Kent Sékrétari Kériyediki “Perishtiler Mektipi” ning Orni Qurulmisi Heqqide Toxtaldi

2018-08-28
Mekit nahiyeside ata-anisi "Terbiyelesh lagéri" gha ekétilgen balining deryadin süzüwélin'ghan jesiti (sizma nusxisi).

Mekit nahiyeside ata-anisi “Terbiyelesh lagéri” gha ekétilgen balining deryadin süzüwélin’ghan jesiti (sizma nusxisi).

 RFA/Uyghur

Ashkarilinishiche, kériyediki ata-anisi tengla yighiwélish lagérigha ekétilgen, a’ilide héchqandaq ige-chaqisi qalmighan balilar üchün qurulghan ikki atalmish “Perishtiler mektipi” din biri nahiye bazirida؛ yene biri bolsa kériyening yéngi’awat yézisida berpa qilin’ghan. Alaqidar xadim muxbirimiz bilen ötküzgen söhbitining bügünki qismida mezkur ikki mektepning éniq orni, uninggha qoshna bolghan idare-jem’iyetler we mektepning bina qurulmisi heqqide melumat berdi.

Biz kériye nahiyeside ata-anisi tengla terbiyeleshke ekétilgen we a’iliside héchqandaq bir qarighuchisi qalmighan balilarning “Perishtiler mektipi” namidiki ikki yataqliq mektepke orunlashturulghanliqidin xewer tapqandin kéyin, bu mekteplerning éniq orni, muhiti we bina qurulmisi heqqidimu melumat igiliduq. Melum bolushiche, kériye nahiye bazirida ötken yili qurulghan atalmish “Perishtiler mektipi”, nahiye baziridiki bir bashlan’ghuch mektepning ornigha tesis qilin’ghan؛ nahiyelik su idarisi we mughula shipaxanisi etrapigha jaylashqan. Besh qewetlik bir binasi bolghan bu mektep yesli, bashlan’ghuch we ottura mektep siniplirini öz ichige alghan.

2 Ming etrapida oqughuchisi bar bu mektep, bu yil kirgendin kéyin, sighimchanliq jehettin éhtiyajni qamdiyalmighandin kéyin, bu yil 4-ayda yéngibagh yézisida “Perishtiler mektipi” din yene biri berpa qilin’ghan. Melum bolushiche bashlan’ghuch we yeslidin teshkillen’gen bu mektepning oqughuchiliri ilgiriki sabiq merkizi bashlan’ghuch mektep we sabiq merkizi yeslidin ibaret ikki orun’gha orunlashturulghan. Melum bolushiche, yéngibaghdiki bu atalmish perishtiler mektipining bashlan’ghuch qismi 4 qewetlik, yesli qismi ikki qismi qewetlik binadin tüzülgen. Xitay da’iriliri Uyghur rayonidiki yighiwélish lagérlirinimu sheher merkizi yaki etrapigha tesis qilghan, yeni uning mewjutluqini yerlik ahalilerning neziridin uzaq tutmighan bolsimu, emma uni égiz qoruq tamlar bilen qorshash arqiliq lagér ichidiki ijra’atlarni el-jama’ettin yoshurup kéliwatqan idi. Melum bolushiche, da’iriler bu atalmish perishtiler mektipinimu nahiye we yézining bazar merkizige tesis qilghan bolsimu, uning ichidiki ehwallarni el-jama’etning közidin yiraq tutushqa tirishqan. Mektep qorusi saqchilar teripidin nazaret qilin’ghandin bashqa, mektep tamlirigha bixeterlik simliri yeni tikenlik simlar orunlashturulghan.

Uyghur rayonida bir milyondin artuq kishining yighiwélish lagérigha toplan’ghanliqi xewiri dunyagha ashkarilan’ghandin kéyin, bu weziyetning balilarning hayatigha körsetken we körsetküsi tesirimu alaqidar tereplerde jiddiy endishe peyda qilghan idi. Ilgiri éniqlashlirimiz dawamida ata-anisi terbiyeleshke ekitilgenlerdin xotende 8 yashliq esma semetning üstige qaynaqsu töküwalghanliqi, mekitte 9 yashliq bir balining deryadin jesiti süzüwélin’ghanliqi qatarliq birqanche weqe ashkarilan’ghan we Uyghur rayonidiki balilar weziyitining échinishliqliq ikenlikidin bésharet bérilgen idi.

Yuqiriqi uchurlardin kériyede 3 mingche balining tikenlik simdin qorshalghan mekteplerde, saqchilarning nazariti astida yétishtürülüwatqanliqi melum. Emma mektep etrapidiki bu saqchilarning we u tikenlik simlarning bu balilarning rohiy dunyasigha qandaq tesir körsitiwatqanliqi hazirche melum emes. shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: