün biz téléfonda ziyaret qilish pursitige érishtuq.

Turmemet ependi achliq élan qilish arqiliq xitay hökümitige naraziliq bildürüsh, yaponiye metbu’atliri we jama’itining shundaqla xelq’ara kishilik hoquq organlirining diqqitini Uyghur mesilisige tartishni meqset qilghanliqini bildürdi. U achliq élan qilish arqiliq Uyghurlarning zulumgha qarshi sunmas iradisini we wetini sherqiy türkistanning erkinlikige bolghan qet’iy ishenchini namayan qilish ikenlikini tekitlidi.

Turmemet hashim 20 yillardin béri yaponiyede Uyghur dewasi qilip kéliwatqan aktip pa’aliyetchi. U bu qétimqi achliq élan qilish herikitini esli pilani boyiche ramzan bashlinish bilen özi berdashliq béreligen’ge qeder dawam qilishni pilanlighan bolsimu, tokyodiki alaqidar da’irilerning ijazitige érishelmigenlikini bayan qildi. Uning éytishiche, u axiri 48 sa’et su we ozuqsiz halda xitay elchixanisi aldida achliq élan qilish ruxsitige ige bolghan bolup, 31-may küni shu yer waqti sa’et 10 din bashlap achliq élan qilish pa’aliyitini resmiy bashlighan.

Buning aldida, yeni ötken ayda awstraliye döletlik téléwiziyisi “Dunya programmisi” ning ziyaritini qobul qilghan dunya Uyghur qurultiyining aliy rehbiri rabiye qadir xanim özining xitayning Uyghurlargha qaritiwatqan yuqiri bésimliq siyasitige qarshi naraziliq bildürüsh üchün achliq élan qilmaqchi boluwatqanliqi bildürgen idi. Özining Uyghur diyaridiki uruq-tughqanliridin 37 kishining qamaqqa élin’ghanliqini tilgha alghan rabiye xanim yene “Méning a’ile ezalirimla emes, bir milyondin artuq Uyghurlar-natsistlar uslubidiki yighiwélish lagérlirigha qamalmaqta,” dep körsetken idi. Nöwette rabiye qadir xanim amérikida achliq élan qilidighan jay we waqit heqqide ijazet kütmekte iken.

Amérika Uyghur birleshmisining re’isi ilshat hesen ependi Uyghurlar eng xeterlik basquchqa kélip qalghan bu peytte turmemet hashim ependining yaponiyede élip barghan bu achliq élan qilish herikiti, Uyghurlar üchün zulum chekke yetkendiki axirqi bir tallash, zörür bolghan bir xil namayishning yuqiri pellisi, dep baha berdi.

Ilshat ependi yene zor jasaret we pidakarliq telep qilidighan achliq élan qilishtek naraziliq herikitining toghra orunda, pilanliq, keng kölemlik we uzun muddetlik élip bérilghanda yenimu ünümlük bolidighanliqini bildürdi. U yene jismaniy we rohi jehettin saghlam we teyyar bolghan chet’eldiki Uyghurlarning nöwettikidek jiddiy weziyette qolidin kélidighan tinch usuldiki herqandaq ehmiyetlik naraziliq herikitini élip bérishi zörür dep qaraydighanliqini bildürdi.

Achliq élan qilishni dawamlashturuwatqan turmemet hashim ependi özining yalghuz bolsimu achliq élan qilish arqiliq xitay hökümitining chektin ashqan zulumigha qarshi naraziliq bildürüshni, xitayning zulumi üstidin ghelibe qilishqa bir ishench turghuzushni, Uyghurlarning yenimu ünümlük küresh yollirini izdishige bir medet bolushini arzu qilidiken. U ijtima’iy taratqular arqiliq özige medet bériwatqan Uyghurlargha we Uyghurlarni qollighuchi dostlargha teshekkürini bildürdi. gülchéhre

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: