Xitay Da’irilirining Lagérlarni Tekshürüshke Qarita Bir Saxta Sehne Hazirlawatqanliqi Ashkarilandi


2018-12-07

Terbiyelesh lagéridikilerge türmidiki mehbuslargha oxshash kiyim kiydürülgen bolup, yighin échiwatqan körünüsh.

Terbiyelesh lagéridikilerge türmidiki mehbuslargha oxshash kiyim kiydürülgen bolup, yighin échiwatqan körünüsh.

 Social Media00:00/00:00

Anglash
Awazni köchürüsh

Aldinqi küni anglighuchirimizdin biri radiyogha inkas yollap, aqsuning awat nahiyesidiki 3 atalmish terbiye merkizidin birining tamliridiki tikenlik simning we yataqliridiki kaméralarning éliwétilgenliki we bu arqiliq yéqinda kélidighan bir tekshürüsh ömikige qarita körünüsh peyda qiliwatqanliqini pash qildi. Muxbirimizning bu heqtiki éniqlashliri dawamida, ghuljida kadirlarning öymu-kirip ahalilerge weziyet heqqide gep ögitiwatqanliqi, ilgiri xitay bayriqi ésilghan bir qisim orunlargha dutar qatarliq chalghu eswablirining modéllirining ésilghanliqi ؛ qeshqerde saqchilarning ahalilerni ziyaret qilip tekshürigüchiler kelgende xata gep qilip qalmasliq heqqide agahlanduriwatqanliqi ashkarilandi.

Radiyomizgha kelgen bu mektupta aqsu awatta 1‏-, 2‏-we 3‏-terbiyelesh merkizi namida 3 orunda lagér barliqi, da’irilerning bularning ikkinchisidiki 5700 tutqundin 2700 ni yéqinda birinchi we üchinchi “Terbiyelesh merkizi” ge yötkigenliki bayan qilin’ghan. Mektupta yene déyilishiche bu merkez melum bir tekshürüsh guruppisigha qarita mexsus teyyarliniwatqan bolup, da’iriler ishchi–xizmetchi we aha’ililerni eger birliri “Awatta qanche lagér bar dep sorap qalsa”, “Birla lagér bar” dep jawab bérishke buyrighan. Mektupta yene eskertilishiche, 2 ‏-terbiyelesh merkizining tamliridiki tikenlik simlar éliwétilgen, atalmish oqughuchlar yatiqining ishik we dérizilirige qaplan’ghan tömür taxtilirimu éliwétilgen. Biz bu uchurning toghra-xataliqini éniqlash üchün aqsu awattiki alaqidar saqchi orunlirigha téléfon qilduq. Saqchilardin biri yuqiridin kélidighan tekshürüshke qarita qandaq teyyarliqta ikenlikini sorighinimizda, bu heqte téléfonda melumat bérelmeydighanliqini éytti. Yene bir xadim özining bundaq bir uqturushtin xewiri yoqluqini éytti. 

Nöwette ottura asiyada tijaret qiliwatqan bireylen, ghuljining weziyiti heqqide eng yéqinda anglighanliri heqqide melumat berdi. Uning déyishiche ghuljining bezi jaylirida kadirlar öymu-öy ziyaret qilip, ahalilerge weziyet heqqide némilerni déyish, némilerni démeslik heqqide gep ögetken. Kadirlar ochuq halda ahalilerge pat yéqinda bir tekshürüsh guruppisi kélidighanliqi, bu guruppa kelgende gep-sözige intayin pexes bolushi kérekliki, eger geptin kétip qalsa üch ewladqa qeder chékit urulup nazaret qilinidighanliqini uqturghan. Yene bu tijaretchining chégradin kirip-chiqiwatqanlardin anglighanlirigha asasen bayan qilishiche, da’iriler kent ishxanisi we qoruliridiki bir qisim qizil bayraqlar ornigha dutar we tembür qatarliq chalghu eswablirining modéllirini asqan. Ahalilerni usul we naxsha meshq qilghuzup tekshürgüchiler kelgende keypiyatini qizghin we üstün tutushni, bichare yaki ghemkin körünmeslikni tapilighan. Yene melum bolushiche da’iriler tekshürgüchiler kelgende némilerni déyishni bir qeghezge yézip körsitip, ahaliler uni yadlap bolghandin kéyin qeghezni yighiwalghan. 

Qeshqer qaghiliqtiki bir saqchi xadimi, özlirining yuqiridin kélidighan bir tekshürüshtin xewiri we buninggha qarita teyyarliqi barliqini éytti؛ emma u bu teyyarliqning tepsilatini bir derije yuqiri orunlardin tekshürishimiz kéreklikini éytti. Qeshqer yéngisheherdiki yene bir saqchi xadimi nöwette saqchilarning kélidighan bir tekshürüshke qarita jiddiy bir teyyarliqta ikenlikini pash qilish bilen birlikte؛ bir qisim lagérlarda tikenlik simlarning we yataqlarda kaméralarning éliwétilgenlikini tilgha aldi. Bu xadimmu tekshürüshning nedin kélidighanliqi we qachan kélidighanliqi heqqide özining téxi melumatu yoqluqini, bu heqte yuqiri derijilik organlarningla melumat béreleydighanliqini éytti. 

Hörmetlik radi’o anglighuchilar, yuqiriqi uchurlardin Uyghur rayonida da’irilerning yéqin mezgilde kélidighan bir tekshürüsh guruppisi üchün sün’iy sehne hazirlawatqanliqi ashkarilandi؛ emma kélidighan bu tekshürüsh ömikining kimler ikenliki téxi aydinglashmidi.
höhret hoshur

Munasiwetlik xewerler

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: