Sherqiy Türkistan Jumhuriyiti Sürgündi Hökümiti Parlaméntining Exmetjan Osman Heqqidiki Jiddiy Qarari

37381721_2634664836559092_7715500231449640960_n

Qarar nomuri (2018) 1 -nomurluq

Sherqiy Türkistan Jumhuriyiti Sürgündi Hökümiti Parlaménti re’isjumhur Exmetjan Osmanning üch yilliq xizmiti jeryanida arqimu-arqa ötküzgen gumanliq, ishenchisiz bir qatar heriketliri hökümitimizge xeter keltüridu we éghir intizamsizliq dep qaraldi. Shu wejidin Exmetjan Osman heqqide chare körüsh toghrisida jiddiy muzakire élip bériwatqanidi. Sherqiy Türkistan Jumhuriyiti Sürgündi Hökümiti re’isjumhuri Exmetjan Osmanning wezipisini qandaq qilish, dawamlashturishi yaki tizdin toxtutushi heqqide parlaméntta awazgha qoyup, pikir éliwatqan bir waqitta, re’isjumhur Exmetjan Osman yéngi bir oyun oynap chiqti. Exmetjan Osman bashbashtaqliq qilip, hökümitimizning asasiy qanunigha qarshi halda  shexsiy namidin, höhümetimizdiki hich kishining xewiri yoq halda Sherqiy Türkistan Jumhuriyiti Sürgündi Hökümiti we Parlaméntini tarqitiwétkenliki heqqide kimler bilendur xupiyane hazirlan´ghan atalmish seperwerlik bayanatini jakarlidi.

Sherqiy Türkistan Jumhuriyiti Sürgündi Hökümiti   jumhurre’isi Exmetjan Osman özini meydan’gha keltürügen parlaméntni bashbashtaqliq bilen asasiy qanunimizgha qarshi halda tarqitiwitishtek telwiliki parlaméntning jiddiy qarar élishini téximu zörüriy we téximu texirsiz bir  halgha keltürdi.Exmetjan Osman yene hökümetke reyis bolghandin keyin qaranghuluqtiki hökümetke qarshi küchler bilen hemkarliship, hökümizimiz we hökümet ezalirigha qarshi, yer asti paaliyetlerni qildi. Hökümet heqqide hökümettikiler bilen emes hökümetke qarshi küchler bilen mexpiy hemkarliship keldi.

Exmetjan Osman Xitaylar bilen hökümettikilerning ruxsitisiz xupiyane alaqe qilip, hökümet we hökümet ezalirining düshmen aldidiki heywisini yerge urdi. Exmetjan yene hökümet rayisi bolghan üch yil ichide iqtisadiy jehettin hökümet ichide ochuq-ashikare bolmidi. Kirim chiqim meseliliride qanunsizliq qildi.Exmetjan parlament ezalirining, xelqimizning we hökümettiki 7 kishlik  aliy kengeshning ishenchisini yoqutup qoydi. Exmetjan Osmanning bu yoqarqi bir qatar qilmishliri Sherqiy Türkistan Jumhuriyiti Sürgündiki Hökümitining qanunliri boyiche qarighanda éghir siyasiy xataliq bolup, buningha sel qarap hergiz kechüriwitishke bolmaydu.

Sherqiy Türkistan Jumhuriyiti Sürgündi Hökümetning xizmet tertibide mohim qararlar, bayanatlarning hemmisi 7 kishilik da’imiy hey’etning meslihetidin ötküzülüshi qarar qilin’ghan bolsimu, Exmetchan Osman izchil türde intizamsizliq bilen, hetta bérilgen purset we tekrar agahlandurushlarghimu pisent qilmastin, xatalirini tekrar-tekrar dawam qilghanliqi, hetta eng eqelliy bolghan hökümet namidiki mal-mülük we tor sehipilirining parollirighiche shexsiy igiliwélip, bashqa birnechche bashqurghuchi bolushi kérekliki heqqidiki hökümet ezalirining telep we tekliplerge qulaq yopurup yürishliri, parlament ezaliri  teripidin éghir intizamsizliq dep qaraldi!

Exmetjan Osman hökümet xizmetliridiki shexsiyetchilik, ishenchisizlik we  özemchilliki sewebidin, parlaméntimiz 10-ayda bir qétim jiddiy yighin chaqirip, bu mesilini bir terep qilishni oylushuwatqanidi.  Epsuski, bu échilmaqchi bolghan yighindin özige paydisiz bir qarar chiqishini mölcherligen Exmetjan Osman, aldinala heriketke ötüp, hökümet we parlamentni tarqitiwitip bashqidin qurush heqqidiki atalmish seperwerlik élani arqiliq yene bir qétim özining ornini saqlap qélish urundi.

Exmetjan Osmanning hökümet we parlamentni öz aldigha tarqitiwétish heqqidiki bu semimiyetsizliki, bu düshmenliki sewebidin Sherqiy Türkistan Jumhuriyiti Sürgündiki Hökümiti tarixidiki ikkinchi chong setchiliknining yüz berishining aldini élish üchün 2018-yili  10-ayda Türkiyede chaqrilidighan hökümet yighinini saqlap turmay,  hökümet we parlaméntning pewqullade tor yighini chaqrish arqiliq Exmetjan Osman heqqide derhal qarar maqullashni we ochuq ashkare élan qilishni toghra taptuq.

Sherqiy Türkistan Jumhuriyiti Sürgündi Hökümiti Parlaméntining köp sanliq ezalirining qatnishishi we mutleq üstün awaz bilen maqullishi netijiside töwendikildek qarar élindi.

1. Exmetjan Osmanning shexsiy namidin élan qilghan Sherqiy Türkistan Jumhuriyiti Sürgündi Hökümiti Parlaméntini tarqitiwitip bashqidin qurush heqqidiki atalmish seperwerlik élani qanunsiz.
2. Sherqiy Türkistan Jumhuriyiti Sürgündi Hökümitining re’isjumhuri Exmetjan Osmanning re’islik wezipisi mushu qarar élan qilin’ghandin bashlap resmiy élip tashlandi. Shunga uning re’isjumhur namini sü’i’istimal qilip, herqandaq tür we shekilde élan qilidighan yazma yaki awazliq bayanliri hökümetke wekillik qilmaydu!

3. Exmetjan Osmangha qattiq agahlandurush bérilidu we uning parlament ezaliqi saqlap qélindi. Exmetjan Osman Sherqiy Türkistan Jumhuriyiti Sürgündiki Hökümitining kanadadiki kishlik hoquq we insan heqliri ishxanisining mesuluq wezipisini özi ixtiyar qilghan muddetche dayim ötep turishigha ruxset qilinidu.

4.Exmetjan Osman Sherqiy Türkistan Jumhuriyiti Sürgündi Hökümitining jumhur reyisi bolghan mezgilde bashqurghan hökümetke munasiwetlik muhim matériyallar, mal-mülük, teshwiqat we neshir qilishqa alaqidar muessesilerni hökümetning munasiwetlik tarmaqlirigha melum muddetkiche ötküzüp berishi kérek.

5.Sherqiy Türkistan Jumhuriyiti Sürgündiki Hökümitining Jumhur reyislik wezipisi, Exmetjan Osmanning jumhur reyislik wezipisi emeldin qalghan deqiqidin bashlap qaytidin saylam échilghiche bolghan ariliqta Sherqiy Türkistan Jumhuriyiti asasiy qanunining 26-maddisining bu heqtiki munasiwetlik mezmunlirigha asasen qanunluq bir terep qilinidu.

Sherqiy Türkistan Jumhuriyiti Sürgündi Hökümetining bu qarariparlament ezlalirining köp sanliq awazi bilen testiqlandi we élan qilin´ghan kündin bashlap resmiy küchke ige. Bashqilarning mezkur hökümet qararini süyistimal qilishi we inkar qilishi birdek qanunsizliq bolup, jawapkarliqi sürüshte qilinidu.

Sherqiy Türkistan Sürgündi Hökümeti we Parlaménti
Sherqiy Türkistan Hökümeti Mu’awin jumhurre’is: Hizirbek Gheyretullah

Sherqiy Türkistan Jumhuriyiti Sürgündi Hökümeti Parlamént re’isi: Küresh Atahan

Sherqiy Türkistan Sürgündi Hökümeti Bashministér: Isma’il Chinggiz

28. Aughust 2018

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: