Yawropaki Nurghun döletlerde “5-Iyul Weqesi” ning 9 Yilliqi Munasiwiti Bilen Namayish Ötküzüldi

2018-07-05
5-Iyul parizhda ötküzülgen namayishtin bir körünüsh. 2018-Yili 5-iyul. Parizh, firansiye.

5-Iyul parizhda ötküzülgen namayishtin bir körünüsh. 2018-Yili 5-iyul. Parizh, firansiye.

 RFA/Erkin Tarim

Firansiye we shiwétsiye qatarliq döletlerde 5-iyul küni Uyghur jama’itining xitaygha qarshi naraziliq namayishi ötküzüldi.

Shiwétsiye bilen firansiye qatarliq döletlerdiki xitay elchixanilirining aldigha toplan’ghan Uyghur jama’iti shu ellerdiki bir qisim türk qérindashlarning qatnishishi bilen 5-iyul küni xitaygha qarshi naraziliq namayishliri élip bardi. Biz neq meydan’gha téléfon qilip ehwal igiliduq.
Fransiyede ötküzülüwatqan namayish toghrisida melumat igilesh üchün firansiye Uyghur jem’iyitining mu’awin re’isi aybuwi erkin xanim we bashqa namayish qatnashquchiliri bilen téléfon söhbiti élip barduq.

Namayishchilar qollirigha ay-yultuzluq kök bayraq kötürüwalghan halda “5-Iyulni untumayli”, “Uyghurlargha erkinlik” we “Térrorchi xitay” dégendek sho’arlarni towlap etrapni lerzige salghan.

Aybuwi erkin xanim bu qétimqi namayishning “5-Iyul ürümchi weqesi” ni xatirilesh, xitayning Uyghurlargha élip bériwatqan nöwettiki derijidin tashqiri bésim siyasitige naraziliq bildürüsh üchün élip bérilghanliqini bildürdi. U bu namayishning üch kün dawamlishidighanliqini tilgha aldi.

Risalet aripowa xanim firansiye we bélgiyediki bir qisim Uyghurlarning xitayning parizhda turushluq elchixanisi aldida jem bolup bu namayishni uyushturghanliqini, bügünki namayishning meqsitining “5-Iyul ürümchi weqesi” ni xatirilesh, xitayning Uyghur diyaridiki “Yighiwélish lagérliri” ni taqashni telep qilish we Uyghurlarning awazini dunya jama’etchilikige anglitish ikenlikini alahide tilgha aldi.

Arqidin jür’et ependi metbu’at bayanatini oqup chiqti. U oqup ötken bayanatida Uyghurlargha erkinlik insaniy heq-hoquq telep qilghanliqini tekitlidi.

Bu qétimqi namayishqa qatnashqan Uyghur ziyaliysi jür’et ependi “5-Iyul ürümchi weqesi” ni xatirilesh munasiwiti bilen parizhda ötküzülgen bu qétimliq namayishqa ishtirak qilghan Uyghurlarning sanining burunqigha sélishturghan köpeygenlikini, bundin kéyin téximu köpiyish mumkinchiliki barliqini ilgiri sürdi.

Melumki, “5-Iyul weqesi” yüz bergili 9 yil boldi. Undaqta, bu 9 yil jeryanida Uyghurlarning ehwalida qandaq özgirishler boldi? ekber yüsüp ependi ziyaritimiz jeryanida 9 yil jeryanida Uyghurlarning weziyitining künsayin éghirlashqanliqini bayan qilip ötti.

Shiwétsiye paytexti sitokholmdiki “Shiwétsiye Uyghur ma’arip uyushmisi” ning re’isi abdulla kökyar ependimu bügün stokholmda ötküzülgen namayishni “5-Iyul ürümchi weqesi” ni xatirilesh we xitayning Uyghurlargha élip bériwatqan nöwettiki derijidin tashqiri bésim siyasitige naraziliq bildürüsh üchün élip bérilghanliqini, qolida ay-yultuzluq kök bayraq we lozunkilarni kötürüwalghan Uyghurlarning sitokholmning merkizidiki meydandin xitay elchixanisining aldighiche birqanche kilométir piyade méngip sho’ar towlap naraziliq bildürgenlikini tilgha aldi.

Abdulla kökyar ependi namayish jeryanida herqaysi döletlerdin kelgen sayahetchilergimu köp sanda waraqche tarqatqanliqini, namayishning ünümlük ötkenlikini ilgiri sürdi.

Firansiye we shiwétsiyelerde ötküzülgen bu qétimqi namayishqa erlerdin bashqa yene köp sandiki balilar hem ayallarmu qatnashqan. Xitayning parizhda turushluq elchixanisi aldini uzun’ghiche sho’ar sadaliri bir alghan. Jewlan qilip turghan qanchilighan ay-yultuzluq kök bayraqlar etraptiki kishilerning diqqitini tartqan. Yashlar yoldin ötken-kechkenlerge “5-Iyul ürümchi weqesi” we Uyghurlarning hazirqi weziyiti toghrisida hazirlan’ghan teshwiqat waraqchilirini tarqatqan we ularning so’allirigha jawab bergen. erkin tarim

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: