Istanbulda “Uyghur longqisi” ni talishish ösmürler putbol musabiqisi ötküzüldi

2018-07-18
Istanbulda ötküzülgen "Uyghur longqisi" ni talishish ösmürler putbol musabiqisidin körünüsh. 2018-Yili 16-iyul.

Istanbulda ötküzülgen “Uyghur longqisi” ni talishish ösmürler putbol musabiqisidin körünüsh. 2018-Yili 16-iyul.

 RFA/Arslan

Tenterbiye, insanning ten-saghliqini ashurupla qalmastin ijtima’iy jem’iyettiki insanlarni yéqin munasiwet we öz-ara dostluq ornitishqa türtke bolidighan bir ijtima’iy pa’aliyet bolup, putbol musabiqisi dunyada insanlar eng köp qiziqidighan xelq’araliq bir tenterbiye türi hésablinidu. Yéqindin buyan istanbulda yashawatqan Uyghur yashlardinmu putbol heweskarliri yétiship chiqmaqta.

Istanbuldiki sherqiy türkistan tenterbiye we tereqqiyat jem’iyiti bilen sherqiy türkistan yéngi ewlad herikitining birlikte uyushturushi bilen 7-ayning 14-künidin 16-künigiche istanbulda “Uyghur longqisi” ni talishish ösmürler putbol musabiqisi ötküzüldi.

3 Kün dawam qilghan bu qétimqi putbol musabiqisige, 12-18 yashlar otturisidiki Uyghur yashlardin 12 komanda musabiqige chüshti.

Sherqiy türkistan tenterbiye we tereqqiyat jem’iyitining re’isi tahir kökbayraq bu putbol musabiqisini uyushturushtiki meqsiti toghrisida toxtilip mundaq dédi: “Birinchidin, istanbuldiki Uyghur yash-ösmürlerni bir yerge toplash, ularni öz-ara tonushturush, türkiyede ösüp chong bolghan bir türküm yash-ösmürler bilen yéqindin buyan wetendin istanbulgha kélip olturaqliship qalghan yash-ösmürlerni öz’ara tonushturush, birlik-barawerlikni ögitish, ikkinchidin, yash ösmürlirimizni özlirining sherqiy türkistanliq ikenlikini untup qalmasliqi, ularni öz ara bir-birige tonushturush, ularning otturisida dostluq-qérindashliqni kücheytish, ular bilen bolghan munasiwitimizni téximu yéqinlashturup, ular ata-anisidin ayrilip, séghinish hés qilghan waqitlirida ularning ichidiki yalghuzluq, zérikish bésimlirini azraq bolsimu yéniklitish meqsitide bu musabiqini uyushturduq. Qismen bolsimu kütken netijige érishtuq dep qaraymen”.

Sherqiy türkistan tenterbiye we tereqqiyat jem’iyitining re’isi tahir kökbayraqning bildürüshiche, ikki kün dawam qilghan bu musabiqide yash boyiche chonglardin 6 komanda, kichiklerdin 6 komanda bolup musabiqige chüshken. Netijide, kichikler komandisidin böre komandisi birinchi, sutuq bughraxan komandisi ikkinchi bolghan. Birinchi bolghan komandigha 500 türk lirasi neq pul bilen birinchilik Uyghur longqisi, ikkinchi derijilik komandigha 350 türk lirasi neq pul we ikkinchi derijilik Uyghur longqisi bérilgen.

Chonglar komandisidin izchilar komandisi bilen eynek komandisi hel qilghuch musabiqide keskin tutush qilghan bolup, netijide eynek komandisi izchilar komandisini 2 ge qarshi 3 top kirgüzüp, yéngiwalghan. Eynek komandisigha 500 türk lirasi we birinchi derijilik Uyghur longqisi, ikkinchi bolghan izchilar komandisighimu 350 türk lirasi neq pul we ikkinchi derijilik Uyghur longqisi bérilgen. Awstraliyedin istanbulgha ziyaretke kelgen jenubiy awstraliye islam jem’iyitining re’isi abdusalam alim Uyghur longqisini birinchi bolghan eynek komandisigha teqdim qildi. Abdusalam alim, söz qilip, riqabetning yaxshiliqqa bashlaydighanliqini, netijining otturigha chiqishqa türtke bolidighanliqini ipadilidi we musabiqide birinchi bolghanlarni tebriklesh bilen birge awstraliyediki Uyghur yashlar bilen xelq’araliq bir putbol musabiqisi ötküzüsh teklipini otturigha qoydi.

Putbol musabiqisi 7-ayning 16-küni muweppeqiyetlik axirlashti

Tahirjan bu musabiqining nahayiti yaxshi ötkenlikini, buningdin kéyinmu dawam qilishni telep qilghanlar bolghanliqini, bu musabiqining ghelibilik axirlashqanliqini bildürdi.

Musabiqige qatnashqan kastamonu uniwérsitétining oqughuchisi abduqadir hékim bu musabiqe toghrisida toxtilip mundaq dédi: “Biz sherqiy türkistan tenterbiye we tereqqiyat jem’iyiti teripidin uyushturulghan putbol musabiqisige eynek komandisi namida qatnashtuq we birinchi bolup Uyghur longqisigha érishtuq. Putbol musabiqisi kolléktip küch chiqirip oynaydighan bir musabiqe, bu qétimqi musabiqe Uyghur yash-ösmürlerning iqtidarini jari qildurushqa bir sehne hazirlap berdi”.

Sutuq bughraxan komandisining ezasi seyfidin ömer bu putbol musabiqisi toghrisida toxtilip mundaq dédi: “Biz bu musabiqide sutuq bughraxan komandisi bolush süpitimiz bilen birinchilikni taliship musabiqige chüshtuq, lékin ikkinchi bolup qalduq, biraq ümidni üzmiduq, kéyinki musabiqe üchün téximu puxta teyyarliq qilip birinchilikni élishqa tirishimiz”.arslan

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: