Sherqiy Türkistanda Aqqan Qanda Türk Millitige Yézilghan Ochuq Xet!

aaaaaaaaaaa

Bir milletni millet qilip tutup turghuchi amil til we teqdirdashliq bolup, xushalliqta, ghem – qayghuda, ajizliqta, pexirlinishte, yaxshi – yaman künde hemdem bolush, éghir künlerde, qéyinchiliqta hemnepes bolush… eger bu ikkisi bilen birge tewrenmes qelipdashliqning barliqidin éghiz échish, heqiqettin söz qilish mumkin bolsa we buni ispatlaydighan heqiqiy qérindashliq heqqi we emeliyiti bolsa, undaqta din dewatqan u ulugh rishte, bu tirik wujutta uni qoghdap himaye qilghan, bir pütün imandin teshkil tapqan mustehkem qorghandur.
Epsuski, türk milliti, mewjut haliti bilen islam ümmiti, bizni islam bilen shereplendürgen erep milliti, bügün bu rishtiler berpa qilishi kérek bolghan ittipaqliq we hemkarliqtin yoqsun halda turmaqta. Démekchi bolghanlirimni iriqchiliq uqumidin xaliy halda éytiwatqanliqimni we hergizmu uningdin medet kütmeydighanliqimni aldin bildürüp qoyay. Bu kirish sözni sherqiy türkistanda sistémiliq we xupyane pilanlar bilen yoq qiliniwatqan qan we din qérindashlirimiz yer yüzidin yoqulup ketmestin we hazirmu dat – peryadliri, yardem telepliri, medet chuqanliri ershni titretken bolsimu, emma bizdiki biperwa, érengshimes ölük qeliplerni heriketke keltürelmeywatqan nidaliri anglanmas bolushtin ilgiri bir ish qilalmasliqning iztirapini eng axirqi qétim otturigha qoyush üchün yéziwatimen, qanchilik tesir körsitidighanliqi manga namelum. Emma bu mesilini minglighan ehmiyetsiz we erzimes, pani, ötkünchi mesililer nöwet bermeywatqan cholta küntertipning aldigha ötküzüsh üchün buni yéziwatimen.
Eslide buni qiliwatqan, bu azapni her hüjeyrisigiche chongqur hés qilip yashawatqan we berdashliq bérish qéyin bolghan bu otni rohida yalqun tagh kebi tizginlep, pat – pat wolqan kebi téshigha urup, özige teselliy bergen nur’ela köktürk hedimiz, animizdur. Özi 1965 – yili zalim xitayning zulumidin qéchip, weten dep atalghan boshluqni héchqandaq nerse bilen tolduralmaydighan hesretni arqida qaldurup, yurtimizgha panah tartqan mihnetkeshlerdin biri. Hayatini, xiyallirini, hayat zoqini, künlirini köngüllük ötküzüsh, seyle – sayahet qilish arzulirini bir chetke qayrip qoyup, her nepesini ana yurtidiki zulum we asmilatsiyeni toxtutush üchün weqpe qilghan bu semimiy hedimizge qulaq séling. Bu peryadning tilini idirak qilishqa tirishing, qolimizdin héchqandaq ish kelmeydu dep, peqet du’a bilenla boldi qilmang we bu dawagha bashta insan bolush süptingiz bilen insanliq dawasi dep qarap ige chiqing…
Néme qilalaymiz dewatamsz?
Bu xewerlerni ijtima’iy taratqu hésaplirimiz arqiliq etrapimizdikilerge yetküzüsh; Semimiy tuyghulirimizni qoshup yézip, bu zulumni ispatlaydighan resimlerni ortaqlishish arqiliq we kishini yirgendüridighan siyasiy menpe’etlerni közlimestin, parchilanmastin tek wujut bolup sherqiy türkistan mesilisini kentertipke élip kéleleymiz. Biz bir dolqun peyda qilsaq, allahning izni bilen taratqu we uxlap yatqan siyasetchilerni choqum heriketke keltürgili bolidu.
Shundaq, saylam bar. Shundaq, bashqa mesililer bar. Lékin bular her da’im bolup kéliwatqan we tekrarlinidighan ishlardur. Emma uyghurlarni, pelestinliklerni, arakanliqlarni, bashqa milletlerdin, bashqa din’gha mensup bolghan mezlum we mehkumlarni yoqutup qoysaq, bularning qayturwalghili, ornini toldurwalghili bolmaydu. Zulumgha, heqsizliqqa süküt qilmay qarshi turidighan bu milletning tomuridiki ésil qanni qaytidin heriketke ötküzüshimiz kérek. Emma buni héchqandaq siyasiy, idi’ologiyilik menpe’et élip kélidighan xuruch süptide qarimastin qilishimiz lazim. Qéni kéling, musulmanliqimiz, hemmidin awwal insan we qérindash ikenlikimizni körsiteyli. Toxtimastin tilgha éliwatqan, ré’alliqqa éshishini arzu qiliwatqan, ötmüshtiki pexirlik körünüshler bilen xiyallirimizni neqishligen, tilimizdin chüshürmey teshwiq – terghip qilghan büyük arzulirimizni, jush urup turghan dawamizni «durust»luq möhiri bilen ispatlayli.

Allahning nusriti tiriklerge kélidu

Quruq du’a – tilekler, köz köz qilishlar, adetke aylinip qalghan heriket we shu’arlargha allahning itibar qilmaydighanliqi éniq. Akifning öz dewride oxshash iztirap ichide chuqan kötürüp qilghan nidasi we oyghunup eslige kélishi üchün xuddi rohini siqip silkip, « ey milleti merhume! » dégen köngül rishtisi ziyan’gha uchrighan, siyasiy majralarning, pirqewazliq we partiyeperestlikning birlikni buzup perishan qilish netijiside, parche – parche bolup aqiwet özining aghriqinimu hés qilmaydighan, öz derdige melhem sürelmeydighan halgha kelgen söyümlük eziz millitim, silkin we hushungni tap!!!
Sen xudungni tapqinki, séni mezlumlarning köz yéshi, ahu – zarini toxtitishqa wesile qilishni xalighan rebbimning nusriti we inayitige érishkeysen, peyghembirimizning shapa’iti we himmitige na’il bolghaysen…
Bu mektup janabi jumhur re’ismizge we hemmimizgidur.
Uyghurlar jan talishiwatidu… bu jan bizning jénimiz…
Numusimizgha, izzet – hörmitimizge dagh chüshiwatidu…
Eger bu yan’ghinni waqtida öchürmisek, bosughimizgha kélishi muqerrer…
Allah raziliqi üchün bu mesilide özenglarni jawapkar dep qaranglar.
Eger hazir özenglarni jawapkar dep qarimisanglar, mehkeme’i kubrada jawapkarliqqa tartilidighanliqinglarda héchqandaq shübhe yoq. Peyghembirimizning yüzige uyerde qandaq qaraymiz? Néme deymiz?…
Hazirdin bashlap buni oylanglar, oylayli. Kélinglar, siyasiy nizalarni bir chetke qayrip qoyup, bu dawagha ige chiqip birlik bolayli. Xitaylar bu birlishishtin hunlar we köktürkler dewride qandaq qorqqan we diwige oxshash yoghan gewdisi qandaq titirep tiz pükken bolsa, bu qorqmas we sitiratigiylik pozitsiyeni namayen qilalisaq, xitaylar yene bizdin qorqidu we bu zulumni dawamlashturushqa jür’et qilalmaydu. Kélinglar, xitaydin emes, allahtin qorqayli!
Kélinglar, xitaydin emes, allahtin qorqayli! eger allahtin qorqup we uning raziliqini közlisek, u bizni hergizmu yerge qaratmaydu we nusritini, fetih pursitini shübhisiz éhsan we ikram qilidu. Söz tügidi… emdi nöwet jür’et we gheyret dulduligha minishke keldi… u atqa minmigenler artuq gep qilmisun…
Hörmetlik jumhur re’isimiz
Biz her waqit zulumgha qarshi dégen zulumning axirlishish üchün jumhur re’isimizdin kéchikip qalmastin, derhal bu sözini ispatlaydighan emeliy heriketlerni wujutqa chiqirishini ümit qilimiz…
Bu dawagha hemmidin bekrek ige chiqish özining mewjutluq ghayisi bolghan milliyetchi heriket partiysi we büyük birlik partiyisidinmu buni kütimiz…
Dawa, ghaye bügün ige chiqilghanda dawa we ghaye bolidu…
Quruq tilekler we ghayiler bilen héch ishning hel bolmaydighanliqi muqerrer.
Allah bizge ang, paraset, tirishchanliq we nusret ata qilghay… amin
Menbe: hörmetlik hemze soysalning shexsi fisbuk adirisidin élindi.

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: