Türkiye Uyghurlarning jaza lagérlirigha qamilishi mesiliside xitayni qattiq eyiblidi

Muxbirimiz alim seytof
2019-02-09

Türkiye jumhuriyiti prézidénti rejep tayip erdoghan.

Türkiye jumhuriyiti prézidénti rejep tayip erdoghan.

 Social Media

Türkiye tashqi ishlar ministirliqi shenbe küni bayanat élan qilip, xitay hökümitining bir milyondin artuq Uyghurlarni jaza lagérlirigha solighanliqini qattiq eyiblep, buni “Insaniyet üchün bir büyük nomus” dep bildürdi.

Türkiye tashqi ishlar ministirliqi bayanatchisi hami aksoy, “Bir milyondin artuq Uyghur türklirining jaza lagérlirigha we türmilerge xalighanche tutulup, ten jazasigha uchrishi we kallisining siyasiy jehettin yuyulushi hazir bir mexpiyetlik emes. Biz xitay hökümitining Uyghur türklirining asasliq heq-hoquqlirini hörmet qilishini we jaza lagérlirini taqiwétishini teshebbus qilimiz” dédi. 

Bayanatchi hami aksoy sözide yene, Uyghur türklirining xitay hakimiyiti qolida uzun yillardin buyan siyasiy bésimgha, shundaqla sistémiliq assimilatsiyege uchrap kéliwatqanliqini alahide tekitlep ötti.

Türkiye hökümiti xitay da’iriliri Uyghurlarni milyonlap jaza lagérlirigha solighan ikki yilgha yéqin waqit jeryanida bu mesile üstide sükütte turuwalghan bolsimu, emma muhajirettiki Uyghurlar türkiyening shenbe küni xitayni eyiblep élan qilghan bayanatidin söyündi. Dunya Uyghur qurultiyi türkiyening bu meydanidin memnun bolup, erdoghan hökümitining bu mesilini birleshken döletler teshkilatigha kötürüp chiqishi, shu arqiliq xitaydiki jaza lagérlirida tutup turuluwatqan milyonlighan Uyghurlarning qoyup bérilishini qolgha keltürüshke chaqiriq qildi.

Munasiwetlik xewerler

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: