Lagér saqchisi: a’ilisi bilen sözleshkende “Essalamu’eleykum” we “Allagha amanet” déyishke ruxset yoq

2018-10-23
"Terbiyelesh" lagéridikilerning a'ile-tawabi'atliri bilen körüshtürülüwatqan körünüshi.

“Terbiyelesh” lagéridikilerning a’ile-tawabi’atliri bilen körüshtürülüwatqan körünüshi.

 Social Media

Muxbirimizning qeshqerdiki bir lagér saqchisi bilen lagérning ichki tüzümi heqqide ötküzgen söhbet xatirisining bügün anglitilidighan qismida, lagérdikilerning a’ile ezaliri bilen körüshtürülüsh tüzümi bayan qilinidu. Melum bolushiche, mezkur saqchi wezipe ötigen shu lagérda tutqunlarning a’ilisi bilen ikki heptide bir téléfonda, ayda bir kamérada körüshüshige yol qoyulghan؛ emma sözleshkende lagér üstidin shikayet qilmasliq؛ shundaqla “Essalamu’eleykum” we “Allagha amanet” dégen’ge oxshash atalmish sezgür sözlerning ishlitilmesliki shert qilin’ghan.

So’al: bir a’ilidin bir qanche kishi bolup qalsa ularni bir yataqta yatquzamsiler?
Jawab: yaq. Meyli özliri melum qilsun yaki biz özimiz bayqayli, qérindash ikenlikini bilipla qalsaq, ayrim binagha orunlashturimiz. Hetta bezide qewet almashturghan waqtimizmu bar.

So’al: bina almashturghan waqtinglarda, bir binagha birdin orunlashtursanglarmu éship qalsa, qewitini perqlendürdinglar?
Jawab: shundaq, bir a’ilidin jiq kishi kélip qalsa,

So’al: siz ishligen binadikilerdin bir a’ilidin eng köp bolghanda qanche kishi kirgen ehwal bar?
Jawab: töt kishi.

So’al: uruq-tughqanlar bolup bir jemettinchu?
Jawab: uni bilmeymen.

So’al: bular balisi chüshige kirip qélip yaki qérindashlirini séghinip qaqshaydighan ish bolamdu? bolsa qandaq qilisiler?
Jawab: bolghan. Biz ulargha “Buning birdin bir yoli yaxshi ögen, netijeng yaxshi bolsa, dölet tilini yaxshi bilseng, bu yerdin baldurraq ayrilip uruq-tughqanliring bilen körüshüshke paydisi bar” dep nesihet qilimiz.

So’al: a’ile ezaliri bilen körüshüshige ruxset barmu?
Jawab: men bar chaghda deslepte- mektep yéngi échilghanda ruxset qilmighan. 6 Aylardin kéyin ikki heptide bir qétim téléfonda, ayda bir qétim ékranda körüshtüridighan bolghan. Hazir ahaliler saqchixanimizgha kélip mekteptiki uruq-tughqanliri bilen körüshidighan ruxsetname éliwatidu؛ shuninggha qarighanda hazir yüzturane körüshüshmu boluwatsa kérek.

So’al: körüshkende qoyidighan yene qandaq shertliringlar bar?
Jawab: yighlimaysen deymiz, yaxshi terbiyeliniwatqanliqingni, idiyengni azad qiliwatqanliqingni, buning sanga paydisi boluwatqanliqini bayan qilisen deymiz؛ sözlirini anglap turidighanliqini uqturimiz.

So’al: déyishke bolmaydighan geplernimu ögitemsiler?
Jawab: bildürimiz؛ mesilen xoshlashqanda “Maqul emise”, “Xosh emise” deysen bashqa gep qilmaysen deymiz, mesilen “Allagha amanet” démeysen deymiz.

So’al: deslepte körüshkendichu? essalamu’eleykum déyishke bolamdu?
Jawab: yaq, undaq dégüzmeymiz. Undaq dése bolmaydu.

So’al: néme déyishi kérek bu geplerning ornigha?
Jawab: “Ténchliqmu” déyishi kérek, “Yaxshimu, qandaqraq?” dése yene bolidu.

So’al: bu shert a’ilisidikilergimu oxshashla qoyulamdu?
Jawab: ularghimu shundaq, ular körüshüsh iltimasini sun’ghan chaghda, ulargha “Essalamu’eleykum” we “Allagha amanet démeslik” uqturulidu.

So’al: mushu qa’idini buzup qoyup jazalan’ghanlar barmu?
Jawab: men ishlewatqan qewette buni buzghanlar yoq, shunga jazalan’ghanlarnimu bilmeymen.

So’al: bulardin qa’idini buzup, a’ilisi bilen sözleshkende öz ehwalidin shikayet qilip qalidighan ehwal boldimu?
Jawab: yaq bolmidi, chünki bularni a’ilisi bilen körüshtürüshning aldida keypiyatini közitimiz؛ heptide bir ötküzidighan söhbet bar؛ shu söhbette uning minnetdarliq keypiyatini dengsep baqimiz.

So’al: démek, eger “Terbiyelinish” ke qarita minnetdarliq ipadisini bildürgen bolsa a’ilisi bilen körüshtürisiler, bolmisa u ayda bir ékranda körüshüshmu yoq?
Jawab : del shundaq. shöhret hoshur

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: