“Shinjang géziti” idarisining ishxana mudiri: “Gézitxanimizdin 4 Uyghur xadimning tutqun qilin’ghanliqi rast”

2018-09-05
"Shinjang géziti" Uyghur bölümining bash muherriri ilham weli ependi.

“Shinjang géziti” Uyghur bölümining bash muherriri ilham weli ependi.

 RFA/Shöhret Hoshur

“Shinjang géziti” Uyghur bölümining bash muherriri ilham weli qatarliq 4 Uyghur xadimning “Ikki yüzlimichilik” bilen eyiblinip tutqun qilin’ghanliqi ashkarilandi.

Ashkarilinishiche bash muherrir ilham weli 7-ayning axirqi heptisi tutqun qilin’ghan. Uyghur bölümining herqaysi tarmaq bölüm mudirliridin mirkamil ablimit, memtimin obul we jür’et hajilar 8-ayning 6-küni tutqun qilin’ghan. Bayan qilinishiche, ular tutulghanda gézitxanida chong yighin échilip, pütün ishchi-xizmetchilerning aldida qollirigha “Koyza sélinip” méngilghan.

Anglighuchilirimizdin biri ötken hepte radiyomizgha uchur yollap “Shinjang géziti” ning mu’awin bash muherriri ilham weli we Uyghur bölümining tarmaq bölüm mudirliridin mirkamil ablimit, memtimin obul we jür’et haji qatarliq 4 axbarat xadimining tutqun qilin’ghanliqini melum qildi. “Shinjang géziti” idarisining ishxana mudiri lyu jyenrong yuqiriqi 4 xadimning tutulghanliqi heqqidiki uchurning rastliqini inkar qilmidi. U ilham weli bilen mirkamil ablimitning qaysi küni tutulghanliqi heqqidiki so’alimizgha jawab bérishtin özini qachurdi, arqidin munasip so’allirimizgha jawaben bu ehwalning bir dölet mexpiyetliki emeslikini, özining ehwaldin xewerdarliqi, emma déloning tepsilatidin melumati yoqluqini bayan qildi. U bu déloni gézitxanining intizam tekshürüsh bölümining yaxshi bilidighanliqini bayan qildi.

Gézitxana intizam tekshürüsh komitétimu ilham weli, mirkamil ablimit qatarliq 4 neper Uyghur ammiwi axbarat xadimining tutqun qilin’ghanliq uchurini ret qilmidi. Intizam tekshürüsh komitétining bashliqi shö bawying özlirining bu déloni tekshürüshke arilashqanliqi, emma asasliq rol oynimighanliqi, déloni tekshürgen we bir terep qilghuchi orunning yuqiri derijilik orunlar ikenlikini bayan qildi. Shö bawying ilham welilerning qaysi j x tarmiqi teripidin tutulghanliqi we nede tutup turuluwatqanliqi heqqidiki so’alimizgha, bu ehwalgha tepsiliy jawab bérish imkani bolghan orunning aptonom rayonluq intizam tekshürüsh komitéti ikenlikini bayan qildi.

Radiyomizgha kelgen inkasta gézitxanining mu’awin bash muherriri ilham welining, mudir mirkamil ablimit qatarliq qalghan 3 mudirdin awwal tutulghanliqi, qalghan üch mudirning chong bir yighin zalidin köpchilikning aldida élip kétilgenliki bayan qilin’ghan.

“Shinjang géziti” xitay bölümining bir xadimi mezkur 3 xadimning yighin zalidin ekétilgenlikini delillidi. Emma u shu künidiki yighin’gha “Shinjang géziti” ning pütün xadimliri emes, peqet bashqarma derijilik kadirliri qatnashqanliqi we déloning tepsilatining adettiki ishchi-xizmetchilerdin yoshurun tutulghanliqini ilgiri sürdi. Bu xadim bu 4 Uyghurning tutqun qilinish sewebi we jeryani heqqide güli isimlik bir bashqarma bashliqining xewerdar ikenlikini éytti. Emma mezkur bashqarma bashliqi bu 4 Uyghurning ehwali heqqide melumat bérelmidi.

Uyghur tehrir bölümi xadimi 4 kishining bir ay awwal tutqun qilin’ghanliqini éytti, emma éniq künini dep bérelmidi. Radiyomizgha kelgen inkasta mirkamil ablimit qatarliqlarning yighin zalidin élip méngilghanda “Qoligha koyza sélinip élip méngilghanliqi” ilgiri sürülgen.

Biz ishxana mudiri lyu jyenrongning tewsiyesi we u teminligen téléfon nomurigha asasen gézitxanining mupettish bölümige téléfon qilduq. Melum bolushiche, bash muherrir ilham weli 7-ayning axirqi heptisi tutqun qilin’ghan, uningdin bir hepte kéyin qalghan üch mudir tutqun qilin’ghan. Bular hemmisila “Ikki yüzlimichilik” bilen eyiblen’gen.

Radiyomizgha kelgen inkastin melum bolushiche tutqunlardin ilham weli 55 yash, mirkamil ablimit 50 yash, memtimin obul 52 yash we jür’et haji 53 yashtur.

 shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: