Sherqiy Türkistan Jumhuriyiti Sürgündiki Hökümiti Parlaménti Reyisining Hökümetning Kéyinki Saylami Heqqidiki Resmiy Bayanati!

37381721_2634664836559092_7715500231449640960_n

Eziz wetendashlar, qimmetlik qérindashlirim milliy inqilap üchün, téximu konkertlashtursaq Sherqiy Türkistan Jumhuriyiti Sürgündiki Hökümitining tereqqiyati üchün körsütiwatqan barliq tirishchanliqinglar xeyirlik bolsun.Gepning nan chiqidighan yerdin bashlisam bashta milliy dawayimizdiki gholluq qurulushlarning biri bolghan Dunya Uyghur Qurultiyigha urulghan zerbe emdi milliy iradimizning namayendisi we aliy simiwoli bolghan Sherqiy Türkistan Jumhuriyiti Sürgündiki Häkümitige urulushqa bashlidi. Kimliki namelum bolghan özini xeliq dewalghan bir uchum topilangchilar uwisidin chuwulup ketkendek yene birdinla qutrap ketti. Hazir bezen ademler hökümetke qarshi xuddi kichik balilardek ong we soldin hojum bashlidi. Hökümitimizge uruliwatqan bu zerbilerning arqisida igilishimizche birlik we ittipaqliqimizni yoq qilishni uzaqtin béri estayidil pilanlighan xitay tajawuzchilirining qara qoli barliqi melum bolmaqta.
Sherqiy Türkistan xelqining qatili Chen Chuengo bir qétim ” Üch xil küchke qarshi küreshte köngüldikidek netije qazanduq, Emdi nöwet muhajirettiki milliy bölgünchilerge keldi, biz ularni özlirining qoli bilen berbat qilimiz,” dégenidi. Demisimu xelqimizning béshigha kéliwatqan éghir tiragédiyege parallil halda milliy inqilap qoshunimizda ittipaqsizliq her terepte bash köterdi. Arqidinla nuqtiliq teshkilatlar we milliy dawadiki dangliq shexislerge hojum bashlandi. Bashta Dunya Uyghur Qurultiyi, Andin Sherqiy Türkistan Maarip Jemiyiti, emdi Sherqiy Türkistan Jumhiriyiti Sürgündiki Hökümiti ularning zerbe bérish obyekti bolup qaldi. Bu ishlar özligidin bolup qalghan emes. Bu ichkiy isyanlarni peyda qilghanlarni hazirche üch goruppigha ayriymiz. Birinchisi heqiqiten xitaygha qarshi qéni qizip turghan wetenperwer ezimetler, Ikkinchisi bir ishning perqige barmayla ghelyanchilargha tonushumti, yurtluqumti, toghra gep qiliwatidu, bir dewlette yashaymiz, kélip bérishimiz qoyuq, dep Üchünchi goruppa eng sirliq bolup, xitay istixbaratining biwaste meslihet bérishi we arqisidin yölep turushi sewebidin aldinqi ikki goruppini aldap tetür quyun chiqiriwatqanlar bolup, bu üch goruppa Exmetjan Osmandek birqanche ishenchisiz, shühbelik we xeterlik ademlerning qutritishi bilen atalmish xeliq herkiti arqiliq emdi hökümitimizni ichkiy terepdin düshmen bilen til biriktürüp, isyan arqiliq yiqitiwetmekchi boliwatidu. Bu qara gorohda on adem bolsa üchi wetenperwer emma heq naheqni bilmeydu, üchi hichnimini bilmeydu qaymuqqan, yene axirqi üchi düshmenning qiltiqigha ilinip qalghan. Exmetjandek arqisida qumandanliq qiliwatqanlri bolsa xitay üchün ishleydighan qurulushlargha el bolghan, sétilghan we milletke asiyliq qilghanlardur.
Biz Sherqiy Türkistan Jumhiriyiti Sürgündiki Hökümiti qurulghandin béri bundaq zerbilerni köp körduq, bu bir milliy dawa üchün emes, perde arqisidiki yaman küchlerning küshkürtishi bilen boliwatqan ish. Bashtahökümitimizge alaqidar Enwer Yüsüp weqesi kelip chiqti, andin Rabiye Qadir Meselisi kélip chiqti, emdi oxshashla uslupta téximu wehshiy halette Exmetjan Osman weqesi kelip chiqti. Arimizdin chiqqan bu Appaq Xuja ewlatliri bashta wetenperwerlik bilen dawa sépige kirip, axirda maddiy menpeet, shan-shöhret we shexsiyetchilik sewebidin hökümitimizge toxtimay zerbe bérip, xeliq arisidiki izzet abroyimizni töküshni asasliq nishan qilip keldi. Bu ishlarning arqisida tajawuzchi xitayning barliqini, isyanchilar sépide qaymuqmasliqni eziz xelqimizge yene bir qétim xatirlitimiz! Hökümetke qarshi kötürülgen bu quyunlar her qétim milliy irade aldida meghlup boldi, bu qétim hem xuda buyrisa shundaq bolidu! Bu quyun xuddi ilgirkidekla özi chörgilep kélip, özining exlitini özi uchurup pat pursette ötüp kétidu. Xitay tajawuzchilirining milliy dawagha qol tiqiwalmaqchi bolghan bu reswa oyuninni allahning izni bilen berbat qilimiz!
Sherqiy Türkistan Jumhuriyiti Sürgündiki Hökümitining bundaq erzimes buzghunchiliqlargha berdashliq berish qabiliyiti bar! Bir uchum kimliki éghir shühbilik ademlerning suni leyitip beliq tutishigha keskinlik bilen yol qoyulmaydu!
Bu hökümet texiche ayaqta, Arada isyan chiqarghanlarning qiliwatqanliri hisap emes! Sherqiy Türkistan Jumhuriyiti Sürgündiki Hökümitining ishigi xelqimizge her waqit ochuq. Sherqiy Türkistan Jumhuriyiti Sürgündiki Hökümetimizge kirishke sherti toshidu, dep qaralghan kishiler yerlik saylam goruppiliri teshkilligen hökümitimiz teripidin ruxset qilinghan saylamgha qatnishidu we wekil bolup saylanghanlar parlamenttin yer alidu weyene démokrattik saylam arqiliq hökümet we parlaménta muhim wezipilerni üstige élip milliy dawagha hesse qoshidu.
Biz Sherqiy Türkistan Jumhuriyiti Sürgündiki Hökümettikiler muzakiriliship, Jumhuruyet qanuni, hökümetning qarari we milliy heriketimizning pirinsiplirigha uyghun shekilde her tört yilda bir saylam élip barimiz.Yene yerim yilgha yetmige waqittin keyinki waqit qurultay élip bérilghanliqigha tört yil bolghan waqit bolup, Sherqiy Türkistan Jumhuriuyiti Sürgündiki Hökümitining omumiy xeliq ishtirak qilghan saylimi élip bérishqa qanuniy jehettin uyghundur we bu saylam özini Sherqiy Türkistanliqlarning ewladi dep qaraydighan hemme kishige ochuqtur.
Sherqiy Türkistan Jumhuriuyiti Sürgündiki Hökümitining punkissiyisini toluq jariy qildurush, milliy dawani ilgirlitish we wetenni azat qilishtiki shanliq ghelbilerni qolgha keltürüshke bel baghlighan ezemetlerning hazirdin bashlap, saylamgha teyyarliq qilishini, hökümetke körsütidighan wekilliri heqqide könglide san peyda qilishini, we biz bilen hazirdin bashlap yéqindin hemkarlishishini semimiy ümit qilimiz!
Ishinimizki bizning asasiy qanunimiz, xelqimizning milliy iradisi, milliy inqilap enenisi we teshkiliy pirinsiplar arqiliq Sherqiy Türkistan Jumhuriuyiti Sürgündiki hökümiti we parlaméntini yéngiche bir qiyapet bilen berpa qilalaymiz! Sherqiy Türkistan Jumhuriuyiti Sürgündiki hökümiti bir teshkilat emes, belki bir hökümet bolup, hökümettiki dewlet modilini berpa qilidighan organlar, partiyeler we teshkilatlar öz terkiwide bar bolghan murekkep organdur. Bu hökümetke yoqarqi biz sanighan orunlarning wekillirila yerlik saylam arqiliq we parlamentning tekshüriishidin kéyin kirip bilet tashlaydu. Asasiy qanunda parlamént klam dégende 60 ademdin teshkil tapidu, déyilgen. Hökümitimizge kirish éhtimalliqi bolghan partiye we gorohlar, teshilatlar birligi we teshkilatlar eng awal yerlik saylam arqiliq Sherqiy Türkistan Jumhuriuyiti Sürgündiki hökümiti 2019-yili muwapiq bir waqitta chaqrilidighan omumiy xeliq seperwer qilinghan qurultaygha wekil saylash paaliyiti élip bérishi lazim! Sherqiy Türkistan Jumhuriyiti Parlamenti yitekchilikidiki saylam kommétiti yighinning resmiy küntertiwiy qanunluq küchke ige bolushtin awal partiye, gorohlar, teshkilat birligi we teshkilatlar, ammiwiy toplar we goruppilar yerlik saylam we shexsiy iltimaslar netijiside saylap chiqqan sherti toshidighan wekillerni bahalap we békitip chiqishi lazim. Sherqiy Türkistan Jumhuriyiti Sürgündiki Hökümitining yerlik saylamgha mesul tarmaqliri milliy dawa üchün jümlidin sürgündiki Sherqiy Türkistan Jumhuriyiti Hökümiti üchün hesse qoshalaydighan qabiliyetlik, bilimlik, iqtidarliq zatlarni we milliy inqilapning uzaq sinaqtin ötken pidakar, otyürek qérindashlarni Sherqiy Türkistan Jumhuriuyiti Sürgündiki hökümiti we parlaméntining omumiy xeliq seperwer qilinghan merkiziy saylimigha mushu ay mushu künlerdin bashlap békitip chiqish üchün aktipliq bilen xizmet qilishimiz lazim! Biz Sherqiy Türkistan Jumhuriyiti Sürgündiki Hökümiti we Parlaménti bolush süpitimiz bilen weten ichi we weten siritidiki pütkül Sherqiy Türkistan xelqini, hökümitimiz teripidin 2019-yili muwapiq peyitte chaqrilidighan omumiy saylam üchün alahiyde chiqirilghan mezkur bayanatqa kolliktip halda qizghin awaz qoshushqa semimiy könglimizdin, jiddiy chaqriq qilimiz!
Yashisun Sherqiy Türkistan Xelqining büyük ittipaqliqi, yashisun milliy inqilap, yoqalsun xitay tajawuzchilliri!Yashisun küreshchan Sherqiy Türkistan xelqining milliy musteqilliqi!

Hürmet bilen:
S.T.S Hökümiti Parlament Reyisi: Küresh Atahan
03.09.2018 Gérmaniye

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: