“Amérika Uyghur Longqisi”4-Nöwetlik Putbol Musabiqisi Tentenilik Ayaghlashti

2018-07-09
4-Nöwetlik "Amérika Uyghur longqisi" putbol musabiqiside uch komanda ezaliri. 2018-Yili 8-iyul, amérika.

4-Nöwetlik “Amérika Uyghur longqisi” putbol musabiqiside uch komanda ezaliri. 2018-Yili 8-iyul, amérika.

 RFA/Eziz

Muhajirettiki Uyghurlar özlirining jama’etchilik pa’aliyetlirini türlük shekillerde dawam ettürüp kelmekte. 4-Iyul bashlan’ghan 4-nöwetlik “Amérika Uyghur longqisi” putbol musabiqisini ene shularning biri déyishke bolidu. Besh kün dawam qilghan musabiqe jiddiy élishishtin kéyin 8-iyul küni axirqi hel qilghuch musabiqe basquchigha ötti.

3-Likni talishish musabiqisi chüshtin kéyin sa’et 3:30 da bashlandi. Bu meydan’gha tallan’ghan “Teklimakan” komandisi bilen “Los-anzhélis Uyghur komandisi” ikki meydan élishti. Axiri “Teklimakan” komandisi üchte bir netije bilen bu qétimqi musabiqide üchinchilikke érishti.

Hemmeylen köz tikip kelgen chémpiyonluqni talishish musabiqisige “Uyghur birliki” bilen kanadadin kelgen “Uyghur boghda” komandisi tallandi. Keskin dawam qilghan musabiqe jeryanida musabiqe körgili kelgen Uyghur jama’itimu komanda ezalirining her bir hujumigha teng qiyqas kötürüp musabiqe keypiyatini bekla janlanduruwetken idi.

Musabiqe qizighanséri her ikki terepning komanda ezalirimu barliq maharetlirini jari qildurup, wartargha top urushqa téximu bekrek kücheshke bashlidi. Shu ariliqta arqimu-arqidin körülgen ikki qétimliq éghir derijidiki qa’idige xilapliq qilish tüpeylidin “Boghda” komandisining ikki topchisigha arqimu-arqidin qizil karta jazasi bérilip, meydandin chiqiriwétildi. Buning bilen “Boghda” komandisigha téximu éghir bésim chüshti. Shundaq bolsimu ular yenila bel qoyuwetmey axirighiche oynidi. Axiri jiddiy élishish arqiliq “Uyghur birliki” komandisi axiri ikkide bir netije bilen bu qétimqi musabiqining chémpiyonluqini qolgha keltürdi.

Resmiy mukapat tarqitish murasimi bashlinishtin awwal aldi bilen bu qétimqi musabiqe üchün tesis qilin’ghan “Altun peley” longqisi tarqitildi. Bu mukapat merhum yash putbolchi, “Uyghur birliki” komandisining sabiq wartari érpan malikning namigha tesis qilin’ghan bolup, bu yilqi “Altun peley” longqisini érpanning dadisi perhat malik ependi öz qoli bilen bu yilqi musabiqide “Eng yaxshi wartar” namigha érishken élzatqa tapshurup berdi. Biz ariliqta perhat ependidin shu tapta némilerni oylawatqanliqi heqqide sorighinimizda u özining yashlardiki öz dostini untumasliqtek ésil xislettin bekmu söyün’genlikini bildürdi.

Arqidin bu yilliq “Altun kesh” mukapatini bu yilqi musabiqide eng yaxshi top tepküchi dep qaralghan arafat dilshatqa bérildi.

Uningdin kéyin bu yilqi mukapat üchün tesis qilin’ghan “Altun top” mukapati “Boghda” komandisining etret bashliqi dilawurgha bérildi.

Munewwer mahirlar teqdirlinip bolghandin kéyin komandilar boyiche mukapat tarqitildi. Buningda aldi bilen 3-bolghan “Teklimakan” komandisigha mukapat longqisi tapshurup bérildi.

Arqidin wirjiniyediki “Ghemguzar ana” ana til mektipining mes’uli süreyye bu qétimqi musabiqide 2-bolghan “Boghda” komandisigha mukapat longqisini tapshurup berdi.

Eng axirida bu qétimqi musabiqining chémpiyonluqini qolgha keltürgen “Uyghur birliki” komandisigha chémpiyonluq longqisi teqdim qilindi.

Axirqi ghelibini qolgha keltürgen “Uyghur birliki” komandisining ezaliri xushalliqida qolmu-qol tutushup, meshqawul jür’et zahirni asman’gha atqanda pütün meydanni güldüras alqish sadaliri qaplidi.

Murasimdin kéyin biz “Uyghur birliki” komandisining ezasi shir’elidin bu qétimqi ghelibe heqqide némiler oylawatqanliqini sorighinimizda özining bu ghelibilerdin téximu chong ghelibilerning tewellut bolushini ümid qilidighanliqini bildürdi.

“Uyghur birliki” komandisining etret bashliqi arafatmu bu heqte söz qilip özlirining bu qétimqi musabiqe üchün köp meshiq qilghanliqini, axiri shuninggha yarisha netije qolgha kelgenlikini bildürdi.

Yillardin buyan “Uyghur birliki” komandisining meshqawulluqini üstige élip kéliwatqan jür’et zahir yashlarning musabiqide chémpiyonluqni qolgha keltürgenlikidin xushal bolghanliqini bildürüsh bilen birge guruppidiki bir qisim balilarning musabiqe jeryanida öz’ara maslishish jehette dégendek bolalmighanliqini tekitlidi. Uningche, bu balilar dawamliq qattiq meshiq qildurulsa téximu chong netijilerni qolgha keltürüshtin ümid zor iken.

Köpchilikning xushalliqqa tolghan qiyqas-chuqanliri ichide 2019-yilliq “5-Nöwetlik amérika Uyghur longqisi” ning kéler yili kaliforniye shtatining san-fransisko shehiride ötküzilidighanliqi jakarlan’ghanda musabiqe ehli özlirining imkan bar shu jaygha bérip musabiqe köridighanliqini bildürgech meydandin tarqashti.

eziz

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: