Teshekkürname! Türkiye Jumhuriyiti Hökümeti we Tashqi Ishlar Ministirlikige!

Allah Türkiye Jumhuriyitining Ömrini Uzun Qilsun!

Türkiye Jumhuriyiti Tashqi Ishlar Ministiri Möhtirem Mewlut Chawush’oghlu Birleshken Milletler Teshkilatining kishilik hoquq kéngishide bayanat élan qilip, Xitay tajawuzchilirini Uyghurlarning we Sherqiy Türkistandiki bashqa musulman az sanliq milletlerning uniwérsal heq-hoquqi we diniy erkinlikige dexli terüz qiliwatqanliqini dunyagha ashikare qildi, uningdin bashqa yene Sherqiy Türkistandiki Uyghurlar bashta we bashqa musulman az sanliq milletlerning uniwérsal heq-hoquqi we diniy erkinlikige Xitay hökümitining hörmet qilishi kerekligini, shiddetlik bir shekilde otturgha qoydi we pütkül insaniyetni bu tiragédiyege diqqet qilishqa chaqiridi.
Bu, Türkiye Jumhuriyiti hökümitining yéqinqi ikki hepte ichide Sherqiy Türkistandaki Uyghurlarning jiddiy hesaplanghan siyasiy, qanuniy, kultural we diniy mesilisi boyiche xitaygha ikkinchi‏ qétim naraziliq bildürüshi bolup, bu hadise pütkül yer shari miqyasida heq adaletni yaqilaydighan insanlarning teqdirleshige nahil boldi we Türkiyening Sherqiy Türkistan meselisei we bezi xelqara meselilerde zidilengen obrazini qaytidin tiklidi. Türkiye Jumhuriyiti Tashqi Ishlar Ministirliki 2019-yili 9‏-féwral élan qilghan bayanatida xitayni Sherqiy Türkistandiki jaza lagérlarini taqashqa chaqirghan idi.Türkiyening Xitay fashizimi Sherqiy Türkistanda peyda qiliwatqan insanliqqa qarshi meydani, Sherqiy Türkistan xelqining qanunluq dawasining xelqralishishigha paydisi köp boldi.
Türkiye Jumhuriyiti Tashqi Ishlar Ministirlikining 2019-Yili 9‏-Féwral küni élan qilghan bayanati we 2019-yili 25-Féwral Birleshken Milletler Teshkilatining kishilik hoquq kéngishining 40‏-nöwetlik yighinida körsetken jasariti Sherqiy Türkistan tarixidiki dewir bölgüch ehmiyetke ige zor ishlardur! Türkiye Jumhuriyiti Tashqi Ishlar Ministirliqining Bashliqi möhtirem Mewlut chawush’oghlu ependining 25‏-féwral küni Birleshken Milletler Teshkilatining kishilik hoquq kéngishining 40‏-nöwetlik yighinida sözligen bayanatida Uyghur xelqi we bashqa musulman xeliqler duch kelgen éghir tiragédiyeni dadilliq bilen otturigha qoyghanliqi Muhajirettiki hökümitimizni alemche söyündürdi. Biz bu munasiwet bilen qérindash Jumhuriyet Türkiyege quchaq tolduridighan qelib gülleri bilen minglarche teshekkurimizni bildürimiz!
Türkiye Jumhuriyiti Hökümiti Birleshmish Milletler Teshkilatida Xitay zulumi astidiki mezlum Sherqiy Türkistan xelqi terepte turup bayanat élan qilip, insaniyetni, Türük Islam Alemini, jümlidin biz Uyghur xelqini ghorurlandurdi, memnun qildi we derdimizge jiddiy peyitte melhem boldi…
Biz Sherqiy Türkistan xelqi bashta Türkiye Jumhuriyiti Jumhur reyisi Möhtirem Liderimiz Rejep Tayip Erdoghan ependi, Möhtirem Türkiye Jumhuriyiti Tashqi Ishlar Ministirliqining Bashliqi Mewlut chawush’oghlu ependi, Möhtirem Meral Akshener xanim we Möhtirem Mustafa Destichi… qatarliq 80 milyon Türkiye xelqige ching yürigimizdin qérindashlarche minnetdarliqimizni we teshekkurimizni bildürimiz. Allah sizlerni yaxshi we yaman künlerde yénimizdin eksik etmisun!
Türkiye Jumhuriyitining Birleshmish Milletler Teshkilatidiki Sherqiy Türkistan heqqidiki chiqishi kichik ish bolmighachqa, bu hadise dunyada ghayet zor tesir qozghidi…Yer yüzidiki türkiyening dostliridin bashlap söyümlük reqiplirige qeder bu hadisidin xushhal boldi. Türkiye Türkiyege we Türüklikke yarashqanni qildi, dep insaniyet tentene qilishti…Biz bolsaq xushalliqtin birdem külüp, yene birdem xushalliqtin köz yéshi qilip yighliduq…! Biz qérindash jumhuriyet Türkiyening bizge qara künlerde qilghan yaxshiliqini ewlatmu-ewlat unutmaymiz! Allah sizden razi bolsun! 
Biz shuning bilen birge yene Sherqiy Türkistan Jumhuriyiti Sürgündiki Hökümiti bolush süpitimiz bilen qandash, kulturdash we dindash bolghan Türkiye xelqige alemche éhtiramimizni, minnetdarliqimizni we qérindashlarche teshekkurimizni bildürimiz. 
Sherqiy Türkistan xelqi tarixta hich bir millet duch kelmigen xeter ishigide turiwatidu. Xitay tajawuzchiliri wetinimiz munqerizlikke patqan qanche on yildin béri dehshetlik zulumgha uchrighan bolsa emdi, téximu qorquchliqi yéri irqiy, diniy we kultural yoqutushqa duch keldi…Mushundaq kétiwerse 20 milyondin artuq Uyghur we bashqa qérindash xeliqler aldimizdiki birqanche yilda bir tereptin mehburi assimilatsiye, jismaniy we rohiy iskenje, quralliq qirghin we yoqumluq késellikler keltürüp chiqiridighan bir qatar insanliqqa qarshi jinayetlerning qurbani bolup, tarix sehnisidin pütünley öchürüp tashlinidu!
Dunya tarixining 21-esiride bundaq bir rezillikning otturgha chiqishi, insanyetni chöchütidu elbette…Bu xitaydin insaniyetke kéliwatqan apetning aldi élinmaydiken bugün bizning beshimizgha kelgen kün erte Türük dunyasining, örgünlükke pütkül insanlarning béshigha kélishi mumkin.
Biz Pütkül dunya xelqining segek bolishini, su kelishtin awal toghan tutishini, yoqulush girdawigha ittiriwétilgen Uyghur xelqini halaket aghzidin qutulduriwélishni aldin agahlandurimiz! Uningdin bashqa yene Sherqiy Türkistan Jumhuriyiti Sürgündiki Hökümiti bolush salahiyitimiz bilen pütün dunyadiki xelqara teshkilatlarni, gheriptiki démokiratik dewletlerni heq we adalet meydanda turup Xitay Zulmigha Qarshi küresh qiliwatqan Uyghur xelqining yénida turushqa we millitini we dewlitini xitay apitidin qurtuldurushta jiddiy oyghunushqa, oylunushqa we keskin chare-tedbir qollunishqa dewet étimiz. Biz Sherqiy Türkistan Jumhuriyiti Sürgündiki Hökümiti salayitimiz bilen yene dunyadiki pütkül adaletni yaqilighuchi barliq xeliqlerni, Xitayning qan puraydighan türmiliride, adem qélipidin chiqqan pissixologiyelik we jismaniy qiynaqlar bilen tolghan yighiwélish lagérlirida we 24 saet güzetim astida jehennemdek hayatliq dawam qiliwatqan yéza we qishlaqlarda kölliktip halda yoqulush we millet süpitide qirilip halak bolushtin ibaret shum teqdirge mejbur qilinghan mezlum Sherqiy Türkistan xalqining derdige derman bolushqa chaqriymiz!

Sherqiy Türkistan Jumhuriyiti Sürgündiki Hökümiti 

Hürmet bilen:Parlaménto Reyisi Küresh Atahan

26.02.2019 Germany

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: