Onsu Nahiyeside 4 Lagér we Uninggha 30 Mingche Kishi Qamalghanliqi Ashkarilandi

2018-08-21

Lop nahiyesidiki 4-yighiwélish lagéridiki tutqunlar siyasiy öginishte. 2017-Yili mart, xoten.

Lop nahiyesidiki 4-yighiwélish lagéridiki tutqunlar siyasiy öginishte. 2017-Yili mart, xoten.

 Social Media

Aqsu wilayitining 230 ming nopusluq onsu nahiyeside 4 lagér barliqi, bu lagérlarda 30 mingche kishining solinip yatqanliqi ashkarilandi.

Melum bolushiche, bu lagérlardin ikkisi bazar ichide, qalghan ikkisi onsu baziridin 10 kilométir we 40 kilométir uzaqliqtiki yézilargha tesis qilin’ghan.

“Beydu” uchur ambirida körsitilishiche, aqsuning onsu nahiyesi 4 bazar, 5 yéza, ikki déhqanchiliq we ikki charwichiliq meydanidin teshkillen’gen. Omumi nopusi 230 ming etrapida. Biz bu nahiyediki lagérlarning sani we orni heqqide melumat élish üchün, onsu nahiyeside xizmet qiliwatqan, bolupmu yighiwélish lagérlirigha adem toplashta aktip xizmet körsitiwatqan saqchi xadimliridin melumat igiliduq. Xadimlardin biri özining onsudiki ikki lagéridin xewiri barliqini, buning biri onsu yangaq meydanda, yene birsining bolsa qizil yézisida ikenlikini ashkarilidi.

Özining lagérgha adem toplashta köplep “Délo” melum qilin’ghanliqini tilgha alghan yene bir saqchi xadimi, yangaq meydanda lagér barliqini delillesh bilen birlikte, eng chong lagérlardin birining onsu 2-ottura mektepte ikenlikini ashkarilidi. U yene terbiyeleshke ekétilgen bir qisim dölet xizmetchilirining nahiyelik partiye mektepte ikenlikini ashkarilidi.

Bu ikki saqchi xadimining bayanliridin melum bolushiche, onsu nahiyeside yighiwélish lagérlirining sani jem’iy 4 bolup, bulardin ikkisi nahiye bazar ichide, ikkisi bazar sirtida. Lagérlardin nisbeten chongraq we tonulghanraqi “Yangaq meydan” dégen jayda bolup, bu nahiye baziridin 10 kilométir uzaqliqta. Qizil yézisida tesis qilin’ghan yighiwélish lagéri nahiye baziridin 40 kilométir, aqsu sheher ichidin 17 kilométir uzaqliqta.

Xadimlar, bu lagérlardin hazirgha qeder qoyuwétilgenlerning asasen dégüdek bolmighanliqini we qachan qoyup bérilidighanliqini özliriningmu bilmeydighanliqini tekrarlidi. Biz yene xadimlardin her yéza-meydanlardin texminen qanchiliktin kishining lagérda ikenlikini soriduq. Xadimlardin biri 18 ming nopusluq jam yézisida 3 mingche kishining lagérda ikenlikini éytti. Xadimlar yene bu 4 lagérda jem’iy 30 mingche kishi barliqini ashkarilidi.

Onsu nahiyelik hökümet tor bétide bayan qilinishiche, nahiye nopusining 85 pirsentini atalmish “Az sanliq milletler” teshkil qilidu. Mushu boyiche hésablighanda 230 ming nopusluq onsu nahiyeside, 180 ming etrapida Uyghur barliqi, Uyghur nopusining az dégende 15 pirsentining lagérda ikenliki melum bolmaqta.

 shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: