Türkiyening Eng Chong Ammiwi Teshkilati B D T Ge Uyghurlar Toghrisida Xet Tapshurdi


2018-12-20

Élxet
Pikir
Share
Print
Türkiye kadirlar uyushmisining re'isi önder kahwechi ependi b d t ning enqerediki binasining aldida muxbirlargha bayanat berdi. 2018-Yili 19-dékabir, enqere.

Türkiye kadirlar uyushmisining re’isi önder kahwechi ependi b d t ning enqerediki binasining aldida muxbirlargha bayanat berdi. 2018-Yili 19-dékabir, enqere.

 RFA/Erkin Tarim00:00/00:00

Anglash
Awazni köchürüsh
Türkiye kadirlar uyushmisining re'isi önder kahwechi bashchiliqidiki hey'et birleshken döletler teshkilatining bashliqigha yazghan bir parche xetni b d t ning enqerediki wekilige tapshurup bérish aldida. 2018-Yili 19-dékabir, enqere.

Türkiye kadirlar uyushmisining re’isi önder kahwechi bashchiliqidiki hey’et birleshken döletler teshkilatining bashliqigha yazghan bir parche xetni b d t ning enqerediki wekilige tapshurup bérish aldida. 2018-Yili 19-dékabir, enqere.RFA/Erkin Tarim

Türkiyening eng chong ammiwi teshkilatliridin biri bolghan kadirlar uyushmisi xitayning Uyghurlargha élip bériwatqan bésim siyasitige naraziliq bildürüsh shundaqla birleshken döletler teshkilatini Uyghurlargha yardem qilishqa chaqirish meqsitide birleshken döletler teshkilatining enqerediki ishxanisigha xet tapshurdi we b d t binasining aldida metbu’at bayanati élan qildi. 

19-Dékabir küni chüshte ötküzülgen bu pa’aliyetke 450 ming ezasi bar, türkiyening eng chong ammiwi teshkilatidin biri bolghan kadirlar uyushmisining re’isi önder kahwechi ependi we mezkur uyushmining shöbe bashliqliri, enqerediki Uyghurlardin bolup köp sanda kishi ishtirak qildi. Türkiye kadirlar uyushmisining re’isi önder kahwechi bashchiliqidiki hey’et aldi bilen birleshken döletler teshkilatining bashliqigha yazghan bir parche xetni b d t ning enqerediki wekilige tapshurup bergendin kéyin, b d t binasining aldida muxbirlargha bayanat berdi. 

U bayanatini mundaq bashlidi: “Hörmetlik ammiwi teshkilatlirimizning mes’ulliri, her derijilik rehberlirimiz, sherqiy türkistan ammiwi teshkilatlirining mes’ulliri, xanimlar, ependiler, axbarat organlirining qimmetlik muxbirliri, hemmingizler xush kélipsiler. Bügün uzun yillardin buyan xitayning bésimi astida yashawatqan sherqiy türkistandiki qérindashlirimizning derd-elemlirini jama’etchilikke anglitish shundaqla Uyghurlarning insan qélipidin chiqqan zulumlardin qutulushi üchün birleshken döletler teshkilatigha chaqiriq qilish üchün bu yerge jem bolduq.” 

U bayanatida aldi bilen b d t ni Uyghurlargha yardem qilishqa chaqirip, mundaq dédi: “Yurtidiki öy-mülkidin ayrilip qalghan sherqiy türkistanliqlargha, öltürülüwatqan Uyghurlargha héchkimning qarap turush heqqi yoq. Nurghunlighan sherqiy türkistanliq qérindashlirimiz “jaza lagérlirigha tashlan’ghan. U yerde ten jazasigha uchrimaqta. Epsuski, bular axbarat organlirining diqqet-étibarini tartmaywatidu. Bezi axbarat organliri teripidin bular xewer qimmiti yoq dep qaralmaqta. Türkiyemu sherqiy türkistanliqlarning bu peryadigha qulaq salmaywatidu.” 

U bayanatida b d t ni Uyghurlargha yardem qilishqa chaqirip, mundaq dédi: “Birleshken döletler teshkilatining esli wezipisi ularni közitish emes, belki xitayning bu siyasitini tosush. Shunga birleshken döletler teshkilati bu irqiy qirghinchiliqni tosush üchün derhal heriketke ötüshi kérek. Shuni untumasliqimiz kérekki, birleshken döletler teshkilati chong döletlerning siyasiy, iqtisadiy we idé’ologiyelik meqsitige xizmet qilish üchün emes, belki herqaysi döletlerning adil bolushini, bixeterlikini we ijtima’iy tengpungluqini qoghdash üchün qurulghan. Shunga biz kadirlar uyushmisi bolush süpitimiz bilen b d t ni sherqiy türkistanda éqiwatqan qanni toxtitish üchün küch chiqirishqa chaqirimiz.”

Türkiye kadirlar uyushmisining re’isi önder kahwechi ependi bayanatining axirida türkiye hökümiti bilen birleshken döletler teshkilatining birlikte heriketke ötüshi kéreklikini tekitlep, mundaq dédi: “Ata yurtimizda biz bilen bir millet. Yüz yillardin buyan xitay tajawuzchilirigha qarshi turuwatqan, irqiy qirghinchiliqqa qarshi chiqiwatqan, milliy kimlikini qoghdashqa tirishiwatqan, islamning bayriqini lepilditiwatqan sherqiy türkistanliq qérindashlirimizgha köngül bölmeywatqanlarni eyibleymiz. Biz kadirlar uyushmisi bolush süpitimiz bilen türk hökümitini, birleshken döletler teshkilatini, sherqiy türkistandiki qirghinchiliqni toxtitish üchün munasiwetlik organlirini heriketke ötküzüshke chaqirimiz. Undaq qilmighan dölet we organlar xitayning insaniyetke qarshi jinayitige shérik bolghan bolidu.”

Önder kahwechi ependi bayanatni oqup bolghandin kéyin, mikrofonimizni uninggha uzattuq. U mundaq dédi: “Bügün biz kadirlar uyushmisi bolush süpitimiz bilen sherqiy türkistanliq qérindashlirimiz toghrisida yazghan xétimizni birleshken döletler teshkilatining enqere ishxanisining mes’uligha tapshurup berduq. Bu iltimasni b d t bash katipigha yetküzüp bérishini telep qilduq. Biz birleshken döletler teshkilatining aldimizdiki künlerde bu zulumni toxtitish üchün tedbir élishini ümid qilimiz.” 

Uyghurlargha wakaliten namayishqa qatnashqan Uyghur pa’aliyetchi xeyrullah efendigil ependi kadirlar uyushmisining uzun yillardin buyan Uyghur dewasini qollap kéliwatqan türkiyediki eng chong ammiwi teshkilatlardin biri ikenlikini, bu pa’aliyetning tesirining zor bolidighanliqini ilgiri sürdi.
erkin tarim

Munasiwetlik xewerler

About The Eastturkistan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: