5-Iyul Küni Gérmaniyede Xitaygha Qarshi Namayish Ötküzüldi

2018-07-05
5-Iyul myunxéndiki xitay konsulxanisi aldida ötküzülgen namayishtin bir körünüsh. 2018-Yili 5-iyul. Myunxén, gérmaniye.

5-Iyul myunxéndiki xitay konsulxanisi aldida ötküzülgen namayishtin bir körünüsh. 2018-Yili 5-iyul. Myunxén, gérmaniye.

 RFA/Ekrem

Dunya Uyghur qurultiyi buningdin bir ay ilgiri tor téléwiziyisi we ijtima’iy taratqularda chaqiriq élan qilip, pütün dunyadiki Uyghurlarni 2009-yili 5-iyul ürümchide yüz bergen qanliq weqening 9 yilliqini keng kölemde xatirileshke chaqirghan idi. Merkizi myunxén shehiride bolghan “Yawropa sherqiy türkistan birliki” mu muhajirettiki bashqa Uyghur teshkilatlirigha oxshash d u q ning chaqiriqigha awaz qoshup, bügün myunxén shehiridiki xitay konsulxanisi aldida namayish uyushturdi.

Téxi bundin 3 hepte ilgiri d u q 1988-yilidiki aliy mektep oqughuchilar herikitining 30 yilliqini xatirilesh munasiwiti bilen myunxénda “Sepdashlar uchrishishi” pa’aliyiti teshkilligen idi. Bu pa’aliyet üchün dunyaning her yerliridin gérmaniyege kelgen Uyghurlar xitay konsulxanisi aldida namayish ötküzüp, Uyghur diyaridiki milliy zulumlargha qarshi naraziliqlirini ipade qilishqan hemde “Sherqiy türkistan’gha azadliq!” dep sho’arlar towlashqan idi.

Bügünmu ay-yultuzluq kök bayraqlarni, türlük teshwiqat lozunkilirini kötürüshken Uyghur jama’iti “Xitaylar wetinimizdin chiqip ketsun! jaza lagérliri emeldin qaldurulsun!” dégendek sho’arlarni towlashmaqta.

Bu namayish bu yil kirgendin buyan myunxén shehiride ötküzülgen 4-qétimliq namayish bolup, Uyghurlar bundin ilgiri “5-Féwral ghulja weqesi” we “5-Aprél barin weqesi” ni xatirilesh namayishlirini ötküzgen idi. Bundin bashqa gérmaniyediki Uyghurlar yene 27-aprél yawropa ittipaqi aldida ötküzülgen “5 Ming kishilik namayish” qa hemde bérlinda ötküzülgen namayishlargha qatnashqan idi.

D u q diniy ishlar komitétining mudiri, “Yawropa sherqiy türkistan birliki” ning re’isi, öz nöwitide yene “Sherqiy türkistan ölimalar birliki” ning ezasi bolghan turghunjan alawudun ependi namayish muqeddimiside nutuq sözlep, Uyghurlarning “5-Iyul ürümchi weqesi” ni menggü unutmaydighanliqini tilgha aldi.

D u q ning yawropa wekili, “Yawropa sherqiy türkistan birliki” ning mu’awin re’isi esqerjan namayish jeryanida gérman jama’itige “5-Iyul weqesi” we uni xatirileshtiki meqsetni anglitip ötti.

Bu qétimqi namayishqa qatnashqan myunxéndiki jama’et erbabi ablimit tursun ependimu ziyaritimizni qobul qilip “Taki azad sherqiy türkistan döliti dunyagha kelmigüche küreshlirimiz dawam qilidu,” dédi. D u q fondining mes’uli abdujélil qarihajimmu bu qétimqi namayish heqqide qarashlirini bayan qilip ötti.

Bügün chüshtin kéyin sa’et 16:00 din 17:30 ghiche dawamlashqan namayish jeryanida Uyghurche, gérmanche, xitayche sho’arlar üzülmey towlinip, xitay konsulxanisi aldini lerzige saldi.

 ekrem

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: