Dunya Islam Hemkarliq Teshkilati “Xinjang Wekiller Ömiki” ning Saxta Teshwiqatigha So’al Qoymighan

2018-06-07

Dunya islam hemkarliqi teshkilatining resmiy tor bétide élan qilin’ghan xewerge qarighanda, Uyghur aptonom rayonluq hökümet da’iriliri bu yil 5-ayda mexsus ömek teshkillep, dunya islam hemkarliq teshkilatini ziyaret qilghan.

Xewerde éytilishiche, 9-may küni “Shinjang medeniyet we alaqe merkizi” din kelgen bir hey’et dunya islam hemkarliq teshkilatining bash shtabini ziyaret qilghan. “Xitay-chet’el dostluq jem’iyiti” ning mu’awin bash katipi shü güyshyang bashchiliqidiki bu hey’etning terkibide xitay ma’arip ministirliqining az sanliq milletler ma’arip tereqqiyat bölümi we Uyghur aptonom rayonluq ijtima’iy penler akadémiyesidin kelgen wekiller bar iken.

Xewerde bu qétimliq uchrishishning mezmuni heqqide toxtilip mundaq déyilgen: “Uchrishishta teshkilatimiz mes’ulliri xitaydin kelgen bu ömekke dunya islam hemkarliq teshkilatining siyasiy we medeniyet pa’aliyetliri hemde bu sahediki diyaloglirini tonushturup ötti. Shinjang wekiller ömiki uchrishishta xitay hökümitining xitaydiki az sanliq milletlerge, bolupmu Uyghur qatarliq musulman xelqlerge qaritiwatqan étibar bérish siyasetliri we programmiliri heqqide melumat berdi.”

Xewerdin qarighanda, ikki terepning uchrishishida Uyghurlar nöwette uchrawatqan yuqiri bésimliq siyaset we zulumlar heqqide héchqandaq gep bolunmighan. Chet’ellerdiki Uyghur közetküchiler, xitay hökümiti Uyghurlarning dini we milliy hoquqlirini misli körrülmigen derijide depsende qiliwatqan bir shara’itta 57 islam döliti eza bolghan dunya islam hemkarliq teshkilatining Uyghur musulmanliri mesiliside xitay ömikige héchqandaq so’al qoymasliqining intayin epsuslinarliq bir ish bolghanliqini bildürmekte.

Melum bolushiche, dunya islam hemkarliq teshkilati 2016-yili istanbulda yuqiri derijiliklerning uchrishish yighini chaqirghan. Shu qétimliq uchrishshta élan qilin’ghan “Istanbul xitabnamisi” ning 13-we 14 -maddilirida “Dunya islam hemkarliq teshkilati özige eza döletler we mezkur teshkilatqa eza bolmighan döletlerde bésimgha uchrawatqan musulman xelqlirining heq-hoquqlirini qollaydu we ular bir septe turidu,” déyilgen.

Chet’ellerdiki Uyghur közetküchiler, dunya islam hemkarliq teshkilatini öz xitapnamisidiki yuqiriqi maddilargha asasen xitayda éghir zulumgha uchrawatqan Uyghur musulmanlirining ehwaligha köngül bölüshi kéreklikini, xitay ömikidin Uyghur diyaridiki “Yépiq terbiye lagérliri” ni sürüshte qilishi lazimliqini telep qildi.
Muxbirimiz irade

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: