Sherqiy Türkistan Sürgündiki Hökümiti Parlaméntosining Millet Wekili Bolush we Hökümet Saylamigha Qatnishish Heqqidiki Belgülimisi

55526953_3177005642325006_1215702811099004928_n

(Bu qarar hökümitimiz teripidin 2018-yili 10- ayda Türkiyede chaqrilghan Mughla yighinimizdiki shu heqtiki muzakirilerge asasen teyyarlandi)

Sherqi Türkistan Jumhuriyiti Sürgündiki Hökümiti Parlamintosi 2004 yili Sentebirde Amerikining payitexti Washingitonda Sherqi Türkistanning muhajirettiki wekilliri(Uyghur, Qazaq, Qirghiz we Özbek…)teripidin qurulghan. Wekillerning ortaq tirishchanliqi netijiside mobarek Sherqiy Türkistan Jumhuriyiti assasi qanuni tüzüp chiqilghan. Hökümet kabiniti we parlaménti mezkur qanunimizgha assasen tesis qilin’ghan.
Asasiy qanunimizgha köre her 4 yilda saylam élip bérilidu. Sherqiy Türkistan Jumhuriyiti Sürgündiki Hökümeti her qetimqi saylamdin keyin teshkillengen yingi Sherqiy Türkistan Jumhuriyiti Sürgündiki Hökümeti parlaménto teripidin barliqqa kilidu.
Sherqiy Türkistan Jumhuriyiti Sürgündiki Hökümeti 2015- yili ötküzgen qurultiyimizda xelqimizge omumyüzlük chaqiriq bérgen bolsimu, qurultaygha ishtrak qilghanlarning sani her türlük sewepler tüpeylidin 33 kishi bilen cheklinip qalghanidi.Biz bu qétim saylam teyyarliqini teleptikidek qilip, muhajirettiki xelqimiz asasen digüdek seperwer qilinghan resmiy shekildiki saylam élip berish heqqidiki teshwiqatni yaxshi ishlishimiz lazim!
Nöwettiki weziyette wetende yüz bériwatqan paji’elik ehwalimiz muhajirettiki xelqimizning küresh iradisini yükseltti. Xelqimizdin kelgen teleplerge asasen hökümet we parlaméntomizni islahat qilish, toluqlash, zamaniwiylashturush qatarliq xizmetlerni ishlesh heqqide birdek köz qarashqa kelduq.
Hazir weten siritida ikki milyundek Sherqiy Türkistanliq yashaydu.Xelqimiz weten siritida milliy musteqilliq herkitimizde kargha kélidighan kishilerdin kölimi chong bir qoshun shekillendürdi.Biz muhajirettiki xelqimiz arisidin ishenchlik we pakiz (qanuniy yaki exlaqiy xataliqliri tüpeylidin hökümitimizning abruyigha selbiy tesir körsetmeydighan) Sherqiy Türkistanliqlarning parlaméntqa kirishini asasi ölchem qilghan halda parlament ezaliri we hökümetimizge tewe teshkilat ezalirini köpeytmekchi. Xelqimiz muhajirette 30 din artuq dewlette yashawatidu, herbir dölette hökümetke qaraydighan teshkilatlarning bolishini ishqa ashurishimiz we shu teshkilatlar arqiliq herqaysi rayonlarda hökümitimizning milliy heriket yolidiki xizmetlirini tereqqiy qildurushimiz we qanat yaydurishimiz lazim.Herqaysi dewletlerdiki teshkilatlirimiznung reyisliri, aktip teshkilat ezalirining millet wekili süpitide hökümitimizge parlament ezaliqi üchün iltimas qilishini we biz bilen saylamni birlikte teshwiq qilip, qurulltayni birge echishini ümüt qilimiz . Parlament ezaliri Sherqiy Türkistan Jumhuriyiti Sürgündiki Hökümetige qaraydighan teshkilatlarda eza sanini köpeytip, ehwaligha qarap bedel puli yighip, asasiy qanunimizning rohigha binanen hökümitimizning asasiy qatlam qurulishigha öz aldigha tedbir belgülep hesse qoshsa bolidu. 
Bu yilqi Sherqiy Türkistan Jumhuriyiti Sürgündiki Hökümitining aliy qurultiyining xizmetlirining muweppiqiyetlik bolishi üchün, xizmetlerge hökümet azaliri, yerlik teshkilat reyisliri we hazirghiche hichqandaq teshkilatqa mensup bolmighan, wetenperwer, milletperwer xeliq wekilliridin terkip tapqan, teyyarliq kommétiti qurup chiqilidu we hökümitimizning saylam xizmetlirige yitekchilik qilidu. Biz Sherqiy Türkistan Jumhuriyiti Sürgündiki Hökümiti Parlamentosi bolush süpitimiz bilen dunyaning herqaysi döletliride pa’aliyet qiliwatqan we Sherqiy Türkistan Jumhuriyiti Sürgündiki Hökümitini milliy dawaning merkizi, aliy siyasiy orgini, dep qaraydighan, wetinimizning milliy musteqilliqining eslige keltürülishini xizmet pirinsipliri we uslubliri jehettin ochuq-ashikare qollaydighan barliq teshkilat we jama’et erbaplirining herketke ötüp, mezkur döletlerdiki sherqi türkistanliq qérindashlirimizni seperwer qilip, Sherqiy Türkistan Jumhuriyiti Sürgündiki Hökümitining bu yil chaqrilidighan qurultiyigha millet wekili saylap bérishini semimiy iltimas qilimiz. 
Millet wekillirimizning Sherqiy Türkistanliqlar yashawatqan her bir dölettin toluq saylap chiqilishi kéreklikini, nopusning az-köplikige qarap muwapiq nisbette pilanlinishining eqilge uyghun ikenlikini,alahiyde eskertimiz.
Sherqiy Türkistan Jumhuriyiti Sürgündiki Hökümitining 2019-yilliq aliy qurultiyigha qatnishidighan millet wekilliri bu yil kechikkendimu 6-ayning 15-künigiche saylinip, özlirini melum qilip bolghan bolushi kirek. Saylan’ghan her bir millet wekilining hökümetiki herqandaq bir wezipige demokrattik asasta namzat bolush heqqi kapaletke ige qilinidu. Hökümet we parlamentining her derijilik teshkili aparati nex meydanda yeni qurultayda millet wekillirining köp sanliqining birdek awazi arqiliq saylinidu.
Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalarning layaqet belgilimiliri töwendikilerdin ibaret:
1- Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Sherqiy Türkistanda tughulghan, yaki Sherqiy Türkistanliqlarning ailiside tughulghan yéshi 21 din ashqan bolushi;
2-Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Sherqi Türkistanning toluq musteqilliq kürishide iradisi mustehkem bolghan bolishi,
3- Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Sherqiy Türkistanning xitayning mustemlikisi astidiki bir dewlet dep qarishi, Xitay tajawuzchilirini qoghlap chiqirip, Sherqiy Türkistanning igilik hoquqini eslige keltürüsh mesiliside milliy musteqilliqtin bashqa yolning yoqliqini étirap qilghan bolushi;
4. Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Sherqiy Türkistandin ayrilip mezkur döletke makanlashqandin keyin milliy dawagha aktip qatnashqan, tejiribe –sawaqlarni yeterlik derijide toplighan bolushi;
5-Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar xeliqara qanunlargha we özi turiwatqan dewletlerning asasiy qanunlirigha xilap ishlarni qilmighan bolishi, xelqarada cheklengen nami terror we etkeschilikke berip chétilidighan teshkilatlar we kommunizimgha ayit partiye-goruhlarning ezasi bolmighan bolishi we tarixida xitaydin bashqa rayonlarda jazalanmighan bolishi; 
6- Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Isim pamilisini, aderisi, milliy kimliki we kespi alahiydiliki qatarliqlarni nopus kimliki yeni pasporti arqiliq qayil qilarliq ispatliyalighan bolishi;
7- Sherqiy Türkistan Jumhuriyiti Sürgündiki Hökümitining qurultiyigha wekil körsütülgen ezalar Sherqi Türkisyan Jumhuriyiti asasi qanunidiki maddilarni telepke uyghun halda hürmet qilidighan bolishi qatarliqlar telep qilinidu;
Herqaysi dewletlerdiki musteqqilliq kürishimizni qollaydighan teshkilat, jemiyet we meshreb qatarliqlarni Sherqiy Türkistan xelqining aliy siyasiy orgini Sherqiy Türkistan Jumhuriyiti Sürgündiki Hökümitining saylimigha qizghin awaz qoshushqa chaqriq qilimiz! Sherqiy Türkistan teshkilatlirining rehberlirini, jamaet erbapiri we milliy dawadiki aktip shexislerning Sherqiy Türkistan Jumhuriyiti Sürgündiki Hökümitige dadil ige chiqishini we Sherqi Türkistan Jumhuriyiti Sürgündiki Hökümitining qurulush aldida turiwatqan Saylami Teyyarliq Kommétitining xizmetlirige aktip awaz qoshup, öz-ara masliship xelqimizni hökümet saylimining bu muhim xizmetliri üchün seperwer qilishini semimi ümit qilimiz.

Hörmet bilen:

Sherqi Türkistan Jumhuriyiti Sürgündiki Hökümiti


Parlamento Reyisi: Küresh Atahan

Alaqileshküchi: Küresh Atahan

E-Mail Adresse: Kureshatahan@gmail.com

Telefon Numeri: 004917643828078

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: