Anglighuchi: “Mekitte Ata‏-Anisi ‘Terbiyelesh’ ke Ekétilgen Balining Jesiti Deryadin Süzüwélindi”

2018-08-15
Mekit nahiyeside deryadin süzüwélin'ghan balining jesiti.

Mekit nahiyeside deryadin süzüwélin’ghan balining jesiti.

 RFA/Shohret Hoshur

Ötken hepte özini mekit nahiyesidin dep tonushturghan bir muhajir mekit nahiyeside 10 yashlardiki bir balining jesitining deryadin süzüwélin’ghanliqi, balining ata-anisining yighiwélish lagérida ikenliki we ularning mezkur nahiyediki bir amanet qerz kopiratipida ishleydighanliqini melum qilghan idi. Aridin uzun ötmey ijtima’iy taratqulardin féysbuktimu asasen oxshash mezmunidiki bir süretlik uchur tarqaldi.

Biz bu uchurgha asasen mekit nahiyesidiki alaqidar orunlargha téléfon qilduq. Qeshqer wilayetlik jiddiy qutquzush orni bu heqte melumat bérelmidi. Mekit nahiyelik 2‏-saqchixana xadimi özining bundaq ishlardin xewiri yoqluqini éytti. Mekit bazarliq saqchixana xadimi bu heqte uchur bérelmeydighanliqini, chünki bu ishning “Dölet mexpiyetliki” ge yatidighanliqini bayan qildi.

Axirida téléfonimizni qobul qilghan mekit nahiyesining shéhitdöng yéziliq bir saqchi xadimi özining bu heqtiki uchurdin xewiri barliqini, deryadin süzüwélin’ghan balining shéhitdöng yéza ikkinchi kenttin ikenlikini delillidi.

Özini mekitlik dep tonushturghan muhajirettiki anglighuchimizdin kelgen uchurda ölgen balining ata-anisining “Terbiyelesh” ke élip kétilgenliki, balining bolsa zerepshan deryasidin süzüwélin’ghanliqi déyilgen, emma balining jesitining qaysi yéza tewelikidin süzüwélin’ghanliqi déyilmigen. Féysbuktiki uchurda bolsa jesetning mezkur deryaning zungza dégen tewelikide tépilghanliqi bayan qilin’ghan. Bügünki éniqlashlirimizdin gerche balining yéza teweliki shéhitdöng yéza ikkinchi kenttin ikenliki melum bolghan bolsimu, emma uning isim-familisi we ata-anisining kimliki téxi aydinglashmidi. shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: