سۈرگۈندىكى شەرقى تۈركىستان پارلامېنتى ۋە سۈرگۈن ھۆكۈمىتىنى قۇرغۇچىلار يىغىنىنىڭ بىر قىسىم ئەزالىرى بىلەن جامائەت ئەرباپلىرىنىڭ ، شەرقى تۈركىستان سۈرگۈن ھۆكۈمىتى ھەم پارلامېنتىنىڭ بىر پۈتۈنلىگىنى قەتئى قوغداش توغرىسىدىكى باياناتى

               ھۆرمەتلىك سۈرگۈندىكى شەرقى تۈركىستان ھۆكۈمىتىنىڭ مەسئۇللىرى، سۈرگۈندىكى شەرقى تۈركىستان پارلامېنتىنىڭ يىتەكچىلىرى  ۋە پارلامېنت ئەزالىرى! سىزلەرگە ھۆرمەت ، ئېھتىرام ئىچىدە قىزغىن سالاملىرىمىزنى يوللاش بىلەن بىرگە ، سەمىمىي ھال – ئەھۋال سورايمىز !

               ھەممىمىزگە مەلۇم بولغىنىدەك، شەرقى تۈركىستان خەلقىنىڭ، خىتاي ھۆكۈمرانلىقىنىڭ  چەكتىن ئاشقان مىللىي زۇلىمىغا قارشى قانلىق كۆرەشلەر بەدىلىگە 1944- يىلى 12- نويابىردا ، ئىلى ۋىلايىتىنىڭ غۇلجا شەھرىدە قۇرۇپ چىققان مىللىي مۇستەقىل دۆلىتى_ شەرقى تۈركىستان جۇمھىرىيتى، روسىيە ۋە خىتايدىن ئىبارەت ئىككى جاھانگىر دۆلەتنىڭ تىل بىرىكتۈرىشى بىلەن قوراللىق ئىشغال ئارقىلىق 1949- يىلىنىڭ ئاخىرلىرىدا يوق قىلىپ تاشلىنىپ ، 55  يىل ئۆتكەندىن كىيىن، شەرقى تۈركىستان خەلقىنىڭ چەتئەللەرگە سۈرگۈن قىلىنغان مىللىي مۇنەۋەرلىرىنىڭ ۋەكىللىرى ۋە مۇھاجىرەتتىكى شەرقى تۈركىستان داۋاسىنىڭ جامائەت ئەرباپلىرى تەرىپىدىن 1995- يىلىدا ئامېرىكىدا قۇرۇلغان شەرقى تۈركىستان مىللىي ئازاتلىق مەركىزىنىڭ تەكلىۋىگە ئاساسەن 2004 – يىلى 9- ئاينىڭ 12- 13 كۈنلىرى ئامېرىكىنىڭ پايتەختى ۋاشىنگېتوندا يىغىن ئۆتكۈزۈپ ، شەرقى تۈركىستان مىللىي داۋاسىنى خەلقئارا سىياسىي سەھنىگە ئېلىپ چىقىش مەقسىدىدە ، شەرقى تۈركىستاننىڭ سۈرگۈندىكى پارلامېنتى بىلەن سۈرگۈن ھۆكۈمىتىنى قۇرۇپ چىقىپ، 14- سىنتەبىر كۈنى ۋاشىنگىتوننىڭ كونگرە بىناسىدا پۈتۈن دۇنياغا تەنتەنىلىك ھالدا  جاكارلىغان ئىدى.  

                 بۇ خەۋەر دۇنيا مىقياسىدا گۈلدۈرماما ساداسىدەك ياڭراپ ، خەلقئارادا نۇرغۇن دۆلەتلەرنىڭ دىققىتىنى جەلىپ قىلغان ۋە بۇ دۆلەتلەردىكى تېلېۋىزور ، تور تاراتقۇلىرى ، رادىئو  ۋە گېزىت-ژورناللاردا مۇھىم خەۋەر سۈپىتىدە ئېلان قىلىنغان ئىدى.

              شەرقى تۈركىستان سۈرگۈن ھۆكۈمىتى ۋە پارلامېنتىنىڭ قۇرۇلغانلىق خوش-خەۋىرى مەملىكەت ئىچى ۋە سىرتىدىكى ئۇيغۇر ، قازاق قاتارلىق شەرقى تۈركىستان خەلقىنىڭ خوشاللىق كۆز ياشلىرى بىلەن قارشى ئېلىشىغا مۇيەسسەر بۇلۇش بىلەن بىرگە ئۇلارغا بۈيۈك ئىلھام ، تەسەللى، جاسارەت ۋە ئۈمۈتۋارلىق بېغىشلىغان ، ئىشغالچى خىتاي ھاكىمىيىتىنىڭ يۈرىكىگە مىخ بۇلۇپ سانجىلىپ، ئۇنى قاتتىق ئالاقزادە ۋە بىئارام قىلىۋەتكەن ئىدى .

                سۈرگۈندىكى شەرقى تۈركىستان ھۆكۈمىتى ۋە پارلامېنتى قۇرۇلغان ۋاقىتتىن باشلاپ سىياسى ،ئىقتىسادى ئىمكانىيەتلىرىنىڭ چەكلىك بولىشىغا قارىماي، پىداكارلىق بىلەن پائالىيەتلىرىنى داۋاملاشتۇرۇپ ، ئامېرىكا بىرلەشكەن دۆلەتلىرى ، كانادا ،ياپۇنىيە ۋە تۈركىيە قاتارلىق دۆلەتلەردە 8 قېتىپ ئومومىي يىغىن ئۆتكۈزۈپ، شەرقى تۈركىستان داۋاسىنى خەلقئارا سەھنىگە ئېلىپ چىقىش ۋە بۇ داۋانىڭ ھەققانىيەت داۋاسى ئىكەنلىكىنى پۈتۈن دۇنياغا ئاڭلىتىش يولىدا مۇھىم پائالىيەتلىرىنى ئېلىپ باردى .                                      

                    سۈرگۈندىكى شەرقى تۈركىستان ھۆكىمىتى ۋە پارلامېنتىنىڭ مەۋجۇت بولۇپ تۇرۇشى  ۋە دۇنيادىكى شەرقى تۈركىستان تەشكىلاتلىرى بىلەن بىرلىكتە ئېلىپ بېرىۋاتقان ئاكتىپ پائالىيەتلىرى، ئانا ۋەتىنىمىز شەرقى تۈركىستاننى ئىشغال ئاستىدا تۇتۇپ تۇرىۋاتقان خىتاي مۇستەملىكىچى ھاكىمىيتىنى بەكمۇ بىئارام قىلىپ، ئۇنىڭ ئوتتۇرا ئاسىيادىكى تۈرك جۇمھۇرىيەتلىرىنى ئۆز تەسىر دائىرىسىگە ئېلىش ۋە دۇنياغا ھۆكۈمرانلىق قىلىش خام خىياللىرىنى بۇزىۋەتتى . مۇشۇنداق ۋەزىيەت ئاستىدا خىتاي سوتسيال جاھانگىرلىكى 2017 – يىلىدىن باشلاپ تېرورىزىمغا ۋە دىنىي رادىكالىزىمغا قارشى تۇرۇشنى باھانە قىلىپ، شەرقى تۈركىستاندا نازى جازالاش لاگىرلىرىنى قۇرۇپ، ئۈچ مىليوندىن ئارتۇق شەرقى تۈركىستانلىق ئۇيغۇر ، قازاق ، قاتارلىق مۇسۇلمان تۈرك خەلقلىرىنى بۇ جازالاش لاگىرىغا قاماپ، ئۇلارغا ئەڭ دەھشەتلىك ماددى ۋە مەنىۋى قىيىن – قىستاقلار بىلەن ئېتنىك قىرغىنچىلىق يۈرگۈزۈپ ، مېڭە يۇيۇش ۋە جىسمانىي جەھەتتىن يوقۇتۇش ھەرىكىتى ئېلىپ بېرىشقا باشلىدى . خىتاي ھۆكۈمران گوروھىنىڭ بۇ خىل فاشىزىملىق، ئېتنىك، مىللىي سويقىرىمىغا خەلقئارادا كۈچلۈك نارازىلىق مەيدانغا كەلدى . كىشىلىك ھوقۇق ۋە ئىنسان ھەقلىرى قىممەت كۆز قارىشىغا ئىگە ئامېرىكا ۋە ياۋرۇپادىكى 23 دۆلەت، خىتاي ھاكىمىيتىگە جازالاش لاگىرلىرىنى دەرھال تاقاش ۋە ئۇ يەرلەرگە قامالغان شەرقى تۈركىستانلىقلارنى دەرھال قۇيۇپ بېرىش ھەققىدە ئاگاھلاندۇرۇش بەردى.

                     چەتئەللەردىكى شەرقى تۈركىستانلىقلار ئۆزلىرى ياشاۋاتقان مەملىكەتلەردە قۇرغان تەشكىلاتلىرى ئارقىلىق، دۇنيانىڭ بەش قىتئەسىدە نامايىش دولقۇنلىرى قوزغاپ، خىتاي ھاكىيمىتىنىڭ بۇ زوراۋانلىق ۋە فاشىزىملىق سىياسىتىگە قارشى ئەمەلىي ھەرىكەتكە ئۆتتى . خىتاي ھۆكىمىتى ئۆزىنىڭ چەتئەللەرگە يەرلەشتۈرگەن ھەر خىل نىقاپلارغا كىرگۈزگەن جاسۇسلىرى ئارقىلىق پىتنە – ئىغۋالار پەيدا قىلىپ ، تەشكىلاتلارنى پارچىلاپ يوقۇتۇش ھەرىكىتىنى باشلىدى . دەل مۇشۇنداق بىر ۋەزىيەتتە سۈرگۈندىكى شەرقى تۈركىستان جۇمھۇرىيتى ھۆكۈمىتى ئىچىدە مۇھىم بىر مەۋقەدىكى  مەلۇم بىر شەخس، ھۆكۈمەت ۋە پارلامېنت رەھبەرلىرى بىلەن ھېچ قانداق بىر مۇزاكىرە ئېلىپ بارماي، ئۆز بېشىمچىلىق بىلەن 2018 – يىلى ئاۋغۇست ئېيىدا تور تاراتقۇ ۋاستىسى بىلەن بايانات ئېلان قىلىپ، سۈرگۈندىكى شەرقى تۈركىستان پارلامېنتى ۋە ھۆكۈمىتىنى تارقىتىپ تاشلىغانلىقىنى جاكارلىدى . ئۇنىڭ ئۆز بىشىمچىلىق بىلەن ئېلان قىلغان باياناتى ،  سۈرگۈندىكى شەرقى تۈركىستان ھۆكۈمىتى ۋە پارلامېنتىنى قوللىغان خەلقىمىز تەرىپىدىن قاتتىق ئەيىپلىنىپ لەنەتلەندى . 2018 – يىلى 10 – ئايدا تۈركىيەنىڭ مۇگلا شەھرىدە شەرقى تۈركستانلىقلار تەرىپىدىن ئۆتكۈزۈلگەن ” تۈرك دۇنياسى ۋە شەرقى تۈركىستان مەسىلىسى ھەققىدە ئېلىپ بېرىلغان مۇھاكىمە يىغىنى ” دا شەرقى تۈركىستان سۈرگۈن ھۆكۈمىتىگە ۋەكىللىك قىلالمايدىغان بۇ بايانات قاتتىق ئەيىپلىنىپ، ئۇنىڭ ھېچقانداق كۈچكە ئىگە ئەمەسلىكى، سۈرگۈندىكى شەرقى تۈركىستان جۇمھۇرىيىتى ھۆكۈمىتى ۋە پارلامېنتىنىڭ مەۋجۇدىيىتىنى سۈردۈرۈۋاتقانلىقى ، ھۆكۈمەتنى تارقىتىۋېتىش ھەققىدە بايانات ئېلان قىلغان شەخىسنىڭ سۈرگۈندىكى شەرقى تۈركىستان ھۆكىمىتى ئەچىدىكى بارلىق ۋەزىپىسىنىڭ ئېلىپ تاشلانغانلىقى جاكارلاندى .

            بۇ ۋەقەلەر يۈز بەرگەندىن كىيىنكى بىر يىل ئىچىدە، سۈرگۈندىكى شەرقى تۈركىستان پارلامېنتى بىلەن ھۆكۈمىتىنىڭ بىر پۈتۈنلىكىنى پارچىلايدىغان ھەرىكەتلەر يەنە ئەۋج ئېلىشقا باشلىدى.

سۈرگۈن ھۆكۈمىتى ئىچىدىكى بەزى شەخسلەر، يامان نىيەتلىك ۋە قۇتراتقۇچى ئايرىم كىشىلەرگە ئالدىنىپ، مەزھەپچىلىك ۋە شەخسى قەھرىمانلىق ئىللەتلىرىنى ئەۋچ ئالدۇرۇپ ، سۈرگۈندىكى شەرقى تۈركىستان ھۆكۈمىتى ۋە پارلامېنتىنىڭ قۇرۇلغان كۈنىدىن تاكى بۈگۈنگىچە داۋام قىلىپ كەلگەن ئۆز-ئارا مەسلىھەت ۋە كوللىكتىپ رەھبەرلىك قىلىش ئەنئەنسىنى ئاجىزلاشتۇرۇپ،ھۆكۈمەت ئىچىدە بۆلۈنۈش خەۋپىنى كۈچەيتىۋەتتى. نەتىجىدە سۈرگۈندىكى شەرقى تۈركىستان ھۆكۈمىتى ۋە پارلامېنتىنىڭ بىر پۈتۈنلىگىنى ئاجىزلاشتۇرىدىغان بەزى قارارلارنى ئالدى . بۇ ھەقتە ئامېرىكا بىرلەشكەن دۆلەتلىرىدە 2019- يىلى 4 – ئايدا ئايرىم شەخىسلەرنىڭ ئاچقان يىغىنى ۋە ئۇنىڭدا ئېلىنغان قارارلار ۋە بۇنىڭغا جاۋابەن  2019 – يىلى 5- ئاينىڭ بېشىدا تۈركىيە ئىستانبۇلدا ئۆتكۈزۈلگەن يىغىندىن كىيىن ئېلان قىلىنغان قارارلار ، سۈرگۈندىكى شەرقى تۈركىستان ھۆكۈمىتى ۋە پارلامېنتىنىڭ  بىر پۈتۈنلىگىنى ئاجىزلاشتۇرىدىغان يامان ئاقىۋەت پەيدا قىلدى .

         بىز كىچىك كۆلەملىك بۇ ئىككى يىغىننىڭ ئايرىمچىلىقىنى ئاساس قىلغان، سۈرگۈندىكى شەرقى تۈركىستان ھۆكىمىتىنى پارچىلاشقا سەۋەپ بۇلىدىغان قارارلىرىنى، كۈچكە ئىگە ئەمەس دەپ قارايمىز . چۈنكى بۇ قارارلار سۈرگۈندىكى شەرقى تۈركىستان ھۆكۈمىتى ۋە پارلامېنتىنىڭ ئومومى يىغىنلىرىدا ئېلىنمىغان بۇلۇپ ، ھۆكىمەت ئەزالىرىنىڭ ۋە پارلامېنت ئەزالىرىنىڭ كۆپچىلىگى قاتناشمىغان يىغىنلاردا ئېلىنغان قارارلاردۇر .

             سۈرگۈندىكى شەرقى تۈركىستان ھۆكۈمىتى ۋە پارلامېنتى، تارىخ سەھنىسىگە چىققان 2004- يىلىدىن بېرى، ئۆزىگە قارشى ئېلىپ بېرىلغان ھەر خىل توسالغۇلارنى يىمىرىپ تاشلاپ ، سۈرگۈن ھۆكىمىتىنىڭ بىرلىك  ۋە پۈتۈنلىكىنى 13 يىلدىن ئىبارەت بىر تارىخى جەريان ئىچىدە قەتئى قوغداپ ، شەرقى تۈركىستان مىللى داۋاسىنى كۈچەيتىشتە مۇھىم رول ئويناپ كەلدى. سۈرگۈندىكى شەرقى تۈركىستان ھۆكىمىتى ۋە پارلامېنتى تەرپىدىن ئوتتۇرىغا قويۇلغان «شەرقى تۈركىستان مەسىلىسىنى ھەل قىلىشنىڭ بىردىن بىر چارىسى، مىللى مۇستەقەللىقنى قولغا كەلتۈرىشتىن ئىبارەت» دىگەن  ئىستىراتىگىيلىك كۆز قاراش، پۈتۈن دۇنيادىكى بارلىق شەرقى تۈركىستان تەشكىلاتلىرى ۋە خەلقئارا ئىجتىمائى تەشكىلاتلار تەرىپىدىن قۇبۇل قىلىنغان بۇگۇنكى كۈندە، كونا مۇستەملىكىچلىك سىياسىتىنىڭ جەندىسىگە ۋارىسلىق قىلىپ كېلىۋاتقان خىتاي تاجاۋۇزچىلىرى تارىختىن بېرى قوللۇنۇپ كەلگەن پىتنە _ئېغۋالىرىنى بازاغا سېلىپ، سۈرگۈندىكى شەرقى تۈركىستان ھۆكىمىتىنى «بۈلۈش، پارچىلاش ۋە ئاخىرىدا يوقۇتۇش» تاكتىكىسىنى ئىشقا سېلىش ئارقىلىق، جىددى ئىغۋاگەرچىلىك ھەرىكىتىنى جىددى ھالدا ئەۋج ئالدۇردى. مۇنداق بىر ئەھۋال ئاستىدا، سۈرگۈندىكى شەرقى تۈركىستان ھۆكىمىتى ۋە پارلامېنتىنى بۆلۈپ پارچىلاشقا ئۇرۇنۇش _ خىتاي جاھانگىرلىكىنىڭ تۈگمىنىگە سۇ قۇيۇشتەك ۋە ئۇنىڭغا ماسلىشىشتەك خەۋپلىك خاتا يولدىن ئىبارەتتۇر . مۇنداق بىر خاتا يولغا ھەۋەسلىنىش ، ۋەتىنىمىز شەرقى تۈركىستانغا قىلىنغان بۈيۈك بىر جىنايەتتۇر. شەرقى تۈركىستان داۋاسىغا قىلىنغان ئەڭ رەزىل خىيانەتتۇر . شەرقى تۈركىستاننىڭ مىللى مۇستەقىللىق داۋاسىغا ساپ نىيەت بىلەن بەل باغلىغان قېرىنداشلىرىمىزنىڭ ئارىسىدىكى ئىختىلاپ ۋە كۆز قاراش پەرقلىرىنى سەمىمىي نىيەت بىلەن ئېلىپ بېرىلىدىغان دېموكوراتىك مۇزاكىرە يولى بىلەن ھەل قىلالايدىغانلىقىغا ئىشىنىمىز .

             بۇ ئەھۋالنى نەزەرگە ئالغان ھالدا، ۋەتەن داۋاسىغا باش قويغان ۋەتەنپەرۋەر ئىنسانلار، سۈرگۈندىكى شەرقى تۈركىستان ھۆكۈمىتى ۋە پارلامېنتىنى بىر نەچچىگە بۈلۈنۈپ كېتىشتەك خەۋپلىك ئاقىۋەتتىن ساقلاپ قېلىش ئۈچۈن پىداكارلىق بىلەن كۈرەش قىلىپ، ھۆكۈمىتىمىزنىڭ  بىرلىگى ۋە پۈتۈنلىگىنى قەتئى قوغداپ قېلىشىمىز لازىم .   

          سۈرگۈندىكى شەرقى تۈركىستان پارلامېنتى ۋە ھۆكۈمىتىنى  قۇرغۇچى يىغىن ئەزالىرى ۋە جامائەت ئەرباپلىرى بولۇش سۈپىتىمىز بىلەن ،  سۈرگۈندىكى شەرقى تۈركىستان ھۆكىمىتى ۋە پارلامېنتىنىڭ بارلىق كونا يىڭى مەسئۇللىرىنى ۋە پارلامېنت ئەزالىرىنى، شۇنداقلا مۇھاجىرەتتىكى ۋەتەنپەرۋەر شەرقى تۈركىستان خەلقىنى ، سۈرگۈندىكى شەرقى تۈركىستان ھۆكىمىتى ۋە پارلامېنتىنىڭ بىر پۈتۈنلىكىنى قوغداش يولىدا پىداكارلىق كۆرسۈتۈشكە ۋە قەتئى قوغداپ قىلىشقا چاقىرىمىز. سۈرگۈندىكى شەرقى تۈركىستان ھۆكىمىتى ۋە پارلامېنت ئەزالىرىنىڭ ، بۇ جىددى چاقىرىقىمىزغا بىردەك ئاۋاز قوشىدىغانلىقىغا ئىشىنىمىز .

            سۈرگۈندىكى شەرقى تۈركىستان ھۆكىمىتى ۋە پارلامېنتىنىڭ 9- نۆۋەتلىك ئومومىي قۇرۇلتىيىنى ، ئۆز _ئارا مۇزاكىرە ئارقىلىق پىكىر بىرلىكىگە كېلىپ، بىر ئورۇندا  ئۆتكۈزىشىنى تەشەببۇس قىلىمىز. شۇنداق قىلغاندىلا سۈرگۈن ھۆكىمىتى ۋە پارلامېنتىنىڭ قۇرغۇچى يىغىنىنىڭ ئەزالىرى بولۇش سۈپۈتىمىز بىلەن ، 9- نۆۋەتلىك ئومومىي قۇرۇلتايغا قاتنىشىدىغانلىقىمىزنى تەكىتلەپ ئۆتىمىز . ئەكسى ھالدا، بۆلۈنگەن ھالدا ئېچىلغان يىغىنلارنى قانۇنسىز يىغىن ھېساپلاپ، ئۇنىڭغا قەتئى ئىشتىراك قىلمايمىز .

             ئختىلاپ ۋە پەرقلىق كۆز قاراشلارنى بىر تەرەپ قىلىش، ھۆكىمەت ۋە پارلامېنت مەجلىس  قۇرۇلمىسىنى ھازىرلاشقا بىرئاز زامان ئېھتىياجى بۇلىدىغان بولسا، 9 – نۆۋەتلىك ئومومىي قۇرۇلتاينى 2019- يىلى 11- ئايدا ئەمەس، 2020 – يىلى 5- ئايلاردا ئۆتكۈزۈشكە بۇلىدىغانلىقى ھەققىدىكى تەكلىپىمىزنى ئوتتۇرىغا قويۇشنى ئۇيغۇن كۆرىدىغانلىقىمىزنى بىلدىرىمىز .

2019 – يىلى 9-ئاينىڭ 14 – كۈنى سۈرگۈندىكى شەرقى تۈركىستان پارلامېنتىمىز ۋە ھۆكىمىتىمىز قۇرۇلغانلىقىنىڭ 15- يىلى بۇلۇپ، بۇ مۇقەددەس كۈنىمىز مۇبارەك بولسۇن !

ھۆرمەت ۋە سالام بىلەن      

              ئەخمەت ئىگەم بەردى ئەپەندى.    

      سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ، سۈرگۈندىكى شەرقى تۈركىستان جۇمھۇرىيىتىنىڭ سابىق جۇمھۇر رەئىسى

               سۇلتان ماخمۇت قەشقەرى ئەپەندى.

         سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغىچىلار مەجلىسىنىڭ ئەزاسى ، سۈرگۈندىكى شەرقى تۈركىستان پارلامېنتىنىڭ سابىق رەئىسى

خىزىر بەگ غەيرەتۇللاھ ئەپەندى .    

               سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ،سۈرگۈندىكى شەرقى تۈركىستان جۇمھۇر رەئىسى ئورۇن باسارى

 دىميان رەخمەت ئەپەندى            

             سۈرگۈندىكى شەرقى تۈركىستان جۇمھۇرىيىتى پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ، سۈرگۈندىكى شەرقى تۈركىستان ھۆكىمىتىنىڭ سابىق باش مىنىستىرى.

 ياقۇپچان ئەپەندى  

            سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ،     سۈرگۈندىكى شەرقى تۈركىستان ھۆكىمىتىنىڭ باش مىنىستىرى ئورۇن باسارى.

                   مەھەممەد ئالى ئەنگىن ئەپەندى .

                سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى،     سۈرگۈندىكى شەرقى تۈركىستان پارلامېنتىنىڭ باش كاتىپى.

            تالات قوچيىگىت ئەپەندى .

               سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ،     سۈرگۈندىكى شەرقى تۈركىستان پارلامېنتىنىڭ ئەزاسى

سېيىتنىسا لوقمان خانىم

سۈرگۈندىكى شەرقى تۈركىستان پارلامېنتىنىڭ باش كاتىپ ئورۇنباسارى

  مەلىكە مەھەممەد ئەلىۋا خانىم .

سۈرگۈندىكى شەرقى تۈركىستان پارلامېنتى ۋە ھۆكىمىتىنى قۇرغۇچىلار مەجلىسىنىڭ ئەزاسى ،سۈرگۈندىكى شەرقى تۈركىستان پارلامېنتىنىڭ ئەزاسى.

          يىلى 9 – ئاينىڭ 20 – كۈنى 2019 –

Sürgündiki Sherqi Türkistan Parlaménti we Sürgün Hökümitini Qurghuchilar Yighinining Bir Qisim Ezaliri Bilen Jama’et Erbaplirining , Sherqi Türkistan Sürgün Hökümiti Hem Parlaméntining Bir Pütünligini Qet’i Qoghdash Toghrisidiki Bayanati


Hörmetlik sürgündiki sherqi türkistan hökümitining mes’ulliri, sürgündiki sherqi türkistan parlaméntining yitekchiliri we parlamént ezaliri! sizlerge hörmet , éhtiram ichide qizghin salamlirimizni yollash bilen birge , semimiy hal – ehwal soraymiz !
Hemmimizge melum bolghinidek, sherqi türkistan xelqining, xitay hökümranliqining chektin ashqan milliy zulimigha qarshi qanliq köreshler bedilige 1944- yili 12- noyabirda , ili wilayitining ghulja shehride qurup chiqqan milliy musteqil döliti_ sherqi türkistan jumhiriyti, rosiye we xitaydin ibaret ikki jahan’gir döletning til biriktürishi bilen qoralliq ishghal arqiliq 1949- yilining axirlirida yoq qilip tashlinip , 55 yil ötkendin kiyin, sherqi türkistan xelqining chet’ellerge sürgün qilin’ghan milliy munewerlirining wekilliri we muhajirettiki sherqi türkistan dawasining jama’et erbapliri teripidin 1995- yilida amérikida qurulghan sherqi türkistan milliy azatliq merkizining tekliwige asasen 2004 – yili 9- ayning 12- 13 künliri amérikining paytexti washin’gétonda yighin ötküzüp , sherqi türkistan milliy dawasini xelq’ara siyasiy sehnige élip chiqish meqsidide , sherqi türkistanning sürgündiki parlaménti bilen sürgün hökümitini qurup chiqip, 14- sintebir küni washin’gitonning kon’gre binasida pütün dunyagha tentenilik halda jakarlighan idi.
Bu xewer dunya miqyasida güldürmama sadasidek yangrap , xelq’arada nurghun döletlerning diqqitini jelip qilghan we bu döletlerdiki téléwizor , tor taratquliri , radi’o we gézit-zhornallarda muhim xewer süpitide élan qilin’ghan idi.
Sherqi türkistan sürgün hökümiti we parlaméntining qurulghanliq xosh-xewiri memliket ichi we sirtidiki uyghur , qazaq qatarliq sherqi türkistan xelqining xoshalliq köz yashliri bilen qarshi élishigha muyesser bulush bilen birge ulargha büyük ilham , teselli, jasaret we ümütwarliq béghishlighan , ishghalchi xitay hakimiyitining yürikige mix bulup sanjilip, uni qattiq alaqzade we bi’aram qiliwetken idi .
Sürgündiki sherqi türkistan hökümiti we parlaménti qurulghan waqittin bashlap siyasi ,iqtisadi imkaniyetlirining cheklik bolishigha qarimay, pidakarliq bilen pa’aliyetlirini dawamlashturup , amérika birleshken döletliri , kanada ,yapuniye we türkiye qatarliq döletlerde 8 qétip omomiy yighin ötküzüp, sherqi türkistan dawasini xelq’ara sehnige élip chiqish we bu dawaning heqqaniyet dawasi ikenlikini pütün dunyagha anglitish yolida muhim pa’aliyetlirini élip bardi .
Sürgündiki sherqi türkistan hökimiti we parlaméntining mewjut bolup turushi we dunyadiki sherqi türkistan teshkilatliri bilen birlikte élip bériwatqan aktip pa’aliyetliri, ana wetinimiz sherqi türkistanni ishghal astida tutup turiwatqan xitay mustemlikichi hakimiytini bekmu bi’aram qilip, uning ottura asiyadiki türk jumhuriyetlirini öz tesir da’irisige élish we dunyagha hökümranliq qilish xam xiyallirini buziwetti . Mushundaq weziyet astida xitay sotsyal jahan’girliki 2017 – yilidin bashlap térorizimgha we diniy radikalizimgha qarshi turushni bahane qilip, sherqi türkistanda nazi jazalash lagirlirini qurup, üch milyondin artuq sherqi türkistanliq uyghur , qazaq , qatarliq musulman türk xelqlirini bu jazalash lagirigha qamap, ulargha eng dehshetlik maddi we meniwi qiyin – qistaqlar bilen étnik qirghinchiliq yürgüzüp , ménge yuyush we jismaniy jehettin yoqutush herikiti élip bérishqa bashlidi . Xitay hökümran gorohining bu xil fashizimliq, étnik, milliy soyqirimigha xelq’arada küchlük naraziliq meydan’gha keldi . Kishilik hoquq we insan heqliri qimmet köz qarishigha ige amérika we yawrupadiki 23 dölet, xitay hakimiytige jazalash lagirlirini derhal taqash we u yerlerge qamalghan sherqi türkistanliqlarni derhal quyup bérish heqqide agahlandurush berdi.
Chet’ellerdiki sherqi türkistanliqlar özliri yashawatqan memliketlerde qurghan teshkilatliri arqiliq, dunyaning besh qit’eside namayish dolqunliri qozghap, xitay hakiymitining bu zorawanliq we fashizimliq siyasitige qarshi emeliy heriketke ötti . Xitay hökimiti özining chet’ellerge yerleshtürgen her xil niqaplargha kirgüzgen jasusliri arqiliq pitne – ighwalar peyda qilip , teshkilatlarni parchilap yoqutush herikitini bashlidi . Del mushundaq bir weziyette sürgündiki sherqi türkistan jumhuriyti hökümiti ichide muhim bir mewqediki melum bir shexs, hökümet we parlamént rehberliri bilen héch qandaq bir muzakire élip barmay, öz béshimchiliq bilen 2018 – yili awghust éyida tor taratqu wastisi bilen bayanat élan qilip, sürgündiki sherqi türkistan parlaménti we hökümitini tarqitip tashlighanliqini jakarlidi . Uning öz bishimchiliq bilen élan qilghan bayanati , sürgündiki sherqi türkistan hökümiti we parlaméntini qollighan xelqimiz teripidin qattiq eyiplinip lenetlendi . 2018 – yili 10 – ayda türkiyening mugla shehride sherqi türkstanliqlar teripidin ötküzülgen ” türk dunyasi we sherqi türkistan mesilisi heqqide élip bérilghan muhakime yighini ” da sherqi türkistan sürgün hökümitige wekillik qilalmaydighan bu bayanat qattiq eyiplinip, uning héchqandaq küchke ige emesliki, sürgündiki sherqi türkistan jumhuriyiti hökümiti we parlaméntining mewjudiyitini sürdürüwatqanliqi , hökümetni tarqitiwétish heqqide bayanat élan qilghan shexisning sürgündiki sherqi türkistan hökimiti echidiki barliq wezipisining élip tashlan’ghanliqi jakarlandi .
Bu weqeler yüz bergendin kiyinki bir yil ichide, sürgündiki sherqi türkistan parlaménti bilen hökümitining bir pütünlikini parchilaydighan heriketler yene ewj élishqa bashlidi.
Sürgün hökümiti ichidiki bezi shexsler, yaman niyetlik we qutratquchi ayrim kishilerge aldinip, mez’hepchilik we shexsi qehrimanliq illetlirini ewch aldurup , sürgündiki sherqi türkistan hökümiti we parlaméntining qurulghan künidin taki bügün’giche dawam qilip kelgen öz-ara meslihet we kolliktip rehberlik qilish en’ensini ajizlashturup,hökümet ichide bölünüsh xewpini kücheytiwetti. Netijide sürgündiki sherqi türkistan hökümiti we parlaméntining bir pütünligini ajizlashturidighan bezi qararlarni aldi . Bu heqte amérika birleshken döletliride 2019- yili 4 – ayda ayrim shexislerning achqan yighini we uningda élin’ghan qararlar we buninggha jawaben 2019 – yili 5- ayning béshida türkiye istanbulda ötküzülgen yighindin kiyin élan qilin’ghan qararlar , sürgündiki sherqi türkistan hökümiti we parlaméntining bir pütünligini ajizlashturidighan yaman aqiwet peyda qildi .
Biz kichik kölemlik bu ikki yighinning ayrimchiliqini asas qilghan, sürgündiki sherqi türkistan hökimitini parchilashqa sewep bulidighan qararlirini, küchke ige emes dep qaraymiz . Chünki bu qararlar sürgündiki sherqi türkistan hökümiti we parlaméntining omomi yighinlirida élinmighan bulup , hökimet ezalirining we parlamént ezalirining köpchiligi qatnashmighan yighinlarda élin’ghan qararlardur .
Sürgündiki sherqi türkistan hökümiti we parlaménti, tarix sehnisige chiqqan 2004- yilidin béri, özige qarshi élip bérilghan her xil tosalghularni yimirip tashlap , sürgün hökimitining birlik we pütünlikini 13 yildin ibaret bir tarixi jeryan ichide qet’i qoghdap , sherqi türkistan milli dawasini kücheytishte muhim rol oynap keldi. Sürgündiki sherqi türkistan hökimiti we parlaménti terpidin otturigha qoyulghan «sherqi türkistan mesilisini hel qilishning birdin bir charisi, milli musteqelliqni qolgha keltürishtin ibaret» digen istiratigiylik köz qarash, pütün dunyadiki barliq sherqi türkistan teshkilatliri we xelq’ara ijtima’i teshkilatlar teripidin qubul qilin’ghan bugunki künde, kona mustemlikichlik siyasitining jendisige warisliq qilip kéliwatqan xitay tajawuzchiliri tarixtin béri qollunup kelgen pitne éghwalirini bazagha sélip, sürgündiki sherqi türkistan hökimitini «bülüsh, parchilash we axirida yoqutush» taktikisini ishqa sélish arqiliq, jiddi ighwagerchilik herikitini jiddi halda ewj aldurdi. Mundaq bir ehwal astida, sürgündiki sherqi türkistan hökimiti we parlaméntini bölüp parchilashqa urunush xitay jahan’girlikining tügminige su quyushtek we uninggha maslishishtek xewplik xata yoldin ibarettur . Mundaq bir xata yolgha heweslinish , wetinimiz sherqi türkistan’gha qilin’ghan büyük bir jinayettur. Sherqi türkistan dawasigha qilin’ghan eng rezil xiyanettur . Sherqi türkistanning milli musteqilliq dawasigha sap niyet bilen bel baghlighan qérindashlirimizning arisidiki ixtilap we köz qarash perqlirini semimiy niyet bilen élip bérilidighan démokoratik muzakire yoli bilen hel qilalaydighanliqigha ishinimiz .
Bu ehwalni nezerge alghan halda, weten dawasigha bash qoyghan wetenperwer insanlar, sürgündiki sherqi türkistan hökümiti we parlaméntini bir nechchige bülünüp kétishtek xewplik aqiwettin saqlap qélish üchün pidakarliq bilen küresh qilip, hökümitimizning birligi we pütünligini qet’i qoghdap qélishimiz lazim .
Sürgündiki sherqi türkistan parlaménti we hökümitini qurghuchi yighin ezaliri we jama’et erbapliri bolush süpitimiz bilen , sürgündiki sherqi türkistan hökimiti we parlaméntining barliq kona yingi mes’ullirini we parlamént ezalirini, shundaqla muhajirettiki wetenperwer sherqi türkistan xelqini , sürgündiki sherqi türkistan hökimiti we parlaméntining bir pütünlikini qoghdash yolida pidakarliq körsütüshke we qet’i qoghdap qilishqa chaqirimiz. Sürgündiki sherqi türkistan hökimiti we parlamént ezalirining , bu jiddi chaqiriqimizgha birdek awaz qoshidighanliqigha ishinimiz .
Sürgündiki sherqi türkistan hökimiti we parlaméntining 9- nöwetlik omomiy qurultiyini , öz _ara muzakire arqiliq pikir birlikige kélip, bir orunda ötküzishini teshebbus qilimiz. Shundaq qilghandila sürgün hökimiti we parlaméntining qurghuchi yighinining ezaliri bolush süpütimiz bilen , 9- nöwetlik omomiy qurultaygha qatnishidighanliqimizni tekitlep ötimiz . Eksi halda, bölün’gen halda échilghan yighinlarni qanunsiz yighin hésaplap, uninggha qet’i ishtirak qilmaymiz .
Xtilap we perqliq köz qarashlarni bir terep qilish, hökimet we parlamént mejlis qurulmisini hazirlashqa bir’az zaman éhtiyaji bulidighan bolsa, 9 – nöwetlik omomiy qurultayni 2019- yili 11- ayda emes, 2020 – yili 5- aylarda ötküzüshke bulidighanliqi heqqidiki teklipimizni otturigha qoyushni uyghun köridighanliqimizni bildirimiz .
2019 – yili 9-ayning 14 – küni sürgündiki sherqi türkistan parlaméntimiz we hökimitimiz qurulghanliqining 15- yili bulup, bu muqeddes künimiz mubarek bolsun !
Hörmet we salam bilen
Exmet igem berdi ependi.
Sürgündiki sherqi türkistan parlaménti we hökimitini qurghuchilar mejlisining ezasi , sürgündiki sherqi türkistan jumhuriyitining sabiq jumhur re’isi
Sultan maxmut qeshqeri ependi.
Sürgündiki sherqi türkistan parlaménti we hökimitini qurghichilar mejlisining ezasi , sürgündiki sherqi türkistan parlaméntining sabiq re’isi
Xizir beg gheyretullah ependi .
Sürgündiki sherqi türkistan parlaménti we hökimitini qurghuchilar mejlisining ezasi ,sürgündiki sherqi türkistan jumhur re’isi orun basari
Dimyan rexmet ependi
Sürgündiki sherqi türkistan jumhuriyiti parlaménti we hökimitini qurghuchilar mejlisining ezasi , sürgündiki sherqi türkistan hökimitining sabiq bash ministiri.
Yaqupchan ependi
Sürgündiki sherqi türkistan parlaménti we hökimitini qurghuchilar mejlisining ezasi , sürgündiki sherqi türkistan hökimitining bash ministiri orun basari.
Mehemmed ali en’gin ependi .
Sürgündiki sherqi türkistan parlaménti we hökimitini qurghuchilar mejlisining ezasi, sürgündiki sherqi türkistan parlaméntining bash katipi.
Talat qochyigit ependi .
Sürgündiki sherqi türkistan parlaménti we hökimitini qurghuchilar mejlisining ezasi , sürgündiki sherqi türkistan parlaméntining ezasi
Séyitnisa loqman xanim
Sürgündiki sherqi türkistan parlaméntining bash katip orunbasari
Melike mehemmed eliwa xanim .
Sürgündiki sherqi türkistan parlaménti we hökimitini qurghuchilar mejlisining ezasi ,sürgündiki sherqi türkistan parlaméntining ezasi.

      2019 – yili 9 – ayning 20 – küni 

“Uyghur Kishilik Hoquq Siyasiti Qanun Layihesi” ning Kéngesh Palatadin Ötüshi Dunyagha Bérilgen “Signal”, Déyilmekte

BASH BET | TEPSILIY XEWER

Muxbirimiz irade
2019-09-12

Amérika kéngesh palatasining ezasi marko rubyu ependi(solda) we sénator bob ménéndiz ependi.

Amérika kéngesh palatasining ezasi marko rubyu ependi(solda) we sénator bob ménéndiz ependi.

 REUTERS00:00/08:27 

Awazni köchürüsh

Amérikadiki jumhuriyetchiler we démokratlar partiyesining kéngesh palata ezaliri birliship otturigha qoyghan “Uyghur kishilik hoquq siyasiti qanun layihesi” 2019-yili 11-séntebir küni amérika kéngesh palatasida maqulluqtin ötti. Bu, mezkur layihening resmiy qanun bolup ishqa kirishishidiki eng muhim qedemlerning biri iken.

Bu qanunning kéngesh palatasida maqulluqtin ötkenliki Uyghurlarning weziyitini diqqet bilen közitip kéliwatqan közetküchilerning hem shundaqla chet’ellerdiki keng Uyghur jama’itining qizghin alqishigha érishti.

Amérikadiki kishilik hoquqni közitish teshkilatining xitay ishliri diréktori sofi richardson ziyaritimizni qobul qilip, buni Uyghurlar uchrawatqan bu zulumni ayaghlashturush yolida bésilghan zor qedemlerning biri, dep körsetti. U mundaq dédi: “Men buni zulumning jawabkarlirini sürüshte qilish üchün shundaqla yene Uyghurlar we bashqa türkiy musulman milletler chékiwatqan zulumni ayaghlashturushqa qarap bésilghan zor qedem dep qaraymen. Bu qanun arqiliq Uyghur élidiki xitay hökümet emeldarlirigha jaza qoyulushi we tashqi ishlar ministirliqida mexsus Uyghurlarning mesilisige qaraydighan bir guruppining teshkil qilinidighanliqini nezerde tutqanda buni nahayiti muhim bir ilgirilesh dep qarashqa bolidu.”

“Uyghur kishilik hoquq siyasiti qanun layihesi” ning del Uyghurlarning teqdirige zor tesir körsetken weqelerning biri bolghan 11-séntebir térrorluq hujumining 18 yilliq xatire künide kéngesh palatasida maqulluqtin ötüshimu alahide diqqet qozghighan nuqtilarning biri idi. Amérikadiki “Uyghur kishilik hoquq qurulushi” ning re’isi, adwokat nuri türkel ependi radiyomizgha qilghan sözide, özining buni tasadipiyliq dep qarimaydighanliqini we bu arqiliq xitaygha bériliwatqan éniq signal barliqini bildürdi.

Qanun layihesi kéngesh palatadin ötkendin kéyin bu qanunni bash bolup tonushturghan palata ezasi marko rubiyo we bob menendez 11-séntebir küni birlikte élan qilghan bayanatida mezkur qanunning Uyghurlargha qaritilghan basturush herikitining aldini élishta muhim ehmiyetke ige ikenlikini bildürgen.

Bayanatta ular: “Bu qanun layihesi mustebit xitay hökümitining shinjang Uyghur aptonom rayonida kölemleshtürgen dehshetlik kishilik hoquq depsendichiliki, jümlidin bir milyondin artuq Uyghur we bashqa musulman xelqlerni tutup turush lagérlirigha qamash qilmishigha qarshi turushtiki muhim qedemdur.” dep körsetken.

Mezkur qanun layihesi kéngesh palatasidin ötken waqit del mushu ayning axiri amérikaning nyu-yorktiki b d t binasida ötküzülidighan omumiy yighini aldigha toghra kelgen. Amérika tashqi ishlar ministiri mayk pompéyo yéqinda kansas shtat uniwérsitétida söz qilghanda Uyghur mesilisi üstide toxtilip, amérikining b d t omumiy yighinigha nurghunlighan yighilishlarni, pa’aliyetlerni uyushturush arqiliq bashqa döletlerni xitayning Uyghur élidiki zulumini eyibleydighan chaqiriqlirini qollashqa dewet qilidighanliqini bildürgenidi.

Sofi richardson xanimning bildürüshiche, amérika kéngesh palatasining bu qarari amérika hökümitining b d t omumiy yighinidiki pozitsiyesigimu tesir körsitishi mumkin iken. U mundaq deydu: “Bu yil yazda 25 dölet kishilik hoquq aliy komissarigha mektup yézish arqiliq Uyghurlargha yürgüzülüwatqan siyasetlerge bolghan chongqur endishilirini ipade qilghanidi. Méningche, tünügün kéngesh palatasidin ötken bu layihening eng muhim maddilirining birimu del amérikining birleshken döletler teshkilati kishilik hoquq aliy komissari we b d t ning munasiwetlik doklat teyyarlighuchilirining Uyghur rayonida, bolupmu atalmish ‘qayta terbiyelesh lagérliri’ da jiddiy hem cheklimisiz halda tekshürüsh élip bérishini qollaydighan bir istratégiye tüzüp chiqishtin ibaret. Shunga bu intayin muhim”

Nuri türkel ependimu Uyghurlar üchün intayin muhim ehmiyetke ige bolghan bu qanun layihining kéngesh palatada maqullinip chiqqan waqitning del dunya döletlirining rehberliri amérikagha yighilish aldida turghan’gha toghra kelgenlikini éytti.

Kéngesh palata ezaliri marko rubiyo we bob menendez her ikkilisi 11-séntebir künidiki bayanatida, awam palatasini bu qanun layihesini téz sür’ette maqulluqtin ötküzüsh arqiliq zulumning baldurraq ayaghlishishigha türtke bolushqa chaqirghanidi. Sofi richardson xanimmu sözide amérika awam palatasida Uyghurlarning mesilisige köngül bölüwatqan nurghun ezalar barliqini, shunga ularning bu layiheni tézrek maqullishini ümid qilidighanliqini ipadilidi.

“Uyghur kishilik hoquq siyasiti qanun layihesi” de töwendikidek achquchluq maddilar orun alghan:

– Amérika döletlik istixbarat mudiri (DNI) Amérika tashqi ishlar ministirliqi bilen hemkarlashqan asasta bu basturush heriketliri peyda qiliwatqan rayon xaraktérlik tehdit we ottura asiya döletliri hakimiyetlirining türkiy millet iltija qilghuchilirini qayturush mesilisi üstide doklat teyyarlash we shundaqla yene Uyghur élidiki lagérlarni qurush we bashqurushqa chétilghan xitay shirketlirini tizimlap chiqish.


-Amérika fédératsiye tekshürüsh idarisi (FBI) amérika tupraqlirida amérika puqralirigha salghan tehditler heqqide alaqidar organlarni uchur bilen teminlesh.

-Amérika tashqi ishlar ministirliqida shinjang ishlar maslashturghuchisi teyinleshni oylishish

-Amérika dunyawi médiya agéntliqi erkin asiya radiyosi Uyghur bölümige qaritilghan tehditler heqqide dölet mejlisige doklat bérip turush we xitayning chet’ellerdiki Uyghur jama’itige qaratqan tetür teshwiqatigha qarishi istratégiye belgilep chiqish.

-Tashqi ishlar ministiriliqi “Xelq’ara magnétskiy qanuni” ni yürgüzüp, shinjang Uyghur aptonom rayoni we bashqa rayonlardiki kishilik hoquq depsendichilikige biwasite chétilghan xitay hökümiti we partiyesi ichidiki emeldarlar hem shinjang Uyghur aptonom rayonining partiye sékrétari chén chu’en’go qatarliqlargha jaza tedbirliri qollinish.

Amérika hökümiti birleshken döletler teshkilati kishilik hoquq aliy komissari we b d t ning munasiwetlik doklat teyyarlighuchilirining Uyghur rayonida, bolupmu atalmish “Qayta terbiyelesh lagérliri” da jiddiy hem cheklimisiz halda tekshürüsh élip bérishige qaritilghan chaqiriqlarni qollaydighan bir istratégiye tüzüp chiqish.

Munasiwetlik xewerler

https://www.rfa.org/uyghur/xewerler/uyghur-kishilik-hoquq-qanun-lahiyesi-09122019134718.html?encoding=latin

Bil gérts: “Shi Jinping Dunyagha Hökümran Bolush ‘chüshi’ ni Körüwatidu”


2019-09-17

Bil gértsning imzasida yézilghan "Dunyani aldash: xitay kompartiyesining yer shariwi zomigerliki" namliq kitab.

Bil gértsning imzasida yézilghan “Dunyani aldash: xitay kompartiyesining yer shariwi zomigerliki” namliq kitab.Social Media00:00/08:34 

Awazni köchürüsh

Bil gértsning imzasida yézilghan “Dunyani aldash: xitay kompartiyesining yer shariwi zomigerliki” namliq bu kitabta eng awwal xitayning amérikagha, jümlidin pütün dunyagha nisbeten bir tehditke aylan’ghanliqi ilgiri sürülüp, bu tehditning 1980-yilidin bashlap téximu küchiyishke bashlighanliqi oxshimighan nuqtilar arqiliq tepsiliy bayan qilin’ghan.

Bil gértsning qeyt qilishiche, u xitayning heqiqiy epti-beshirisini échip bérish yolida 20 yil küresh qilghan bolup, bu jeryanda u izchil amérikaliqlarni xitayning tehditidin agahlandurup kelgen iken. U mezkur kitabigha ötken 20 yil mabeynide igiligen chongqur mezmunluq doklatlar we muhim melumatlarni kirgüzüsh arqiliq xitay hökümitining heqiqiy mahiyitini yorutup bergen.

Xitay hökümiti 2013-yili atalmish “Xitay chüshi” dégen bir atalghuni peyda qilghan bolup, bu xitay döliti we hökümiti ichidiki kishilerning atalmish “Milliy rohi” we “Milliy arzusi” ni eks ettürgen bir términ bolup qaldi. Aptor kitabida mexsus mushu heqte toxtilip munularni bildürgen: “Nöwette xitay re’isi shi jinpingning hökümranliqi astidiki ‘xitay chüshi’ heqiqetenmu bir ‘qorqunchluq chüsh’ ke aylandi. Shi jinping nezerini pütün dunyagha hökümran bolushqa tikti, u xitayning dunyadiki derijidin tashqiri küch bolushini xalaydu. Xitay bu ‘chüsh’ ni emelge ashurush üchün amérikaning küchini ajizlitish urunushida bolidu.”

“Xitay chüshi” ghelibe qazinalamdu? xitay weziyitini yéqindin közetküchi, amérika Uyghur birleshmisining hey’et ezasi jür’et obul ependi bu témida pikir yürgüzüp, “Xitay chüshi” ge qisqiche tebir bergendin kéyin, bu “Chüsh” ning menggü emelge ashmaydighanliqini tekitlep ötti.

Yéqindin buyan élan qilinip kéliwatqan xewer we doklatlarda iqtisadiy jehette dunyada 2-orunda turuwatqan xitayning iqtisadtiki ewzellikliridin paydilinip xelq’araliq qanunlargha boysunmaywatqanliqi melum boluwatqan idi. Buning tipik misali amérika-xitay soda urushi mezgilide xitay da’irilining izchil kélishimning mezmunini özgertish we aldin bergen wedisidin yéniwélish qatarliq urunushlarda bolushidur.

Bil gérts kitabida yuqiriqi nuqta heqqide tepsiliy toxtilip, amérikaning buningdin ilgiriki prézidéntlirining ötken 40 yildin béri xitaygha intayin yumshaqqolluq qilghanliqini bayan qilghan shundaqla xitayning amérikagha jasuslirini ornitip amérikaning yuqiri téxnikilirini oghrilap, bügünki kün’ge kelgende amérikaning “Béshigha desseydighan” haletke bérip yetkenlikini alahide otturigha qoyghan.

U yene mundaq deydu: “Donald tramp heqiqeten xitaygha qarita bir meydan inqilab we siyasiy xaraktérlik özgirish qozghidi. Ötken 40 yilda biz xitay bilen bir chong qimar oyniduq, yeni biz xitay bilen soda qilsaq yaki xitaygha yaxshi mu’amile qilsaq, xitay démokratiye yoligha qarap mangidu, dep oylaptuq. Emeliyette bu tüptin xata iken. Donald tramp xitayning bu mahiyitini tonup yetken birdin-bir kishi. Shunga u xitaygha qattiqqol mu’amilide boldi. U xitayning iqtisadigha qarita küchlük tedbir qollandi. Netijide uning bu tedbirliri xitayning bashqa jehetlirigimu tesir körsetti. Yeni xitayning qanun ijra qilish, amérikadin istixbarat toplash, jasusluq qilish qatarliqlar.”

Xitayning yuqiriqidek qilmishliri xelq’ara axbarat wasitiliri arqiliq köplep otturigha chiqqandin kéyin, gherb we yawropa ellirining buninggha qarshi küchlük naraziliq bildürgenliki melum bolmaqta. Halbuki, yéqindin buyan otturigha chiqqan bezi uchurlardin xitayning xelq’ara jem’iyetning naraziliqigha pisent qilmay özining natoghra qilmishlirini dawamlashturuwatqanliqi otturigha chiqmaqta. Buning tipik ipadisi del Uyghur mesilisidur.

Xitay Uyghur diyarida jaza lagérliri tesis qilghandin kéyin milyonlighan Uyghurlar buning qurbanlirigha aylan’ghanliqi ilgiri sürülmekte. Gerche amérika bashchiliqidiki bashqa démokratik ellerning hökümet xadimliri shundaqla kishilik hoquq teshkilatliri buninggha qarshiliq bildürgen bolsimu, xitayning Uyghurlargha tutqan mu’amilisi izchil éghirlashmaqta.

Eger “Xitay chüshi” ghelibe qilsa, Uyghurlargha qandaq aqiwetlerni peyda qilishi mumkin? jür’et obul ependining qeyt qilishiche, Uyghurlar xitayning bu “Chüshi” ning emelge éshishidiki bir tosalghu iken. Eger “Xitay chüshi” emelge éship qalsa, xitay hökümitining qilidighan tunji ishi Uyghurlarni yoqitish bolidiken. Elwette pütkül dunyaghimu bir balayi’apet bolidiken.
sada

Munasiwetlik xewerler

Uyghur Diyarida Tughulghan Bir Xitayning Xitay Hökümitining Rayondiki Basturush Siyasitidin Endishisi


2019-09-18

Melum bazarning kirish-chiqish éghizidin ötishiwatqan Uyghurlar we saqchi qalpiqi. 2019-Yili 31-may, xoten.

Melum bazarning kirish-chiqish éghizidin ötishiwatqan Uyghurlar we saqchi qalpiqi. 2019-Yili 31-may, xoten.

 AFP00:00/11:04 

Awazni köchürüsh

Yéqinda ijtima’iy taratqularda özini 50-yillarda Uyghur diyarigha yerleshtürülgen xitay köchmenlirining ewladi dep tonushturghan bir xitay aptorning “Xitaylar bilen Uyghurlar otturisida shu qeder öchmenlik barmu?” serlewhelik maqalisi élan qilindi. Mezkur maqalide nöwettiki hökümetning Uyghurlargha qarita yürgüzüwatqan chékidin ashqan qattiq qol tedbirliri tilgha élinip, bu xil radikal siyasetning yaman aqiwitige qarita aptorning endishisi ipadilen’gen.

Twittér qatarliq ijtima’iy taratqularda Uyghur diyari weziyiti heqqide yollighan uchurliri bilen tonulghan, kishilik hoquq aktipliridin erkin azad ependi ötken hepte twittér torida Uyghur diyarida tughulup, Uyghurlar arisida ösüp chong bolghan bir xitay puqrasining “Xitaylar bilen Uyghurlar otturisida shu qeder öchmenlik barmu?” serlewhelik maqalisini élan qildi.

Mezkur maqalide özini 50-yillarda, xitay kommunist hökümiti teripidin Uyghur diyarigha yerleshtürülgen xitay köchmenlirining ewladi dep tonushturghan bir xitay ayalning xitay hökümitining, Uyghurlargha qarita yürgüzüwatqan barghanséri radikallashqan qattiq qol tedbirlirige bolghan naraziliqi we bu xil radikal siyasetning yaman aqiwitige qarita endishisi ipadilen’gen.

Erkin azad ependige salam xet sheklide yézilghan maqalide, özini “Shinjangliq xenzu” dep tonushturghan bu xitay ayal, xitay hökümitining radikal basturushigha uchrap, türküm-türkümlep lagérlargha qamiliwatqan Uyghur qatarliq yerlik xelqlerge, özige oxshash bu zéminda chong bolghan bir xitayning yardem bérishke amalsiz halette bolsimu, emma özi ösüp chong bolghan bu zémindiki Uyghurlargha hésdashliq qilidighanliqini ipadiligen.

Xet mundaq bashlan’ghan: “Erkin ependi, men her küni siz twittérgha yollighan xitayche we in’glizche uchurlardin, yurtumdiki qérindashlirimning ehwalini bilishke muyesser boluwatimen. Ereb élipbeside yézilghan Uyghurche xetlerni men oquyalmaymen. Emma tordiki uchurlardin türme we emgek lagérlirigha qamalghan qérindashlirimning ehwalini bilip turuwatimen. Ularning hazir qandaq échinishliq qismetlerge duchar boluwatqanliqini tesewwur qilish tes emes. Hazir yurtumda yüz bériwatqan ehwallar heqqidiki her qandaq bir xewerni anglash manga shu qeder éghir azabliqtur. Gepni qeyerdin bashlashni bilmeymen, emeliyette ulargha yardemmu bérilmeydighan halette turuwatimiz. Lékin ularni her waqit eslep turuwatqinimni, ularning bextsiz qismitige bolghan hésdashliqimni ipadilesh arqiliq, özümning ular bilen bir septe ikenlikimni bildürmekchimen.”

Maqale aptori yene öz xétide, Uyghur diyarining bésiwélin’ghan zémin ikenlikini tekitlep, xitay taratquliridiki Uyghurlar heqqidiki xewerlerning bu zémindiki mustemlike hökümetning teshwiqat xewerliri ikenlikini tekitlesh bilen bille, atalmish xitay sayahetchiliri yollighan uchurlardiki “Uyghurlar naxsha-usul oynap bextlik yashawatidu”, “Shinjanggha barghan sayahetchiler köpeydi”, “Uyghurlar xizmetke orunlashturuldi, Uyghurlar bay boldi” dégendek yalghan xewerlerning özini eng bizar qilidighan xewerler ikenlikini bildürgen.

U yene atalmish sayahetchilerning yollanmilirini körgendiki tesiratini bayan qilip: “Men atalmish sayahetchilerning yurtumdiki Uyghurlar we u yerdiki turmush aditi heqqide torlargha yollighan usul oynawatqan Uyghurlar we sayahetchilerge tamaq étiwatqan qisqa sin körünüshlirini, Uyghurlarning közliride ipadilen’gen amalsizliq we sayahetchilerge bolghan bizarliq qarashlirini körginimde, mende yurtumdiki qérindashlirimning maymunlargha oxshash körgezme qiliniwatqanliqini körgendek azabliq tuyghu peyda bolidu. Halbuki, men ana yurtum dep hésablaydighan bu zémin’gha ilgiri kelgen méning ejdadlirim, ata-anilirimu eyni chaghda yerlik Uyghurlar neziride basqunchilar dep qaralghanidi” dégendek jümlilerni yazghan.

Mezkur xetni twittér torida élan qilghan erkin azad ependi radiyomiz ziyaritini qobul qilip, maqale aptorining bu xetni tordin tam atlap kirish usuli bilen bu yil 7-ayning axiri özige ewetip élan qilishni telep qilghanliqini, we özige salam xet sheklide yézilghan xetni aridin ikki ay ötüp, 9-ayda twittér torida élan qilghanliqini bildürdi.

Xette: “Xitaylar bilen Uyghurlar otturisida shu qeder öchmenlik barmu?” dégen so’algha jawab bergen bu xitay ayal, awwal özining Uyghur diyarida ösüp chong bolush jeryanini eslime qilip, baliliq dewride Uyghur baliliri bilen birlikte oqughanliqi, Uyghur qizlar bilen birlikte qéshigha osma qoyup, qoligha xéne qoyghanliqini, béde chöchürisi, tonur samsisi, kawap qatarliq Uyghur ta’amlirini yep, Uyghurlarning muhebbitige ériship chong bolghanliqini bildüridu.

U yene hazir xewerlerde tilgha éliniwatqan Uyghurlar bilen xitaylar arisidiki qatmal weziyetning emeliyette xitay hökümitining radikal basturush siyasiti peyda qilghanliqini tekitlep, “5-Iyul ürümchi weqesi” mezgilide ürümchide öz közi bilen körgen ehwallarni eslime qilip mundaq yazidu؛ “Kéyin ‘5-iyul ürümchi weqesi’ yüz berdi, emma bügün’ge qeder mezkur weqe heqqide hökümet terep héchqandaq chüshendürüsh bermidi. Weqeni rabiye qadir bashchiliqidiki “Üch xil küchler” we “Radikal diniy étiqad idiyesi” ning tesiride pilanlan’ghan topilang dégenni tekitlidi. Emma bu “Üch xil küchler” we “Diniy radikal idiyedikiler” zadi némilerni qildi? ular yene néme üchün bundaq qildi? dégen mesililerge héchkim jawab bermidi. ‘5-iyul weqesi’ yüz bergen kéchisi biz bundaq bir weqening yüz bergenlikidin xewersiz halette iduq. Biz u kéchisi héchqandaq bir saqchi aptomobilining qoghdishi bolmighan halette ötküzgen iduq. Etisi etigen weqening xaraktéri békitilip, kishiler öyidin talagha chiqalmaydighan weziyet shekillendi. Puqralar her küni öyide olturup téléwizordiki qayta-qayta tekrarlan’ghan hökümet xewerlirini körüsh bilen cheklendi. Köpligen xewerler tekrar bériletti, beziler bir-birige ziddiyetlik idi, eyni chaghdila mende weqe heqqide nurghun gumanlar qozghalghan idi. Mesilen hökümet xewerliride weqening “5-Iyul küni 50 jayda birla waqitta topilang yüz bergenlikini, atalmish topilangchilarning tash-késekler arqiliq puqralargha hujum qilghanliqi, qarangghu jaylargha yoshurunup turup, miqliq kaltekler bilen yol boyidiki kocha chiraghlirini buzuwetkenliki, topilangchilarning zor köp qismining ürümchi ahalisi ikenliki tekitlendi. Emma eyni chaghda ürümchidiki chong kochilarda bu xildiki tash-késekler yoq idi. Bu késeklerni bir kéchidila kimler ekélip qoydi? kochini nazaret qilidighan saqchilar we saqchi aptomobilliri némishqa bularni charlap bilelmidi?7-iyul küni kochigha chiqqan xitay puqralirining qolidiki oxshash kaltekler nedin keldi? xitay puqraliri rastinla Uyghurlarni öltürüshni meqset qilip kochigha chiqqanmidi? eyni chaghda men bu ehwallarni körginimde mende öz ana yurtumni yoqitip qoyuwatqandek tuyghu peyda bolghan idi.”

Radiyomiz ziyaritini qobul qilghan erkin azad ependi, özining bu ayalgha oxshash Uyghur diyarida chong bolghan bir türküm xitaylarning xitayning ichki ölkiliride Uyghurlargha oxshashla ikkinchi derijilik puqra mu’amilisige uchrighanliqi üchün, Uyghurlargha hésdashliq qilidighanliqini bildürüp, xitay hökümiti üstidin özige shikayet qilghanliqini bildürdi.

Erkin azad ependining qarishiche, Uyghurlar arisida ösüp chong bolghan özini “Shinjangliq” dep tonushturghan xitaylarning ikki xil endishisi bolup, uning biri xitay hökümitining Uyghurlargha qaratqan radikal basturush siyasiti seweblik özlirining ana yurti dep hésablaydighan Uyghur diyarigha qaytqinida Uyghurlarning kelgüside ulardin öch élishi iken. Muxbirimiz méhriban

Munasiwetlik xewerler

Thanks For America! Thanks for Marco Rubio!

Long Live America! Long Live The People Of America! Long Live President Donald Trump! Long Live Freedom!

East Turkistan Government in Exile

12.09.2019

“Uyghur Kishilik Hoquq Siyasiti Qanun Lahiyesi” Amérika Kéngesh Palatasida Maqulluqtin Ötti

BASH BET | TEPSILIY XEWER

“Uyghur kishilik hoquq siyasiti qanun lahiyesi” amérika kéngesh palatasida maqulluqtin ötti

Muxbirimiz jüme
2019-09-11

Sénator marko rubiyo "Uyghur kishilik hoquq siyasiti qanun lahiyesi" ning kéngesh palatasidin ötkenlikini alqishlidi. 2019-Yili 11-séntebir. Amérika.

Sénator marko rubiyo “Uyghur kishilik hoquq siyasiti qanun lahiyesi” ning kéngesh palatasidin ötkenlikini alqishlidi. 2019-Yili 11-séntebir. Amérika.

 senate.gov

11-Séntebir, “Uyghur kishilik hoquq siyasiti qanun lahiyesi” amérika kéngesh palatasida maqulluqtin ötüp, mezkur lahiyening resmiy qanun bolup maqullinish yolidiki eng muhim qedemlerning bir élindi.

Bu qanunning kéngesh palatasida maqulluqtin ötkenliki, qanunni bash bolup tonushturghan palata ezasi marko rubiyo we bob menendezlerning alqishigha érishtiٜ.

Palata ezasi rubiyo we menendezler bu heqte birlikte élan qilghan bayanatida mezkur qanunning Uyghurlargha qaritilghan basturush herikitining aldini élishta muhim ehmiyetke ige ikenlikini bildürdi.



Bayanatta mundaq déyildi: “Bu qanun lahiyesi mustebit xitay hökümitining shinjang Uyghur aptonom rayonida kölemleshtürgen dehshetlik kishilik hoquq depsendichiliki, jümlidin bir milyondin artuq Uyghur we bashqa musulman xelqlerni tutup turush lagérlirigha qamash qilmishigha qarshi turushtiki muhim qedemdurٜ.”

Bayanatta yene mezkur qanun lahiyesining béyjing da’iriliri amérika puqraliri we amérikida menggülük turush ruxsiti alghan kishilerge qaratqan tehditlergimu taqabil turushta muhim ehmiyetke ige ikenliki bildürüldi.

Bayanatta neqil élishiche, palata ezasi rubiyo mundaq dédi: “Amérika hökümiti xitay kompartiyisining shinjangdiki sistémiliq we esheddiy kishilik hoquq depsendichiliki we belki insaniyetke qarishi jinayetlirini xéli burunla jawabkarliqqa tartishi kérek idi.”

U yene amérika dölet mejlisi awam palatasini bu qanunni derhal awazgha qoyup maqulluqtin ötküzüshke chaqirdi.

Bob menendez ependim bu qanun lahiyesining kéngesh palatasida tonushturulushigha bash bolghan erbablarning béridu.

Umu bu qanun lahiyesining kéngesh palatasida maqulluqtin ötkenlikini tebriklidi.



U mundaq dédi: “Bu qanun lahiyesi milyonlighan Uyghur musulmanliri naheq qamilip, keng kölemlik teqibge muptila qilin’ghan we mustebit hakimiyet teripidin emgek lagérlirigha bend qilin’ghan peytte dölet mejlisining tetür qariwalmaydighanliqini namayan qilidu.”

“Uyghur kishilik hoquq siyasiti qanun lahiyesi” 2018-yili noyabirda tunji qétim we 2019-yili baharda ‍ikkinchi qétim tüzitip tonushturulghan idi.

Qanun lahiyesi ilgiri kéngesh palatasining tashqi munasiwetler komitétida awazgha qoyulghan.

Eger bu qanun lahiyesi awam palatasida maqulluqtin ötse amérika prézidénti donald trampning aldigha élip kélinidu we prézidént imza qoyghandin kéyinla resmiy küchke ige bolidu.

Munasiwetlik xewerler

https://www.rfa.org/uyghur/xewerler/uyghur-kishilik-hoquq-siyasiti-qanun-lahiyesi-09112019235849.html?encoding=latin