Proféssor Tashpolat Téyip “Bölgünchilik” Bilen Eyiblinip Kéchiktürme Ölüm Jazasigha Höküm Qilin’ghan

2018-10-04

Shinjang uniwérsitétning sabir mudiri, proféssor tashpolat téyipning yighinda sözde. (Waqti we orni éniq emes)

Shinjang uniwérsitétning sabir mudiri, proféssor tashpolat téyipning yighinda sözde. (Waqti we orni éniq emes)

 Social Media

Yéqinda radiyomizgha kelgen “Wetendin sada” namliq mektupta shinjang uniwérsitétining sabiq mudiri, proféssor tashpolat téyipning “Bölgünchilik” bilen eyiblinip, ölüm jazasigha höküm qilin’ghanliqi we jazaning ikki yil kéchiktürülüp ijra qilinishqa buyrulghanliqi bayan qilin’ghan idi.

Muxbirimizning Uyghur aptonom rayonluq edebiyat-sen’etchiler birleshmisining siyasiy bölümi we qeshqer toqquzaqning bulaqsa saqchixanisigha qarita élip barghan téléfon ziyaretliri dawamida proféssor tashpolat téyip heqqidiki yuqiriqi uchurning toghriliqi jezmleshti.

Hörmetlik radiyo anglighuchilar, ötken ayda Uyghur rayonidiki melum bir töwen’ge chüshken kadir teripidin yézilghan we radiyomizgha imzasiz halda yollan’ghan “Wetendin sada” mawzuluq mektupta Uyghur rayonida teshwiq qiliniwatqan “Agahlandurush-ibret” filimlirida körsitilgenlerge asasen ma’arip nazaritining naziri sattar sawut, méditsina uniwérsitétining mudiri xalmurat ghopur bilen bir qatarda shinjang uniwérsitétining sabiq mudiri, proféssor tashpolat téyipningmu “Bölgünchilik” bilen eyiblinip ölümge buyrulghanliqi we ölüm jazasining ikki yil kéchiktürüp ijra qilinishqa buyrulghanliqi bayan qilin’ghan.

Biz ötken ayda shinjang edebiyat-sen’etchiler birleshmisining siyasiy bölüm mudirini ziyaret qilghan waqtimizda umu idare-organlarda teshwiq qiliniwatqan “Agahlandurush-ibret filimi” diki melumatlargha asasen tashpolat téyipning “Bölgünchilik” bilen shughullan’ghanliqi üchün jazalan’ghanliqini ashkarilighan idi.

Qeshqer toqquzaqning bulaqsu saqchixanisi xadimi nöwette özlirining bir yérim sa’etlik uzunluqta bir “Agahlandurush-ibret filimi” ni körüwatqanliqini bayan qilish bilen birlikte mezkur filimda tashpolat téyip heqqidimu mezmun barliqini tilgha aldi. Bu xadim filimda ölümge höküm qilinip jazasi kéchiktürülgen 3 kishi heqqide tonushturush barliqi, bu üch shexstin birining tashpolat téyip ikenlikini ashkarilidi.

Yuqiriqi her ikki xadim gerche tashpolat téyipning aliy mektep munbiridin paydilinip, atalmish “Bölgünchilik” idiyesini teshwiq qilghanliqini bayan qilghan bolsimu, emma uning konkrét qandaq ish-heriketlerde bolghanliqi heqqide melumat bérelmidi.

Ilgiri ashkarilan’ghan uchurlardin melum bolushiche, Uyghurlarning chet’el ziyaritimu ikki yildin buyanqi siyasiy dolqunda “Muhim siyasiy xataliq” süpitide atalmish “Jinayet” ke pakit qilinmaqtiken. Axbarat uchurliridin tashpolat téyipning ilgiri amérika qatarliq döletlerni ziyaret qilghanliqi melum. Shunga biz mezkur sh u a r edebiyat-sen’etchiler birleshmisi siyasiy bölüm mudiridin tashpolat téyipning ilgiriki chet’el ziyariti heqqidimu melumat soriduq. Mezkur teshwiqat filimining tesirige uchrighanliqi bilinip turghan bu xadim özining shexsiy pikri süpitide tashpolat téyipning chet’el ziyariti dawamida özige oxshash niyettiki kishiler bilen alaqileshken we hemkarlashqan bolushi mumkinlikini ilgiri sürdi.

Shinjang uniwérsitétining sabiq oqutquchisi qutluq almas özining sabiq xizmetdashlirining hemmisiningla weten we millitige sadiq kishiler ikenliki, emma ularning nöwettiki siyasiy weziyette xitaygha qarshi bir ish-heriketlerde bolush imkanliridin mehrum ikenlikini ilgiri süridu. Qutluq almasning perez qilishiche, ular xitaygha qarshi bir heriketlerde bolghan bolushi natayin, emma nöwettiki atalmish “Üch xil küch” ke qarshi siyasiy dolqunda xitay kütken derijide bir aktipchanliqini körsetmigen bolushi mumkin. Tashpolat téyipning amérikida yashawatqan inisi, pa’aliyetchi nuri téyip akisining ehwali heqqide ikki yildin béri héchqandaq uchur alalmighanliqini bayan qildi. U akisining jazalinish sewebi heqqide öz perizini otturigha qoydi. Nuri téyip nöwettiki weziyette akisining jazalinishidin heyran qalmaydighanliqi we akisining insaniy xisletliri we ish-izliridin pexirlinidighanliqini bayan qildi.shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: