Eziz Wetendashlargha Pewqullade Jiddiy Agahlandurush!

 

Yaman Niyetlik Ademler Sözligenche Xatalashsa, Heriket Qilghanche Patqaqqa Patidu! Düshmenler Öz-Ara Bir-Birini Urup Halak Bolidu!
-Xatiremdin

 

35386819_1034032263404665_2739997248594116608_n

Autori:Küresh Atahan

Xitaylar we xitayistlar weten ichi we téshida her türlük aghdurmichiliq heriketlirini pilanlap, milliy heriket we meshhur kishilirimizning inawitini töküwatidu. Bu ish düshmen teripidin pilanliq we programmiliq rijisorluq qiliniwatidu! Biz bolsaq xudimizni bilmey xuddi qanxor xorazlardek bir birimizge hürpiyip ot échiwatimiz, , qarghidek bir-birimizning közini choqulawatimiz, qangha boyilip ketken bolsaqmu etraptiki tamashibinlargha diramma qoyup bériwatimiz! Dawa qoshunimizdiki beziler qaymuqup qalghachqa özlirimu bilmestin millitimizge matem düshmenge toy bolidighan bu oyunning ichige béshichilap kirip boldi! Qoshunimizda özini yaxshi kontrul qilalmaydighan qéri balilarmu xéli köp bolup, ular hili tipiship, hili tépiship turidu. Bu yéngiliq emes, emma bu oyundin ustiliq bilen paydilanghan düshmenler milliy dawa qoshunimizda biz oylap tektigimu yételmeydighan oyunlarni oynap xelqimizni her tereptin parakendichilik ichige tiqip qoydi! Eger biz bu yaman süpetlik ajizliqimizgha qarap hoduqup ketmey, ulargha, teshkilatlargha we xelqimizge egiship beshimizni chökürüp méngiwersekla, ular waqit ötkenche özlikidin tüzülüp, düshmen ümütsizlik patqiqigha pétip qalidu. Eger biz öz-ara qarshi toplargha bölünüp, bir-birimizni sésitsaq u halda ölmekning üstige tepmektekla aqiwiti bek yaman bolidu.Qéri balilar bir-birining közige chechiwatqan topini, sizlermu tozutup bermengizlar!

Wetendashlargha Jiddiy Agahlandurush! Hey qérindashlar sizlerge semimi bir meslihetimiz bar. Milli dawa qoshunimizgha torda ziyan keltüridighan ishlarni biz dimisekmu siler obdan bilisiler. Milliy dawani, gholluq shexislerni we teshkilatlarni qarilaydighan qilmishlardin qettiylik bilen yiraq turunglar. Xitaylar boliwatqan ichkiy majralarning üstige binzin chéchip, otni yélinjitip etrapni kül we xarabiliqqa aylanduriwetmekchi boliwatidu. Xitay bu suni leyitip özi xalighan beliqni tutuwatidu, awal topa tozutup andin torghach oghurlawatidu. Siler özenglarning zimmisige chüshkenni qilinglar, chong ishlarni teshkilatlar hazir bolmisa erte, erte bolmisa ögünlikke qolgha alidu!Silerge qorqunuchluq körünüp kétiwatqan bezi ziddiyetlerning dayim qaranghu dunyada turiwermey yara éghiz alghandek bir qetim tiship chiqqinimu yaxshi boldi. Emdi hemme terep özidiki ajizliq we kemchiliklerni kördi we özlirini teximu kücheytish üchün tirishidu! Jemiyet ziddiyet ichide tereqqiy qilidu.Eger mushundaq waqitta sépimizni jimjitliq we saxta birlik we ittipaqliq qaplap ketken bolsa eng qorquydighahan ish bolatti. Teshkilatlar we shexisler ottursida yüz bériwatqan bu bir qatar hadisilerning ziyinimu bolghandek uzaq ötmey paydisimu bolidu. Öz-ara düshmenlik riqabetke, riqabet bizni dostluqqa, dosluq bizni qérindashliqqa bashlap mangidu. Biz tirishmighanlirini dewir we tarixning shallap septin chiqiriwétidighanliqini bilip yettuq. Bu hemmimizge yaxshi derislik bolup qalsun!

Milliy inqilap sépimizdiki jidelchilerni waqit ötkenche yesli we bashlanghuch mekteplerdiki ösmürlerge oxshitidighan bolup qalduq! Ular bir-biri bilen ettigende soqushsa axshamda öz-ara hemkarlishiwalidu! Talishiwatqini yaki yeydighan bir burda nan yaki bir oyunchuq. Qéri balilargha egiship hergiz öz-ara urushmanglar, eger ularning arqisigha kirip parchilinip ketsenglar, ular ertela ittipaqlishiwélip, silerni chetke qaqidu, yalghuz qoyidu, ularning arqisigha kirip jidel-majragha arlashqanlar tügümes belalargha qaldi we qalidu!Siler milliy dawaning soghurtisi, teshkilatlarni, siyasiy paaliyetchilerni uyghun bir shertler ichide qoghdap turunglar, nazaret qilinglar. Chünki teshkilat silerning, siler xalimisanglar teshkilat we teshkilattikiler silerge paydisiz ishni qilalmaydu. Teshkilat, siyasiy paaliyetchiler we özenglarni dayim kontrol qilip turunguzlar, ular yazghan bir-birini düshmendek inkar qilidighan nersilerni tortura we sotsiyal médiyelerde tarqatmangizler, sizler tarqitiwatqan nersiler körünishte paydiliqtek qilghan bilen emeliyette xelqimizni ümitsilendüridighan, milliy dawagha payda keltürmeydighan zeherlik nerselerdur.

Yéqindin béri düshmen qesten chiqiriwatqan qaraquyunning perqige barmay, muhim shexisler, arqidin ularning qollighuchiliri öz-ara jengki-jidelge chüshti. Quruq chaqmaqtin ot chiqirip xitayning momisigha qaymaq süridighan tiyatirchilarmu sehnige chüshüp xelqimizni parakende qildi. Teshkiliy qurulmilar ajizlap, xeliq milliy inqilap sépidin tarqap, ixtiyarsiz halda sotsiyal médiyediki jamaet toplirigha bölünüp ketti. Shexisning we toplarning qiliwatqan ishliri istixiyilik bolghachqa teshkilatlarning sewiyisidiki ishlarni qilalmaydu. Buninggha teshkilat we teshkilattikilerning xataliqliri we yitersizliki sewep boldi. Bu ishta xeliq bilen teshkilatlar hemkarliship, jamaet pikirini, eqilni, bilimni we maddiyetni birleshtürishi lazim! Millitimizning tarqaq, teshkilatsiz we istixiyilik heriketliri milliy dawayimizgha paydisiz aqiwetlerni keltürüp chiqiriwatidu. Milliy dawadiki küchimiz ajizlap ketkenni hésapqa qatnmighanda, otturgha chiqiwatqan ishlar düshmenning aghdurmichiliq heriketlirige paydiliq bolup qéliwatidu. Hadise düshmenler teripidin lopa eynekte körsütülüp millitimiz ümütsizlikke duchar boldi. Milliy dawagha paydisiz hadisiler yeni teshkilatlar, toplar we shexisler arisidiki ziddiyetler we bir-birini qarilaydighan her türlük yazmilar we notuqlar xelqimizni bizar qildi. Undaq birlikke, ittipaqliqqa we jamaet pikirige paydisiz nersilerni tarqitip yürmeslikingizlarni töwenchilik bilen ümüt qilimimiz! Bizning hazir herqandaq chaghdikige qarighanda téximu köp ittipaqliqqa, hemkarliqqa we öz-ara köyünishke ehtiyajimiz bar qérindashlar. Bizning shu tapta bir-birimiz bilen aqchi, kökchi dep urushushqa emes birlikke, hemkarliqqa, ittipaqliqqa, bashqiche éyitqanda nahayiti köp ademning maddiy we eqiliy küchige ihtiyajimiz bar qérindashlar. Xataliq ötküzdi depla bir qisim milliy dawagha töhpisi alahide körünerlik bolghan ademlerni milliy herikettin shalliwitelmeymiz. Bundaq bolishidiki sewep sepni toluqlap ketküdek jiddiy peyitlerde sepligüdek küchimizmu yoq! Eger biz xataliq ötküzgenlerni we yene bir qisim shühbilik insanlarni septin uzaqlashtursaq ularning ornigha „tongriliqtin ming teste qurtulsam merezda keldi ornigha“ digendek ish bolidu. Biz sépimizde bar kishiler bilen Allahqa tewekkul qilip bu dawani dawamlashturmaqtin bashqa tallashqa ige emesmiz! Bizning yoqutushqa qarighanda islahat qilishqa ihtiyajimiz téximu küchlük! Bar küchümiz bilen yolimizdikilerni qédirlishimiz, azghanlarni yiteklishimiz xelqimizni weten milletke sadiq pikir bilen terbiyelishimiz lazim!

Bir ishni wujutqa chiqirish shu ishning mutexesis we alimlirini telep qilidu. Bir ishta mutexesis we alim bolush üchün bashta adem bolush kérek! Ghelbe qilish üchün esker bolush kérek! Epsus bizde „Alim“ we „Marshal“ köpüyüp ketti! Alim we mutexesislerning qaysi rast qaysi saxta bilip bolush qiyin bolup qaldi! Özini sorighan sheher soraptu, degen gep bar! Yiteklesh emes, belki egiship méngishingiz millitingizni qutulduriwélishi mumkin! Milliy dawada bir-biringlarning ishigha, kespige we xizmitige orunsiz chat kériwalmanglar! Weten-millet üchün xizmet qilghanda kespinglar nime bolsa ishni shu yerdin qabiliyitinglargha yarisha bashlanglar!Dost bilen dost ottursidiki riqabetni, düshmenler ara ziddiyet derijisige kötüriwetmenglar!

Ishni Az Qilsanglarmu Süpetlik Qilinglar! Qilalmisanglar aranglardiki kesip ehli bolghan qabiliyetlik kishilerge egishinglar!Medeniyet sewiyesi, ilmiy sewiyesi we ang sewiyesi töwen kishilerning milliy dawagha paydisidin ziyini köp bolidu! Namrat, bilimsiz, hesetxor we shexsiyetchi kishilerni milliy dawaning rehberlik qatlimigha yéqin yolatmanglar! Ilmiy sewiyesi, bilim sewiyesi we ang sewiyesi töwen kishilerni jan chiqip ketken teqdirdimu béshinglargha élip kötürmenglar! Yalghanchilar, kazzaplar we saxtapezler silerni, silerge uqturmay millitinglar, dininglar hemde bayriqinglar bilen aldawatidu we aldaydu! Bizning eshu sheytanlargha deydighinimiz: Niyitinglar dorust bolmisa chong ishlargha tutush qilmanglar! Bundaq ish axiri bérip bashqilarnimu, özenglarnimu nabut qilidu!

Chong Ishlarni Qilishta Sheytanning Arqisigha Kirmenglar!Kichik bir xata milyon kishining jénigha zamin bolidu, bir xeliqning bextige olturup qoyidu!Bizning hazir hayajangha emes eqilge tayinidighan waqtimizdur! Bir milletni yiteklesh we heqiqi bir rehberge egishish nazuk ishlar bolup, her kim özini dengsigini yaxshi!

Teshkillininglar!Terbiyelininglar! Bir-biringlargha mehkem yépishinglar!Biz xelqimizni milliy dawadiki rolini jariy qildurushqa chaqriq qilghaniduq! Bu chaqriqlarning rushen ünümi boldi, millitimiz yette yashtin yetmish yashqiche millitimiz wetinimiz üchün, xelqimiz üchün nime qilip bereleymen, degen sualni özidin soridi we qolidin kélidighan shekilde xitaylarning bizning üstümizdin yürgüziwatqan érqiy we kultural qirghinchiliqigha deslepki qedemde inkas qayturdi.

Xelqimiz qozghaldi, japakesh analar, sebiy balilarmu dawa sépige qoshulup, xitayning her türlük jinayetlirige qarishi xeliq urushigha atlandi we oxshimighan dewlet we rayonlardiki teshkilatlarni we siyasiy paaliyetchilerni jawap bérishke hemde oyghunishqa chaqriwatidu! Xelqimiz dadil otturgha chiqip teshkilatqila qarap olturmay shexsiy, ailini birlik qilip, kespiy alahiydiliklirini asas qilip we köngli yéqinchiliqni künlük qilip, xitay zulumigha qarshi heriketke ötti. Xitaygha qarshi heriket xitayning xelqimizge qarshi élip bériwatqan insan qélipidin chiqqan étnik, kultural we dininiy zulumi toxtighiche milliy dawa ichidila küchüyüp barmay pütün dunyani qaplighan xeliqaraliq heriketke aylinidu! Xitaylar biz Uyghurlarni, türük dunyasini, islam dunyasini we insaniyetni haqaretlidi! Biz xitaygha ishligen bu éghir jinayitining hésabini bergüzmey turup toxtap qalmasliqimiz, teshkilatqila qarp qalmasliqimiz lazim! Biz taza yaxshi oylisaq her birimiz bir teshkilat, her aile bir teshkilat birliki. Küchimizni tarqaqliqtin birleshtürishimiz, dane-dane yéghip, asman pelek kelkün peyda qilidighan, awal sanaqsiz jiralardin éqip wadilargha chüshken bulaq suliri yighilip tosqunsiz ezim deryalarni peyda qilghandek küch hasil qilip xelqimizning mewjutliqi, tereqqiyati we qudret tépishigha qarshi tosalghularni sirip-süpürüp méngishimiz lazim! Biz choqum xudaning iradisi bilen shundaq qilalaymiz!

Xeliqimizning hazirqi yérim oyghanghan bu hali teshkilat we siyasiy yétekchilerge qoyulidighan telepni éghirlashturdi, Xitayni sarasimge saldi, dunya jamaetining diqqitini tartti, xelqaraliq xitaygha qarshi zor éqim peyda qildi. Bu haletni saqlap qelishimiz, kücheytishimiz we netije qazinishimiz lazim! Bu xelIq heriketige oxshap kétidighan istixiyilik oyghunush teshkilat we siyasiy paaliyetchilirimizningmu uyqusini échiwatidu, köz aldimizda kishini xushal qilidighan netijiler kütmekte. Emme hazir ilgirki milliy heriket qoshunida aktip rol alghanlar bilen, yéngidin otturgha chiqqanlar arisida ediologiye we ang-sewiye tereptin ziddiyet körülüshke bashlidi. Yengi sepke qétilghanlardiki tejribisizlik we bilimsizlik, ularning herikitini déhqanlar herkitige oxshutup qoyiwatidu.Chünki ular milliy inqilap ochighi bolghan teshkilatlarda emes, xitayning jandin ötüdighan zulumi we tömür tapini astida isyan kötürüshke mejbur bolghanlar bolup, bu ikki qoshun ottursidiki musapini soghaqqanliq bilen qisqartip, bir ittipaqliq berpa qilish intayin muhim. Dimisimu nisbeten iqtidarliq, tejiribilik we bilimlik kishilirimizning köpi teshkilatlarning ichide, yéngidin otturgha chiqqan wetenperwer, milletperwer xelqimiz oxshimighan rayon we dewletlerde, teshkilatlardin mustesna halda musteqil qoshunlarni berpa qilmaqta.Bu qoshun yiteklesh we terbiyeleshke muhtaj! Konilar bilen yéngilarni milliy ang, milliy irade, siyasiy sewiye, dunya qarash, milliy we diniy pirinsiplar asasida bir-birige tutashturush lazim! Bu ikki goruppini hazirche ortaq bayraq we ortaq ghaye we ortaq ediologiye astigha jem qilish pilani shekillenmigechke, ular ottursida hel qilmisaq bolmaydighan birqisim ziddiyetler otturgha chiqiwatidu. Xeliq herkitining serkerdiliri tariximiz, milliy medeniyitimiz we siyasiy küreshlirimiz heqqide sistimiliq ilmiy telim terbiye körmigechke yaki milliy heriketni qoyuq ottura sheriq édiologiysige teqlit qilghachqa hemde milliy dawada tejribisizrek, bilimi töwenrek we ang sewiyesi arqida bolushtek kamchiliqliri bilen mesilini téximu murekkepleshtüriwétip baridu we ichkiy ziddiyetlirimizni ixtiyarsiz rewishte éghirlashturiwetip baridu.

Milliy dawa qoshunida peyda bolghan bu yéngi küchning kimlerning emrining astida bash kötüriwatqanliqi melum emes. Emma ular wetenperwer, milletperwer, qeyser, eqilliq we jessur kishilerdur! Biz ulargha sewirchanliq bilen heqiqetni tonutqan chéghimizda milliy dawa tereqqiyatida bir sekresh barliqqa kélidu! Dawa qoshunida peyda bolghan yéngi küchler terbiylense bizge paydiliq, terbiyelenmise qiliwatqan ishlirimizgha paydisiz rol oynaydu. Ularning bizdin roshen perqining yene biri, ular hör dunyada turupmu yüriki pok-pok tepekkur qilidu. Qurghan jemiyetliri, teshkilatliri, tor dunyasidiki isimliri, we ishlitiwaqtan atalghulirining hemmiside xuddi wetendikigila oxshash xitaydin ürküsh alametliri ipadiliunip turidu. Dindar emma dinni chüshenmeydu, islam heqqide azraq bilimi bar emma sistimiliq özige xas izdinish tarixi yoq, teqwa emma, teqwaliqini desmiy qilip, rehberlik ornigha ötiwalghan. Din, milliy medeniyet, iqtisad we siyasetni chongqur oqumighan yaki chüshenmeydu. 1400 yil awalqi jengknamilerge qarap bugün üchün pal salidu! Ulargha teshkilat we gholluq shexislirimiz alargiy qilidu. Bugünki bexitsizlikni teshkilatlardin köridu, özliri ittik bir ish qiliwetküsi bar, armangha tushluq derman yoq,ular dawagha yéngi bolghachqa bek aktip, tejiribe qazan´ghanche asta peskoyigha chüshüp barghanche boshushup hazirqi teshkilat we teshkilatchilar ichige ghimisside kiriwalidu! Bularni eshu hayajan bilen algha ilgirleshke, heqiqiten küchlük teshkilatlarni qurushqa we küchlük shexislerdin bolushqa téxnika ishlitip righbetlendürishimiz lazim! Milliy herikette peyda bolghan yengi küchler ikkige bölinidu. Biri xitayni indekke keltürüshni meqset qilidu, emelge ashmaydighanliqini körüp ümütsiz! Ikkinchisi ümmetchilik yolini xelqara démokratiye sistimisining üstige dessitip, musulmanlarni qozghap xitayni meghlup qilishni oylayduyu, unninggha yarisha kitaptiki abzaslardin bashqa kargha kelgüdek bir nerse yoq!

Bularning ortaq alahiydiliki teshkilatlardin renjish, gholluq shexislerning inwaitini töküsh boliwatidu! Her ikkilisi siyasiy dawada adetlenmigen isimlarni qoyush, milletke biwaste munasiwetlik simiwol we motiplashqan isimlardin qéchish, xitay bilen muresselishish we ortaq yol tépish üchün xiyalet dunyasida turup pikir qilishtur. Bularning yene nurghun xususiyetliri bar. Teshkilat we rehberlirini qarilash, ammiwiy heriketlerge musape saqlap muhamile qilish. Dawada ayirimichiliq tüsini alghan atmospira peyda qilish, xelqiqni yumshaq bolmighan ishlargha dewet qilish, özliri qol tiqip ishlimeslik. Namayish, xelqara munasiwet we teshkilatlarni kichik chüshürüsh. Hayatliq we siyasiy heriketlerde Amérika bashliq gherip dewletliri qaynaqliq bir menbege ige turup, Amérika bashliq gherip dunyasi we Israiliyeni qarilash, xitay toghriliq weten we millitimizning menpeetige uyghun hichqandaq körünerlik bir ish qilmasliq! Hemme yerde dinni bazargha sélish, térrorni teshebbus qilish, yerlik teshkilatlarni bijiriksizlkte qarilash, özliri poqni ikkige bölelmey xeliqni azdurup we qaymuqturush, teshkilatlardin yamanlap, ademlerning teshkilatqa bolghan semimiyitini, ishenchisini we yaxshi könglini sowutush qatarliqlar! Bular yoqarda tilgha alghan jehetlerdin bir qatar ishlarni qilip, ishni teshkilattin yamanlashtin bashlap öz aldigha téximu ajiz, téximu tarqaq we teximu bijiriksiz teshkilatlarni qurushqa qeder élip keldi.Bu süyqestning yiltizini xitay istixbaratining muhajirettiki xelqimiz ichide élip bériwatqan aghdurmichiliq heriketlirige baghlimaqtin bashqa charimiz yoq!

Körünüp turuptiki ularning biri teywen, xongkung we chet-eldiki demokratchi xitaylarning noxtisini millitimizning béshigha salsa, yene bir goruppisi milliy dawada xitay teshwiqatigha maslishidighan, milliy herkitimizning hulini kolap xelqimizni dunya jamaetige millet üchün emes, din üchün, weten üchün emes ümmet üchün we xitayghila emes belki dunya kapirlirigha, jümlidin gherip dunyasigha qarshu bir jamaet pikiri peyda qilishqa tirishiwatidu. Bunda ketiwerse anche uzaq ötmey qoshuninimiz parchilinip küchimiz ajizlighanni hesapqa almighanda, wetendiki konsentratsiyon Kamfler pütün dunya miqyasigha kéngiyip, hür dunyadiki uyghurlarghamu dunya qepez bolup qelish mumkinchiliki körüliwatidu! Xitaylar yaman, saman astida su yügürtüp, suni leyitip béliq tutiwatidu.

Xitay éyitqandek milliy dawagha éghir peshwadin birni urdi. Bu tépiktin milliy herkitimizde bir silkinish boldi we xelqimiz ittik özini tüzep, hushini yighiwatidu! Qismen ziyanlar boldi, emma netije xuda xalisa chong bolidu. Hazirqi ehwalda bizning undaq bir zerbige berdashliq bérishke toluq küchimiz yetmeydu. Shunga yüz bérish éhtimalliqi bolghan apetni böshükidila jamaet pikiri arqiliq yoq qilmisaq, uning kélichektiki ziyinini hergiz toldurup bolalmaymiz! Küchimiz, eqlimiz we bilimimiz bu pilansiz heriket netijiside parchilandi! Meselen: Amerikida bir aydin köpraq waqittin beri aqsray aldida élip beriliwatqan namayish, namayish sheklide qalmay, pütün dunya miqyasida milliy dawada bir qorqunushluq bölünüsh hasil qiliwatidu. Bu ishtin yaman niyetlik ademler we xitaylar ünümlük paydilinip, bizge ornini asan tolduriwalghili bolmaydighan ziyanlarni sélishqa bashlidi. Bu namayishni teshkilligen balilarmu yaman niyetlik kishilerning küshkürtishi bilen dawaning ghiltang yollirida teyilip qopop heriket qiliwatidu we özlirimu bilmey nurghun xataliqlarni ötküziwatidu.Chünki ularning yénida ulargha toghra meslihet körsütidighan küch yoq!Ular hayajan we qizghinliq bilen qarisigha heriket qilidu, bir ishi toghra bolghani bilen toqquz ishi xam we xata boliwatidu!

Biz bashta Amérikida bashlanghan namayishliridin xéli chong ümitlerni kütken iduq. Waqit ötkenche namayishning xaraktéri özgürep xitaygha qarshi emes, milliy dawayimizgha qarshi keypiyat küchüyüp ketti. Eslide bu namayish qandaq bedel tölesh kérek bolsa shundaq bedel tölep Amérika we bashqa dewletlerdiki teshkilat we dangliq shexisler bilen qoyuq alaqe we meslihet ichide dawamlashqan bolsa sewiyesizlik, qalaymiqanchiliq we xataliqlar hazirqidek köp bolup ketmeyti. Namyishqa niyiti dorust bolmighan ademler we sewiyesiz kishiler resmiy qol tiqqandin keyin weziyet bashqiche özgirep ketti.

Milliy dawada bizge qarshi küchlerning ichide xitayning qarshiliqidin bashqa milliy nadanliqimizdin kélip chiqqan putlakashanglarmu bar. Bu ikki merezdin qurtulalmiduq! Biridn qurtulsaq yene biri bizni pittek chaqidu. Bu niyiti yaman düshmenler özini özi urup yiqitmughiche xelqimiz toghra yolni tapmidi. Yaman niyetlik ademler sözligenche xatalashsa, heriket qilghanche patqaqqa patidu! Düshmenler özlirini özliri urup Axiri yiqitidu! Niyiti yamanning qazini töshüktur! Bu xudaning bizdek ajiz milletlerge bergen büyük inhamidur! Niyiti dorust bolmighan ademlerning özini özi ish-heriketliri we gepsözliri arqiliq ashikarilighini téximu yaxshi boldi…Milliy herkitimizning höddisidin chiqish undaq addiy ish emes. Sherting toshmisa beshingni tashqa uriwersengmu hetta öliwalsangmu beri bir.Milliy herikette chaqriq küchige ige ademler, teshkilatlar we eserlerni berpa qilmay turup netije yaratqili bolmaydu. Biz 50-60 yilda milliy dawada erishken yoqarqi qediriyetlerni qoghdap qalayli! Milliy dawa yolida bundaq keng kölemlik bir qoshun berpaqilmaq undaq adettiki kishilermu qilalaydighan ish emes. Bu ish üchün militimiz eghir bedellerni berdi. Biz güdeklik bilen hemmini Hesen Mexsumning izdin yengidin bashliyalmaymiz!

Düshmenler chotni xata soqti. Xelqimiz nadan bolghan teqdirdimu unchiwala nadan emes. Millitimizning méghiz bilen shakalni ayrighuchikii bar. Medeniyet sewiyesi, ang sewiyesi we mukkemmel exkaqi bolmighanlar qiliwatqan ishinila bash chökürüp qilishi hemmige qara-qoyuq chépiliwalmasliqi lazim. Azraq bir ish qilip qoyup taghni öriwetkendek körenglesh we otanchidek warqirash yaxshi exlaq emes, bu haldiki insanlardin xuda saqlisun, ihtiyat qilish lazim.Waqti kelse bir ormanni, bir tal choka tayaq üchün ot déngizigha aylanduriwétidu! Men hazir milliy dawa yolida peyda bolghan qara-qursaq emma qéni qizziq bir türküm ademlerning qiliwatqan ishida xitayning qara qoli bardek oylaydighan bolup qaldim.Xitaylar bizge uqturmay öz-ara kallimizni soqushturghili turdi. Eyni waqitta bu oyunni merkizi asiyadimu bir qetim oynap ghelbe qilghanidi.Xitayning Ghelbisi Hesen mexsumning öltürilishi, Ablikimxan Mexsumning zeherlinishi we Abduqadir Yapchanning Türmige tashlinishi bilen axirlashti. Emdi xitay xotni yötkep ikkinchi goruppini tarmar qilinghan ümmetchilerning we atalmish dunya kapirlirigha qarishi jihatchilarning qoli bilen yoq qilmaqchi boliwatidu.

Échinishliq bolghini xelqimiz yene bir qétimliq xelqaraliq bir sirliq oyunning qurbanliqi üchün hazirliniwatidu. Hazir otturgha chiqiwatqan bezi goruppilar dindar, teqwa, wetenperwer we milletperwerdek körüngini bilen sistemiliq terbiye körmigen. Ularning qiliwatqan ishliri biri milliy dawayimizgha ökte qopush, xitay bilen emes milliy herkitimiz bilen küresh qilish boliwatidu. Bular teshkilat tursa teshkilatsiz heriket qiliwatidu yaki yéngidin teshkilat quriwatidu. Bulardin bu xil ehwalda aldirap milliy dawa üchün xeyir kütüsh taza toghra emes! Chünki bularning qiliwatqanliri, qilmaqchi bolghanliri bilen sighishalmaydu, meqsidi dawani ilgirlitish emes teshkilat we muhim shexislerning inawitini töküsh üchün heriket qiliwatqandek tesir bériwatidu.

Yéngidn bash kötüriwatqan küchler dindardek otturgha chiqqan bilen dinsizlar bilen hemkarlishidu, uyghur bolghini bilen milliy herkitimizge chishtirniqi bilen qarshi, musulman bolghini bilen, ular dessigen yediki jamiler cheqilidu quraniy kerimler köydürilidu, diniy alimlar öltürilidu! Bulargha egishiwatqan étiqatchilar dunyani, xelqara weziyetni, her türlük tereqqiyatlarni we milletler hemde dewletler ottursidiki munasiwetlerni toluq chüshenmeydu. Siyaset qilimen deydu, dinni arlashturidu, dinni terghip qilimen deydu, siyasetni arlashturiwalidu. Undaq bolsa milliy heriket üchün erte ettigen nime qilisen dise uni janabiy Allah bilidu, deydu! Emma oqughan, qabiliyetlik, bilimlik we imanliq, toghra-dorust ademler 10, 20, we 30 yilliq pilanni Allahqa keskin ishinip turup tüzeleydu! Chünki ular öz millitini, tarixini, küresh yollirini, siyasetni, tarixni we pelesepini bilidu! Eger biz orta esir zihniyitidiki qaram, qopal we terbiye körmigen ademlerge dawaning bir teripini tashlap bersek, buzghunchiliqlargha süküt qilsaq eng chong gunah ishligen bolimiz qérindashlar! Bundaq edep-exlaq, haya we sili rehimni bilmeydighan qara qursaq lükcheklerning qoligha qalghan dawa hazirqidinmu ming hesse yaman bolup ketidu.

Bundin kéyinki milliy dawada ilgirleshler, netijiler körünse, yenila kochilarda tuyuqsiz peyda bolup qalghan xitayist bediwiy haram putaqlarning we sellini tetür yögep yétip, uxlap qopap soymam qeni, dep jöylüydighanlarning emes hemde suning éqishi we tükning yétishigha qarap heriket qilidighan saxtakarlarning sewebidin emes, ular hem ularning terepdarliri hazir hedep tor dunyasida dumbalawatqan, tenqitlewatqan, milliy herkitimiz 50-60 yildin béri ming teste yétishtürgen, egiri-toqay yollarda chéniqqan we yéterlik bilim we tejiribe jehettin yétiship chiqqan muntizim qoshunning sewebidin qolgha kelidu. Millitimiz dawa qoshunimizdikilerning gorohliship üstünlük talishish ishlirida yenggilteklik qilsa bolmaydu. Yéngidin milliy heriketke qoshuliwatqanlarni teshkilatlarda chéniqturushqa ehmiyet bérish lazim! Eger millet özining teqdirini bu tiptiki oqumighan, qara qursaq, sawatsiz yat milletning chomaqchillarigha, xitayistlargha weyaki chalasawat rohbanlar sinipidiki insan süritidiki kinsanlargha amanet qilsa, xuddi qozini qassapqa tapshurghandekla ish bolidu.

Nime qilish kérek. Hemmimiz birlikte öz-ara yéqinliship, öz-ara hemkarliship, öz-ara yitekliship, öz-ara tüzütüp, öz-ara artuqchiliqlirimizni jariy qildurup, düshmenning süyqestlirini berbat qilidighan yol heqqide izdinishimiz kerek! Eger miliy dawagha ökte qopqan bu kishilerning niyiti dorust bolghan teqdirdimu, bu yéngi chiqqan qoshunlar gheripke, dunyagha we milliy herkitimizge integiratsiyon qilinmisa, ularning gherip dunyasida qiliwatqan qalaymiqan we sewiyesiz ishlirining waqit ötkenche milliy dawagha ziyini derijidin tashqiri éghir bolidu. Chünki milliy inqilap bilim, sewiye we milliy iradeni özige inirgiye qilidu. Bu tipta otturgha chiqip perde arqisida qoshun toplawatqan, din arqiliq özini niqaplap, bayraq arqiliq milletni aldap, namayish arqiliq milletni parchilawatqanlardin hezer eylishimiz, xelqimizge bu heqte bilge aqturishimiz we ularning yaman niyetlik yitekchiliridin yéterlik shekilde uzaq turishimiz lazim.

Hey eziz millitim! Eger yoqarqi agahlandurushqa qulaq salmisanglar bugün wetende millitimizning béshigha kéliwatqan ishlar hayal bolmay yeni ertelam hür dunyadiki uyghurlarning béshighamu kelidu. Bugün bizning béshimizgha kelgenler erte türük dunyasining, örgünlükke pütkül insaniyetning béshigha kélidu! Bu xil yaman niyetlik ademler Xitayning shirin gepige, yumshaq méligha aldinip, xelqimizni ming parche qiliwetti, milliy dawa sépidikiler heriket qiliwatqan tor dunyasi hazir tertipke sélinmisa bolmaydighan késel tarqitidighan wirus dunyasigha aylandi! Uyghur Jemiyetini waqit, bilim we iqtisad israpchiliqi qaplap ketti. Tor dunyasidapeyda bolghan bash-bashtaqliq, gheywet-shikayet we ghum we öchmenlik qatarliqlar chashqan uwisigha oxshaydighan bu qaranghu tor dunyasidiki toplardin tarqap, teshkilatlarni ajizlashturiwatidu we milliy dawa qoshunimizdiki gholluq shexislerning inawitini meqsetlik töküliwatidu!Tor dunyasidiki xitayistlar, diniy ashqunlar millitimizning 60 yilliq siyasiy küreshlirining netijisini berbat qiliwétishtin burun közünglarni échip, teshkilatlarning etrapigha toplininglar, teshkilattiki muhim shexislerning etapigha toplishinglar! Teshkilatni, dangliq shexislerni we milliy heriketimizni qarilawatqan shühbelik shexislerdin uazq turunglar! Millitimizge kisilini dawalap adem qurtuldurush muamilisi qilinglar, chapiqini alimen dep közini qarighu qilip tashlimanglar! Bu xil tiptiki kishilerdin étiyat qilinglar, bu tiptiki ademlerdin eger toghra yiteklenmise millitimize hergizmu xeyir kelmeydu, bularni milliy dawagha ige qilip qoyush xitayning momisigha uyghurning qénini sürtüp bergenge oxshash ish bolidu. Eniq jakarlishimiz we xelqimizge bildürishimiz kérekki, bu tiptiki ademler peqet özigila wekillik qiludu, milletke we milliy iradige, siyasiy küreshlirimizge hergizmu wekillik qilalmaydu! Uyghurning uyghurlarni térorchi yaki xitayist körsütidighanlargha ihtiyaji yoq! Uyghurlar térrorist emes bolghandek, uyghurlar xitayistmu emes! Pekinde qara bayraq kötürüp xitayni öltürgen we Chingdawda jihat tughi kötürüp awamni chanighan térrorchilar Uyghur emes! Bundaq deyishimizde millitimizning janijan menpetige chétilidighan nurghun akadimik sewepler bar! Milliy inqilap nezeriyisi, medeniyet sewiyesi we milliy iradisi qatarliq tereplerdin salahiyet we qabiliyiti bolmighanlar yitekligen ish düshmenge yeni bashqilargha qarshi turdum dep özini reswalashturup qoyushtin bashqa ishlargha yarimaydu. Amérikida turup shodüyjangdek warqirimanglar qérindashlar!

Hazir milliy dawani tertipke salidighan waqit bolup qaldi. Özimizni özimiz sorap, milliy dawa heqqidiki sewiyemizni östüreyli! Beziler bilip turup, pursetni süyistimal qilip, özini chaghlimay arqa-arqidin xataliq ötküzgili turdi. Hey azghun qérindashlirim siler pütün dunya miqyasida qilighan, qiliwatqan we qilidighan namayishni milliy dawani aghduriwetish üchün qiliwatamsiler yaki milliy dawagha hesse qoshush üchünmu? Nime üchün özenglarning qiliwaqtan ishigha bash chökürüp köngül qoyup, qabiliyitinglargha yarisha béshinglarni chökürüp ish qiliwermey, salayitinglar, sewiyenglar we qabiliyitinglar yetmeydighan ishlarghimu chat keriwalisiler! Nime üchün teshkilat we dawa qoshunidiki muhim shexisler bilen hepilishisiler? Nime üchün bir qisim teshkilat we shexislerdin azghine xatalarni tépiwelip, dawrang qilip, teshklat we aktip siyasiy paaliyetchilirimizning yüzini töküsiler?! Emdi boldi qilinglar, siler weten-milletning kütken yéridin chiqinglar, analirimiz bergen aq sütni halallanglar! Niyitinglar heqiqi dorust bolsa qilghan gunahliringlar üchün töwbe qilip, özenglarni bésiwelinglar, kichik bir ishni qilip bir séseq tuxum tughqan mekiyandek qaqaqlimanglar! Silerning milletke xitap qilishinglargha xataliringlarni tüzütüp, xelqimizge egiship mangalisanglar yene 10-20 yil bar téxi.Hazir silerning u ish bu ishqa arliship, qoshuq selip, herining uwusini buzup etrapni maliman qilish emes, béshinglarni chökürüp ügünidighan, tejiribe toplaydighan we ish qilidighan, köplep izdinish élip baridighan, ilgirkilerdin deris alidighan we kemterlik bilen ün-tünsiz algha ilgirleydighan waqtinglardur!

Axirida deydighinim: Xata qilmaydighan adem yoq! Hemmimizning xatasi bar! Hemmimizning xatalarni tüzütüshke purset bar waqitta tüzütüp, bir birimizni quchaqlayli qérindashlar! Angliq rewishte teshkillineyli, teshkilatlargha toplishayli, xatalirimizni tüziteyli, milliydawani islahat qilayli, bilimlik, tejiribilik we talantliq chonglarimizgha egisheyli!

Her Üch Adem Bar Yerde Bir Bashliqqa Egishinglar! Bir adem üchke, üch ADEM ottuzgha, ottuz ADEM üch yüzge, üch yüz ADEM üch minggha, üch ming ADEM üchyüzmingha, üch yüzming ADEM üch milyongha, üch milyon ADEM ottuz milyongha HEQIQI bash bolalaydighanlargha egeshsun! Milliy Herkitimizde otturgha chiqiwatqan nurghun ziddiyet we jidel-majralar xelqimizni yiteklep mangidighan shexsiyetlerning sapasining bir-biridin töwenlikidin kélip chiqiwatidu! Yoqardiki meselilerni asta-asta xelqaradiki melum bir nopuzluq sistimigha chüshürüp hel qiliwalsaq, u halda bashqa ishlarmu arida söz-chöchek we pitne-pasat tarqatmastin özlikidin tüzülep ketidu!

Bashliqni Zinhar we zinhar Quliqi Yumshaqken, Chiqishqaq Iken we Yuwash Ademken, At-Ishek Qilip Minip Oynisaqmu Kari Yoqken, Teywen Yardem Qilidiken, Teqwaken, Mujayidken, Arqisida Amerika Barken, Tuqqini Beyjingda Emeldarken, Besh Waq Namaz Oquydiken, Hajimken, Xiroyinkeshken Dep Emes Oqughanmiken, Qabiliyetlikmiken, Milletchimiken, Ang-Sewiyesi Yoqurimiken, Qehrimu, Behrimu Barmiken, Qolidin Ish Kelemdiken, Kimning Ewladiyken, Texitde olturghandek Düshmenge Qarshi keskin Jengklerde Aldinqi Sepkimu Chüshelemdiken Dep Saylanglar!Bashliq Digen Qoydek Yowash Bolmaydu, Shir we Erarislandek Sürlük we Heywetlik Bolidu! Bashliq Yighlisa Yer Yighlaydu, Bashliq Külse Asman Shatlinip Kétidu! Siler Saylighan Rehbiringlar Perishtidek Milliy Irade Aldida Itaetchan, Inqilapta Peyghremberdek Aldin Körer We Siyasette Sheytandek Eqilliq Bolsun!!!

 

Sherqiy Türkistan Jumhuriyiti Sürgündiki Hökümiti

Hürmet bilen: K.Atahan

03.08.2018 Germaniye

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: