Xiristi’an Axbarati: “Dunyada Uyghurlardek Qattiq Zulumgha Uchrawatqan Étiqadchi Amma Yoq”

2018-09-12
uyghur-mehbus-1

Bügün, yeni 12-séntebir küni “Baptist ölchimi” namliq bir xristi’an axbarat torida “Néme üchün hemmimiz Uyghurlar üchün ornimizdin des turushimiz lazim?” namliq bir parche maqale élan qilindi.

Bu maqale amérikining téksas shtatidiki nortwort chérkawining popi bob robérts teripidin yézilghan.

Bügün dunyada afghanistandin tartip wiyétnamgha qeder milyonlighan insanning diniy étiqadliri seweblik ziyankeshlikke uchrawatqanliqi tilgha élin’ghan bu maqalida “Zulumgha uchrawatqan étiqadchi xelqler ichide Uyghur musulmanlirining béshigha kéliwatqanlirining eng éghir ikenliki” eskertilgen.

Nöwette milyonlighan Uyghurning yighiwélish lagérida ikenliki, ularning öy-öylirige qeder xitay kadirlirining nazaret üchün orunlashturulghanliqi qatarliq bir qatar ijra’atlar xelq’ara xewerlerdin neqil élip körsitilgen bu maqalida Uyghurlarning diniy erkinliki üchün barliq diniy guruhlarning ornidin des turushi kérekliki otturigha qoyulghan.

Bu maqalida barliq diniy guruhlarning Uyghurlargha sahib chiqishi kérekliki diniy we insaniy mejburiyet nuqtisidin tepsiliy chüshendürülgen.

Uningda yene bir diniy guruppa uchrighan zulumgha süküt qilishning bashqa diniy guruhlarning zulumgha uchrishighu yol achidighanliqi eskertilgen. Maqalisining béshida özining bir xristi’an, bir baptist ikenlikini iptixar bilen bayan qilghan pop bob robérts bu maqalisini “Men Uyghurlar üchün du’a qilimen” dégen bir bölüm bilen axirlashturghan. Bu bölümde u dunyada pütün étiqadchi ammigha diniy erkinlik nésip bolidighan künning choqum yétip kélidighanliqi, buning peqet waqit mesilisi ikenliki alahide tekitlen’gen. shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: