B D T da Xitayning Kishilik Hoquq Weziyiti Közdin Köchürülgen Küni Uyghurlar Namayish Qildi

2018-08-10
Gérmaniye, norwégiye, gollandiye, shwétsariye qatarliq ellerdin kelgen Uyghurlar b d t bash shtabi aldida ötküzgen xitaygha qarshi namayishtin bir körünüsh. 2018-Yili 10-awghust. Jenwe, shwétsariye.

Gérmaniye, norwégiye, gollandiye, shwétsariye qatarliq ellerdin kelgen Uyghurlar b d t bash shtabi aldida ötküzgen xitaygha qarshi namayishtin bir körünüsh. 2018-Yili 10-awghust. Jenwe, shwétsariye.

 RFA/Ekrem

10-Awghust b d t ning wilson merkizide b d t irqiy ayrimichiliqning barliq shekillirini yoqitish komitétining 96-nöwetlik yighinining rohigha bina’en, xitayning kishilik hoquq weziyitini közdin köchürüsh yighini ötküzüldi. Yighin’gha d u q re’isi dolqun eysa bashliq qurultay rehberliri qatnashti.

B d t wilson merkizide bu yighin bashlinishtin ilgirila gérmaniye, norwégiye, gollandiye, shwétsariye qatarliq ellerdin kelgen bir qisim Uyghurlar b d t bash shtabi aldida xitaygha qarshi namayish élip bardi.

Namayish meydanigha d u q teripidin layihilen’gen “Uyghur erkinlik karwini” élip kirildi. Uyghurlar ay yultuzluq kök bayraqlarni we “Milyonlighan Uyghurlar xitayning jaza lagérlirida azab chekmekte” dégendek wiwiskilar kötürüshüp özlirining xitay hakimiyitige bolghan ghezep hem naraziliqlirini namayan qilishti.

Shwétsariye Uyghur jem’iyiti teshkilatining mes’ulliridin endili ependi neq meydanda ziyaritimizni qobul qilghanda, özining bu qétimqi namayishqa qatnishishidiki sewebni tilgha élip ötti.

Alayiten norwégiyedin kélip bu namayishqa qatnashqan bir xanimmu, özining wijdaniy burchini ada qilish üchün bu sepke qoshulghanliqini tilgha aldi.

Gérmaniyedin kélip bu namayishqa ishtirak qilghan merkizi myunxéndiki “Yawropa sherqiy türkistan birliki” teshkilatning re’isi turghunjan alawidin ependimu bu qétimqi namayishning ehmiyiti heqqide toxtaldi.

Namayish sa’et 12:00da bashlan’ghan bolup, sa’et 16:00 ghiche dawam qilatti. D u q re’isi dolqun eysa bashliq qurultay rehberliri bir sa’et namayish meydanida bolup, sa’et 13:00 da bashlan’ghan wilson merkizidiki b d t irqiy ayrimichiliqqa qarshi turush komitétining ichki yighinigha qatnashti. Sa’et 15:00 da wilson merkizide xitayning kishilik hoquq weziyitini közdin köchürüsh yighini resmiy bashlandi. D u q re’isi dolqun eysa, qurultay mu’awin re’isi perhat muhemmed, qurultay programma yétekchisi piter irwén, gollandiyede yekke namayish qilip alqishqa érishken abdurehim ghéni qatarliq bir guruppa Uyghur wekilliri bu yighin’gha qatnashti.

Xitayning kishilik hoquq weziyitini közdin köchürüsh yighini keskin bes-munazire ichide dawam qildi. ekrem

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: